Psalms 36:7 - Ohiatonhseratokénti

⁷ Tsi niwé꞉so satèkena ne iorihwaʼtó꞉ken sanoronhkwátshera, Ó Ní꞉io! Tèsehnes nonweshónha kwáh tsi ní꞉ioht ne kítkit tsi iakohiataséhtha nakohiohokónha ne kanerahontsiókon;

Psalms 36:7 ပူးပေါင်းရင်းမြစ်များ

Job Tánon ne Raoronhiakensera 37:23

Ne Roshatstenhserowanenhkó꞉wa iáh tewá꞉tons atsitewaiataʼtshén꞉ri; Roshatstenhserowaʼ꞉nen tánon roiá꞉nere, tánon iawetaʼtsá꞉ni karihwakwarihshióntsera ne iáh thatahaterienʼtawénhrie,

Psalms 139:17

O Sewenní꞉io, tsi niwaterihwenhtó꞉re tsi ketsénhriens ne sanonhthonhniónhtsersas; tsi nihiawetowánen í꞉ken!

Psalms 17:8

Thóh ní꞉ioht tsi taskene tsi ní꞉ioht tsi teshé꞉nes ne ská꞉rake; tatsá꞉taset thóh tsi iotasahtare ne shá꞉nerahòn꞉tsa;

Psalms 31:19

Ó tsi nikananónkʼkons ne sáhwenk iohiáneres né꞉ne sehiateweienhtónhni kowánen kaiathateríhtsera tsi nihiákon ne teiesarénhsarons; tánon wé꞉so tsi nisehiatiérase tsi niʼiákon nʼisèke néntien nahiontásehte, né꞉ne kwáh onhkwetakwékon enhiontkátho!

Psalms 57:1

Takiténhrak, Ó Sewenní꞉io, takiténhrak, asèken shonháke nón꞉we nakatón꞉nhets niʼiotekwáhsen; né tsi iotasátare ne sanerahón꞉tsa nón꞉we nenhkatekwáhsen, tsi nió꞉re ne iakothóntha kawerowánen enwaʼtó꞉hetste.

Psalms 63:7

asèken tiotkonhón꞉we í꞉se tatienawasehátse, tánon thóh tsi iotasáhtare ne senerahontsiókon tenhkeríhwaʼkwe natsenhnonniátsera.

Psalms 71:19

tánon ne sarihwakwahrihshón꞉tsheras, Ó Sewenní꞉io, iéwas tsi nón꞉we ne kwáh tioteronhiátes. Í꞉se né iorihowá꞉nens tsi nisahtseránion, O Sewenní꞉io, ónhka nahonsaiesaiérenhke?

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Psalms 91:4

kwáh enhiaróhroʼke tsi ní꞉ioht ne kítʼkit tsi iakohiataséhtha nakohiohʼokónha kanerahontsiókon, tánon ranerahontsiókonh nón꞉we nisataséhthaʼkwe; ne Rawenni꞉io rorihwaʼtóken kwáh kíʼ enhiaiatanónsthate tsi ní꞉ioht ne tehioniatasthákwa.

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Luke 13:34

Jerusalem, Jerusalem ise ne sheiaȣenttos ne Rotitokense, nok shenenhioiaks ne tiesatennietenni! toh niioriȣake ȣakatenienten nakheiataroroke ne Seienhokonha, tsinikaierha ne kitkit tsi iakoiataroroks nakoienhokonha kaneraontsokon, nok iah tesathontaton.

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

2 Tiér 1:4

Kén kíʼ ní꞉ioht tsi tesonkwáwi ne kwá kowánen ó꞉ni iorihowáhnen natathawítseras ne rohrarátston, nekáti tsi nikéntons kí꞉ken ahtathawítsheras nahónton ahonsaseniákenʼne tsi nòkwa ne iakokaronniátha ne iakonikonrotákwas ne tsi ionwentsiáte, tánon nahónton asísewatiátarase rahónha ne ronnheʼónwe.

1 Sawátis 3:1

Satkátho tsi niʼiawetatsáni ne Kanísera sonkwanoronkwáʼon! Tohʼnióre tsi tehiotenonnianíton ne rahononronkwátsera thóh ní꞉ioht tsi ionkihientéri Rawenni꞉io sonkwaienhokónha—tánon kíʼ kwá tóhʼkenske thoʼ ní꞉ioht. Neh kíʼ aoríwa ne ronnonwentsiakerónon iáh tehionkiʼientéri: iáh tehonwaientheráʼon ne Rawenni꞉io.

Ruth 2:12

Aiá꞉wens ne Roiá꞉ner tahiariʼwaserakwáhse tsi nisatié꞉ren. Aiá꞉wens káti ó꞉ni kwáh otokén꞉en tahiariʼwaserakwáhse ne Roiá꞉ner Rawenni꞉io ne Israel tsi kén꞉en nontáhse nahiaiaʼtanónhstate!”