Psalms 38:2 - Ohiatonhseratokénti

² Asèken ne saiénhkwires waʼtewatiatáweʼheste, tánon ne sahtshanáke waʼtewaknhiotháko.

Psalms 38:2 ပူးပေါင်းရင်းမြစ်များ

Job Tánon ne Raoronhiakensera 6:4

Asè꞉ken ne raoiènkwires ne Roshatstenhserowá꞉nen ne tewatiatawehéston, naotinonkwatseraktséntsheras ne ionekí꞉ren nakatónnhets; ne raoterón꞉tshera ne Rawenni꞉io wakanenhraserón꞉ni nahontahionkatiaʼtón꞉ti.

Psalms 21:12

Asèken kwáh ensehʼhiónien nahontèko; kwáh ratikonsáhke tsi ensehtakwahríshien ne saiénkweri.

Psalms 32:4

Tsi niwenhnísehres ó꞉ni tsi niwahshóntes tsi wahsekrehwahthe, Saiá꞉ner; kwáh iáh othènen teséts꞉thakwe, kwáh tsi ní꞉ioht notsítsa tsi wastátʼthens nó꞉nen kwáh iorakwahtaríhen nakenhnáke nikaháwi. Selah

Psalms 6:2

Takiténhrat, Saiá꞉ner, asèken iáh tesewakeshaststenhseráien; Sastiewénhtot, Saiá꞉ner, asèken nastsienshón꞉ha tehiowishiónkwah tsi niwát꞉terons.

Psalms 64:7

Ók Rawenni꞉io iensakorónhtate ne raoiénkwires; kwáh thentsawénhstsi enhotikaré꞉wate.

Lamentations 3:12

Ne wahathatonniáten nahathesennáweiesʼte ne rahoiénkwires akonhà꞉ke.

Deuteronomy 2:15

Ne Roiá꞉ner iahakontákwe tsi sakorewaʼtáwe kwáh tsi nió꞉re ratikwé꞉kon wahonhníheie.

Ruth 1:13

aietsatehrhà꞉rate ken tsi niió꞉re iaʼnonkweʼtaié꞉riʼne? Né꞉ kenʼ taiesení꞉tahste ne akó꞉ren aonsesení꞉niake? Iáh, keniién꞉ʼa, tsaterién꞉tare tsi iáh nowén꞉ton tho thaiá꞉wenʼne. Roiá꞉ner iáh thaʼtehshakerihwasnié꞉se tánon wakeʼnikónhkararens ne senirihwà꞉ke.”

1 Samuel 5:11

Eʼthóhʼne iahonwahnaténieʼte tánon nashakotiʼiataróhroʼke skát꞉ne ratiʼkwé꞉kon ne Rotiʼiá꞉ners ne Philistine, tánon wahonní꞉ron, “Ionsaʼsewaténiet ne raoʼneró꞉kwa ne sakoʼNí꞉io NʼIsraerʼró꞉nons, tánon thóh ieskaʼiéntak tsi nón꞉we tionákte, nètho ne ne tó꞉sa aón꞉ton naionkwanonwahrhiákhon ó꞉ni nontsonkwetaʼókons.” Asèken ne ne kenhéiat tsi ní꞉iot tsi wahtsiaʼkaonhnarík꞉khon kwáh kaʼnatakwékon nontáweʼte ne kanatowahnénhke. Ne ratsanáke ne Ní꞉io kwáh í꞉ken tsi washakoteniakátsʼtatʼtshe neh nón꞉we.

1 Samuel 5:6

Ne Roiá꞉ner wahshakoteʼniakátsʼtatshe nonkweʼó꞉kons ne Ashdod nón꞉we, tánon waʼshakoteronkwenhniónhaʼse ó꞉ni waʼshakóienʼte ne takwaʼáhson, tetsá꞉ron thóh nón꞉we Ashdod tánon ne tsi waʼtonhontsá꞉ien.

1 Samuel 6:9

Tánon sewatenhnikonráren; tó꞉ka kén thóh nienhénseʼwe tsi tsiohontsáien, thóh nón꞉we Beth Shemesh, ne kiʼ neh kwáh raónha thóh nisonkwasenhé꞉ni kí꞉ken teiotenonhianí꞉ton kakaronʼniá꞉tshera; ók tó꞉ka iáh, eʼthóhʼne kiʼ enionkwateriéntaraʼne nètho tsi iáh raónha ratshaʼnáke teionkwaién꞉ton; tsi naonkwaiátawen atérasʼwa í꞉ken.”