Psalms 36:8 - Ohiatonhseratokénti

⁸ Né rónhneks tsi niʼiawetowáhne ká꞉khwa tesakʼkáwas ne Sanonsatokentikó꞉wane, tánon ne senekanóntens tsi kaniataratátsie ne serientiʼiósta.

Psalms 36:8 ပူးပေါင်းရင်းမြစ်များ

Job Tánon ne Raoronhiakensera 20:17

Kwáh iáh tahatkáto ne kahionhatátie, ne kaniataráke ne kahá꞉wi ne otsinakontahkwà꞉ne otsikhè꞉ta tánon ne iotewistósehro.

Psalms 16:11

Enskerihónhnien tsi niehiokthahí꞉non ne iónnhe. Né tsiatákta kwáh titkáhere natonnarátsera; ne sesheweientethákwen ne nonwenhsénhtseras í꞉ken.

Psalms 17:15

Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 17:8

Thóh ní꞉ioht tsi taskene tsi ní꞉ioht tsi teshé꞉nes ne ská꞉rake; tatsá꞉taset thóh tsi iotasahtare ne shá꞉nerahòn꞉tsa;

Psalms 31:20

Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Psalms 46:4

Tkaniatáro né tiakówis nonkweshónhas ne Rawenni꞉io raonátakon nahiontonnáren thóh nón꞉we nihanákere ne kwáh tohiathatokénti.

Psalms 63:5

Kwáh kíʼ enwaʼkerenhtí꞉io tsi ní꞉ioht nón꞉kak iakotekwáhrakwe ne tsi waʼthenhnió꞉te, kwáh kíʼ atʼtsenhnonhniatsherákon tsi tenkonhnonweráton.

Psalms 65:4

Iakotáskats tsi nihiákon ne sehiatará꞉kwen tánon tesehiaténha ákta né niahontáwehiaʼte ne sanonsatokentiʼkówaʼne ne taiesanonweráton tánon naiesahsénhnaien, ne kahiathateríhtseras nonkweshón꞉ha iehiénas ne sanonsatokentiʼkówaʼne nónwe nitewètha, né꞉ne kaiatateríhtseras teskwáwis thóh kanónskon ne Sanonsatokentiʼkówaʼne.

Song of Songs 5:1

Táke nakhétakon, tiatenósen, aktsikhéta, waʼkatateróʼrohkse ne wenhienaʼnórons skane ne wenienaʼkonhonson, wáʼkehke nakáʼwenk ohtskeréwak skátʼne naʼkahónha nakʼtsikéta, wakʼnekíra naʼknéka onenharákeri skátʼne nonónhta. Tesewatskà꞉on, O ateróhseras, tánon sewanekí꞉ra; sewanekí꞉ra wesóhak, O sewaténros!

Isaiah 25:6

Né kénh꞉en tsi ionontáhereh ne Sakoiá꞉ner ne ronterí꞉ios ratiʼronhiakeró꞉nons kwáh tsi ensakahónhnien ratikwé꞉kon nonkweʼhókons tsi ensakhokʼkhwahéraʼse né꞉ne iotkhwarésenhs, tánon ne ne kwáh í꞉ken ionekaksʼténha otsítsia enhatinekí꞉ra, né꞉ne iokhwarésenhs ne tekaiéston nostarònwa, tánon ne ne kwáh onekasthénha otsítsia ne kanonwakénston ne aóskon í꞉ken.

Isaiah 43:20

Né kontírios kwáh thenhionkerénhsaron, né tsítsios tánon ne skawirowaʼnekówa; asèken khenekanón꞉ten ne iahonwenhtsiaʼthénhake, kaniaʼtaraténions thóh né iahonwenhtsiaʼthénhake, né nakhenekánonte né wakatonhkweʼtarákwens,

Isaiah 48:21

Iáh teotiniaʼtatʼthénʼen nó꞉nenh shaʼsakohéntenhse ne iaʼhonwenhtsaʼthénhake; tahanekóten nosthenràke ne raotirihwá꞉ke; waʼtatsthenró꞉ren tánon takanawí꞉nekenʼne.

Isaiah 58:11

Né Roiá꞉ner kwáh enhiaʼsárihne ienhiokontákwen, tánon enhiaʼiéritʼtse tsi naʼtesatonhontsóni tsi nón꞉we nihioʼhontsáʼtens, tánon enhiastientaníraʼte; tánon thóh nenhshiaʼtothénhake tsi ní꞉ioht ne kwáh iakonekóntion ne kahétakon, kwáh né꞉ne tioné꞉koʼte, né nonékanos iah nonwénhton tewástes.

Zechariah 9:17

O tsi nenhiohianeréhake ó꞉ni enwatʼkathotseriió꞉hake nonwénhtsa! Ne ken nithotihiónsah kwáh enhontehiá꞉ron enhatiʼshátsteke kwáh enhotihianerásten tsi nokwáh nonátsa ó꞉ni ne onenharataʼsehontsherákeri.

Matthew 5:6

Iakotaskat ne tkariȣaieri iontonkariakta oni iakoniatathata: aseken enhiontatatahten.

John 7:37

Nok nonen neh nonaken iotonniseroheststakȣen ne ȣentanorons, etho ihres ne Iesos, tehohenretta raton: tokasenonȣa onkakiok roniatathens, karo itret, nok ihine ranekira.