Psalms 39:12 - Ohiatonhseratokénti

¹² “Satthóntek nakwahterénhnaient, Ó Saiá꞉ner, tánon satahón꞉satat tsi natekaséntʼthos; tó꞉sa ne iáh othènon karíhwa thashónhniane natkashíʼri Asèken kwáh nék khók tsi waʼkatohestonhátsie tsi waʼkenataré꞉nen, thiwaʼkonhontsiáte, tsi ní꞉ioht ne khesotʼthonkonhkénʼen.

Psalms 39:12 ပူးပေါင်းရင်းမြစ်များ

Genesis 21:34

NʼAbraham nikarihwésha thóh nón꞉we iehenʼterón꞉tahkwe tsi tewatonhwenhtsá꞉ien ne Philistine tsi thihaontsá꞉te kén꞉ne.

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

2 Samuel 16:12

Nontiérenk sèh ne Roiá꞉ner enhatkátho nakeriwahetkénsera, kwáh neh tensakeriwaserá꞉kwase ne ioiá꞉nere tsi niʼionkeriwaieshaténhni nón꞉wa wenhniserá꞉te.”

2 Kings 20:5

thóh iesréh tsi thénteron ne Hezekiah, ne shakokhóra ne Roiá꞉ner rahonkweʼtashón꞉as, tánon nahawénhaʼse, “Í꞉i ne Watiá꞉ner, ne Rí꞉ní꞉io ne iashotʼkénʼen Táwit, onhkatʼthónteʼne ne saterénhnaient tánon wahkatʼkátho ne saká꞉sehris. Kwáh kíʼ enskóntienhte, tánon nasénhaton nienhwenhniseraʼkéhaton kwáh Ononsatokentiʼkówaʼne nienhénse.

1 Chronicles 29:15

Sateriéntare, Ó Saiá꞉ner, tsi iatsiónnhe thóh ní꞉ioht tsi iotohestonhátse tsi shí꞉ken ní꞉ioht né ionhkerekwáhton tánon thiʼiákwahte í꞉ken, tsi kíʼ né nihotiʼiéren ne iakhisotʼthonhkonkénʼen. Né tsi hionkwahtenhniseraténion thóh ní꞉ioht tsi iotohestonhátse tsi shí꞉ken ní꞉ioht nahiothasátarahke, tánon iáh thahónton naiakwahniákenhse ne kenhéion.

Job Tánon ne Raoronhiakensera 13:28

Tionkwè꞉ta enhiehiataiésa tsi ní꞉ioht ne iótken í꞉ken, tsi ní꞉ioht natserónhnia ne koʼkhó꞉wa iawékon.

Job Tánon ne Raoronhiakensera 16:20

Nakatoroseraʼshón꞉as thihiontié꞉ron; ne khá꞉rake iewakaseró꞉te raonhà꞉ke ne Rawenni꞉io.

Psalms 102:1

Satahónsatat nakaterén꞉naient, O Saiá꞉ner; tánon satʼthóntek tsi tekaséntʼthos né nastsiatakéna.

Psalms 116:3

Tsi niʼioterístaien ne kenhéion ne tewaʼkakwahtaséhton; tsi natewakawehesthánions ne Sheol ne onhtiéna; waʼkenikonhraronhiáken tánon onhkenikonranónwatʼte.

Psalms 119:19

Thiwakenatárehne tsi kénʼen í꞉kes tsi ionwenhtsáte; tó꞉sa takaséhten ne satsiawenhrátseras.

Psalms 119:54

Tsi nikaríwes wakenataré꞉nenh kí kénʼen ionhontsáte wahkerenhnarastánion ne saianerénhseras aorihwáke.

Psalms 56:8

Sateriéntare tsi natewakanikónhrahre; sateweientónhnion tsi nisatá꞉rion natkaséris ne kattshétakon. Iáh kén tesahiatónhnion ne sahiatonhserákon?

Psalms 90:9

Né norihwí꞉io í꞉ken, onhkwatonnhetseraʼkwékon iewaʼthót꞉tha né꞉ne sanakwáhtshera karihónhnis; né tsi iatiónnhe thóh niʼiostó꞉re tsi waʼtohéstha tsi ní꞉ioht nahontaiakahonhníserenhne.

Leviticus 25:23

Ne shonhóntsa iáh tehiówenk né tiókonhte ahishaʼthenhninónhtie, tsioríhwa tsi iáh teshiaʼthakwení꞉io; Rawenni꞉io rahohóntsa íken, tánon thóh ní꞉ioht tsi shí꞉ken ní꞉ioht ne thahisonhontsáteʼke nashiathoténhake né iesharihwáwi náshatste.

2 Corinthians 5:6

Tiókonte sewaʼnikonhrahnirónhak! Tsi náhe shé꞉kon tewakwé꞉kon nonkwaierón꞉ta iáh tewá꞉tons naitewakwekónhake ne Roiá꞉ner, tsi nentewaié꞉na ne karonhiaʼkéhkha oierón꞉ta thó꞉ne enwá꞉ton entewakweʼkháhne ne Roiá꞉ner.

Hebrews 11:13

Kwáh seh tewehtákwenh nónwe nihotenhénion kíʼ nonkweshón꞉as. Iáh tehotiʼienáhon tsi nahoténshons rohrahrátston ne Rawenni꞉io, nónk ahí꞉non nío꞉re tsi wahʼhonwahtíken tánon iahonwahtí꞉konke, tánon kwáh tiahontʼrohrikó꞉wah tsi thiʼononhontsiáte ó꞉ni rothinatenháwis ne tsi ionwentsiáte.

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.

1 Tiér 1:17

Kanísera tsi sewanathónkwa, nónen rahonháke ne Rawenni꞉io ensaterénnaien, rahónha kwáh sahtetiótʼte nonkwetakwékon tsi tesakoiatorétha, entioianénhawe tsi naiakotiéren ne tieiatát꞉tion; kwáh káti, tsi nikaríwes shékon enshónnheke ne kén꞉en onwentsiáke tsi tseriwakweniénstak.

1 Tiér 2:11

Kwanekénnis, tewatenrosónhas, tsi kenkʼthitionkwénon ó꞉ni ionkwanahtenháwis ne kén꞉en ionwentsiáte! Tóhsa sewatiakwarísias tsi nitewaskáneks noierónta, nehʼne tsi tiókonte ionaterí꞉io natónnhets.