Psalms 37:34 - Ohiatonhseratokénti

³⁴ Roiá꞉ner nòkwah shariwahnirónhak tánon shatewénhnarak ne raotiawenráhtshera; enhiakwéniensthe tsi éntʼthion nonwéntsia, tánon enshé꞉ken ne rotiʼriwahneraʼákskon tsi enhonwaʼnátonhte.

Psalms 37:34 ပူးပေါင်းရင်းမြစ်များ

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Psalms 112:8

Iáh tathehonanikónraʼre khés nahothiteronhníhake; kwáh orihwí꞉io rahónhni ne ronwaʼtíshons tsi enhonwaʼtisénhni.

Psalms 112:9

Kwáh iáh othènen tehatikaráiens, tsi nisakonáwis ne teiontkárias; ne raotirihwaʼkwahrihshón꞉tshera thenkawisátsteke tsi nénhwe enkénhake; kakweiensthaʼtsherákon í꞉ken tsi ronateʼshaststenhseraʼkaratáton.

Psalms 25:13

Né Roiá꞉ner tiotʼkonhónwe tsi ensahkohiataterístonke ioiánere tsi aʼhonnónnheke, tánon ne sakotiʼiohokónhas enhonhnonhontsaiénthake.

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 37:3

Tatʼtsetakwénhak ne Roiá꞉ner tánon kaiotensherí꞉io tsi shaióthen; tánon éhʼtho ensehnákereʼke ne tsi ionwentsáte tánon kwáh skénhnonk thenkénhake.

Psalms 37:7

Sák tasahthatón꞉ni raohénton ne Roiá꞉ner, tánon sanikonkáts꞉te tsi tsiateráhrat tsi nenháiere; Tóhsa sehiaskanétsek tsi niháti ne rotihianerasténni tsi nihatiweienhnóten, Tó꞉ka ní ó꞉ni tsi niháti né꞉ne raʼtihá꞉wi tsi nihonatenikonríhshon ne karihwaʼhetkénsera.

Psalms 37:9

Asèken ne ronhnonkwetahét꞉kens kwáh kíʼ nenhné꞉e enhonwaʼnátonʼte, ók tsi nihiákon ne Roiá꞉ner thonwethákwen kwáh kíʼ enhontsatakweʼní꞉ioste nonwéntsia.

Psalms 91:8

Kwáh nek khók ne tesatʼkakwahrísi tánon kwáh ensatkátho satkátho ne Rawenni꞉io tsi ní꞉ioht tsi sakorewáʼtha ne ionhkwetahét꞉kens.

Psalms 92:12

Né tionkwetaiéris rotiʼianerasthénhnis tsi ní꞉ioht ne ioneratésons ioronhtótons, tánon ronhtehiárons tsi ní꞉ioht ne onenhtakwenhtétshera ne Lebanon tioteronhtonhniánions.

Proverbs 16:17

Nónhka tionkweʼtaié꞉ri tho nón꞉we enionthahaté꞉ko tsi iohatátie ne karihwanéren; satenʼnikón꞉raren ká꞉ti tsi nón꞉we wesenonhátie—tókaʼ ne ensaʼniá꞉kenhte.

Proverbs 20:22

Tóhsa ní꞉se saskáriaʼkt nahò꞉ten wahétken. Tsheniáhes Roiá꞉ner ne enharihwakwatá꞉ko.

Proverbs 29:16

Nó꞉nen nón꞉kwe ionkweʼtahétken ronateríhonte, ísiʼ non wahétken tenwathnaʼnéta. Nok ne thotirihwaié꞉ri enhonnónhnheke nahontkáhtho naonsahonwatiià꞉tenhte kí꞉ken niioʼkweʼtò꞉tenʼs.

Isaiah 57:13

Nó꞉nen iathenshaséntho, áhnion tsi nihonahtiokowánen ne sahiaʼtonhnisónhas né iesahiaʼtanónstat! Tsi iowerá꞉re nenhné꞉e ienkáháwe, énska khók ahonhnísera ieniakoiaténhaʼwe. Ók ónka nakonhá꞉ke enhiontekwáhsen kwáh kí eniehiéna nonwénhtsa tánon akówenk enwáton nakenontatokentíʼke.

Matthew 24:13

Nok tanon onka iatenharionkote neh enhaniakenne.

Luke 14:11

Aseken ehtake niienhentsien ne iontharatasts, nok enhiontharatate ne iontatkenronni.

Deuteronomy 5:33

Akwé꞉kon sewatewénhnarak, ne káti norihwakwé꞉kon tsiahioiánerenke ne sewarihwà꞉ke tánon káti kwáh niahisewakónhtà꞉kwe thóh ahisewenhterónhtake ne tsi iohontsá꞉ien nenhsewatié꞉nawatste.

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

1 Tiér 5:6

Ehtáke sewatatónhni, káti, rahohénton ne Rawenni꞉io rahosatsʼténsera, neh꞉ne ahiaiatakarátate nónen iatenhoriwaiéntase.