Psalms 37:19 - Ohiatonhseratokénti

¹⁹ Iáh tahóthen tahotinorónsten nó꞉nen enwáh꞉we ne tahiontkári, ne tewenhniserónhte natonhkarhiá꞉kon kwáh enhiotsénike tsi nenhothikwaiéntake.

Psalms 37:19 ပူးပေါင်းရင်းမြစ်များ

Psalms 33:19

Sakohnónstats tsi nòkwah ne kenhéiatne, sakónonste nahonnón꞉nheke nó꞉nen ienhkáhewe natonhkarhiákon.

Proverbs 10:3

Roiá꞉ner iáh thahathón꞉tate ne tiakorihwaié꞉ri aiontonhkáriaʼke, nok ne ionkweʼtaksenʼokón꞉ʼa iáh thahatiié꞉na nahò꞉ten tehonatonhontsó꞉ni.

Ecclesiastes 9:12

Iáh nonhwénton tesateriéntare kátke iekáhewe níse sariwáhke. Tsi ní꞉ioht notsitenhokónhas hioteiatotaréhon tsi waterístaien, tsi ní꞉ioht ne kéntsionk roiathotaréhon tsi wataháro, entewahiatotárehne né nónen kwáh iáh othé꞉nen tetsionkwárahre.

Isaiah 33:16

né꞉ne kwáh éhʼneken nón꞉we nenhatinákereke; ne enhontaséhtaʼkwe né kwáh osténhra wathenhénrote; ne raothí꞉kwah kwáh kí entonhwanatkawenhníheke, ne raoʼtinékanos kwáh kí ronwanaratátstenhni.

Amos 5:13

Ne ká꞉ti aorì꞉wa ne ionttókhas kwáh sak thenhionthatón꞉ni ne nenkahá꞉wike; asè꞉ken karihwahetkénhsera enkaiéntake ne nenhkahá꞉wike.

Micah 2:3

Ne káti aorì꞉wa rá꞉ton ne Roiá꞉ner: Ó꞉nen, kíʼ wakateʼnikonronhnihátie tsi nokwáh kí꞉ken kawatsiratsénskwah né꞉ne iáh taskwé꞉ni tashateniaróhetste ne satsienhthaniátsthakwa; tánon iáh tahonshasathatónhnike, asè꞉ken kwáh karihwahétken enkénhake ne nenhkahá꞉wike.

Ephesians 5:16

Kwáh ioʼianeréhak tsi ísewats natesénʼna tsi nensewaiéntaʼne, Asèken kíʼ nónwa wenʼniserathénions kwáh kariwáhneren.