Psalms 37:39 - Ohiatonhseratokénti

³⁹ Ne Roiá꞉ner shakonónstats ne tionkwetaiéri tánon teshakóʼnhes nónen thé꞉nen tekanikónrahre.

Psalms 37:39 ပူးပေါင်းရင်းမြစ်များ

1 Chronicles 5:20

Thóh nón꞉we nahatiʼniáheʼse rahonháke ne Rawenni꞉io tánon rahonháke nónh nahonterénhnaien nasakoiénawaʼse, tánon ne Rawenni꞉io watarihwaseráko ne raonaterénhnaient tánon washakosniénon tsi wahonwatisénhni ne Hagrites ó꞉ni ne thonatenhró꞉honhne.

2 Chronicles 32:22

Thóh kí꞉ken ní꞉ioht ne Roiá꞉ner tsi shoniakénton ne Ronnonhtí꞉io Hezekiah tánon nonhkweʼshón꞉as ne Jerusalem tsi nòkwah ne Sennacherib raoshastsʼtenhserákon, né꞉ne rakórahkwe kénhʼne ne Assyriaró꞉nonhke, tánon ó꞉ni tsi nòkwah ne akorénhsons tehontátʼtionskwe. Washakoríhon nonhkweʼshón꞉as kwáh skén꞉nonk tsi ahatiterónhthake: skát꞉ke né tehonthonhontsanékens tsi kanakerahserakérons.

Psalms 28:7

Né Roiá꞉ner rahónha nakeshaststénhsera í꞉ken tánon rahónha rakatrenhóstha; kwáh akerhiasakwékon tsi thiʼiethákwen; ká꞉ti raʼtiataké꞉nas, tánon tiatakwékon waʼtiatánaʼne natsenhnonniátsera, tánon né nakerénhnake tsi waʼthinonweráton.

Psalms 3:8

Roiá꞉ner sèh sesakohiatákwas; ne sahiathateríhtshera ahotiráhne ne shonkweʼtaʼshón꞉ha! Selah

Psalms 34:20

Rahónha raʼnikón꞉rahre akwé꞉kon ne raotistsiensónha; iáh né skastiéntha tathahontsáke.

Psalms 46:1

Rawenni꞉io seh nonkwaʼnhétshera tánon onhkwasháststenhse í꞉ken, tiotkonhónwe rotateweienhnentáhon nahatsniénon nónen thènen tekanikónhrahre.

Psalms 46:2

Kwáh ká꞉ti iáh thahóten thahionkwáteronhne, iekaníhare ne tahiahontsíshonkwe; né ó꞉ni ne tsi ionontarónhnions niatahonré꞉ni kaniatarakhekó꞉wane;

Psalms 62:2

Rahonhatsíwa thá꞉kenes tánon rakenónstats; rahónha ne tákenes, tánon iáh nonwénhton tsiahionkesénhni.

Psalms 9:10

Tánon tsi nihiákon ne ieshasenhnaientéri shonháke nón꞉we nitiakawetákwen, Asèken ní꞉se, Saiá꞉ner, iáh tesehiatewenhtétha tsi nihiákon ne iesaiatísaks.

Psalms 9:9

Né káti aoriwáke né Roiá꞉ner rahonháke nón꞉we nionthasehthákwah né tehiontonhnakárias, ne tatkáwas né skénhnon í꞉ken nó꞉nen thènen tekanikónhrahre.

Psalms 91:15

Nó꞉nen ienhionkenaton, kwáh kíʼ thenkherihwasehrakwahse; kwáh enhiakwakweʼkónhake tsi nathenhonhnikonhráhren, kwáh kíʼ enkheniákenhte tánon enkhekwéniensʼte.

Proverbs 11:8

Ne tionkweʼtaié꞉ri iakoiaʼtanónhstats ne oʼthé꞉nen taionʼnikonhrhá꞉ren, nok ne enhatiié꞉na kaʼnikonhrharáhtshera ne iáh tethotirihwaié꞉ri.

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 33:2

Ó Saiá꞉ner, taʼkwénhtenr; Í꞉se kwahrá꞉re. Í꞉se takwahtenenhtsaʼshónteras né niatehioronkétshera, ne nonkwahiatakená꞉tshera í꞉ken nó꞉nen thènenh tekanikónrare.

Jeremiah 15:20

Kwáh enkonhiasonthónnien ne iohníron otsínekwar tehiowístahron karísthatsi enkénhake tsi nióre ne ne rónnhereh eh nenhiáwenhne. Ensehwaterí꞉io, ók iáh kíʼ tahieshaʼsénni. Kwáh entenikwekónhake nahonthakónhne ó꞉ni nakonhiathanónhsthate.

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Jonah 2:9

Nok tenkonrihwáhkwaʼse ne atonhnharáhtshera ne sonhá꞉ke. Ne entkónion enkatienʼkwarón꞉niaʼte tsi tenkonnonhwerá꞉ton tánon eʼtho nén꞉tiere tsi niwakahrharátston. Ne kaʼniakénhtshera Roiá꞉ner nón꞉we nitewé꞉tha!”

Ephesians 2:8

Asèken nehne Rawenni꞉io rahoténrat tsi saniakénton teiahonkóthon ne tewetákwen. Iáh neh tehiorihonʼníʼon tsi nahisahiotén꞉en, nók ne tsi Rawení꞉io sakówis, neh káti ne tóhsa ónka ahiontatóharakwe.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.

2 Timothy 4:17

Nók ne Roiá꞉ner wahakarískothe ó꞉ni tahákon ne kasatsʼténsera, neh natkwéni akerihówahnahthe nakananónhake nateriwahnothátsera ratikwékon ne iáh tehatisitaerónons nahónronke; tánon sakeniákenʼne nahionkeriwénton nahonkihéion.