Psalms 36:6 - Ohiatonhseratokénti

⁶ Né sarihwaʼkwahrihshión꞉tsera thóh ní꞉ioht tsi ní꞉ioht ne kwáh tiotenonthatónhnion, né sarihwenhthátseras thóh ní꞉ioht tsi ní꞉ioht né kwáh tsionó꞉tes; Kwáh satéhiot tsi Í꞉se tesehiatkawénhnis nonkweʼshónha ó꞉ni ne kontitshénens, Ó Saiá꞉ner.

Psalms 36:6 ပူးပေါင်းရင်းမြစ်များ

Genesis 18:25

Oriwiioʼón꞉we tsi iáh thahsheiáhtonʼte ne iáh teiakohnhí꞉kon skátne ne rotihnhí꞉kon, tshieiorí꞉wakon nenʼné꞉eh! Iáh thahskwé꞉ni neh náhshiere. Tókaʼ thóh nénhshiere, ne iáh tehotihnhí꞉kon skátne enhontré꞉wahte ne rotihnhí꞉kon tsheiorí꞉wakon nenʼ né꞉eʼh. Ne Shakorihwènhtha nohontsakwé꞉kon ó꞉nenk tsi thóh nenhá꞉iere tsi nitkarihwaié꞉riʼs.”

Nehemiah 9:6

“Shonwahaʼkhók, oh Saiá꞉ner, shonhní꞉son ne tsi karonhiá꞉tes, né꞉ne tsi karonhiá꞉tes ne tsi karonhiá꞉tes ne kontikwé꞉kon ratikwé꞉kon ne ratironhiakeró꞉nons; ne tsi ionhontsá꞉tes tánon tsi nahoʼténhsons né꞉tho í꞉wah; ne kaniatarakeʼkó꞉wa tánon tsi nahoʼténhshons neh thóh nón꞉we nikónhnes. Kontikwé꞉kon í꞉se teshehiá꞉wi natónhnhets tánon ne ratironhiakeró꞉nons ne karonhiá꞉ke ieshashén꞉naiens.

Job Tánon ne Raoronhiakensera 37:23

Ne Roshatstenhserowanenhkó꞉wa iáh tewá꞉tons atsitewaiataʼtshén꞉ri; Roshatstenhserowaʼ꞉nen tánon roiá꞉nere, tánon iawetaʼtsá꞉ni karihwakwarihshióntsera ne iáh thatahaterienʼtawénhrie,

Job Tánon ne Raoronhiakensera 7:20

Tó꞉ka shí꞉ken akerihwanérake, onh ne nisehierá꞉se né꞉tho, í꞉se ne shenikónhrare nonkweshón꞉as? Nontié꞉ren ní꞉se tsi ne waskonhniá꞉te ne teshohiahástha? Í꞉ih ken wakonreniatsté꞉then?

Psalms 145:9

Ne Roiá꞉ner onhkwetakwékon tsi torihwaiéri í꞉ken, tánon sakothénren ratikwékon tsi nisakohiatíshon.

Psalms 147:9

Sakokkwahnóntens ne kontitshénens, tánon ne ken nitotihiónsas tsiókawes nónenh tenhonséntʼtho.

Psalms 31:20

Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Psalms 71:19

tánon ne sarihwakwahrihshón꞉tsheras, Ó Sewenní꞉io, iéwas tsi nón꞉we ne kwáh tioteronhiátes. Í꞉se né iorihowá꞉nens tsi nisahtseránion, O Sewenní꞉io, ónhka nahonsaiesaiérenhke?

Psalms 77:19

Tsi ionontaʼkwaronhtháties nón꞉we niaháse; waʼteshiáhiake ne kaniatarakhekó꞉wahne, ók kíʼ iáh tehiontkáthos kanón꞉we natasasitaierónhnike.

Psalms 92:5

Tsi naʼtehiotenonhianítons tsi niseweienhnótens, Saiá꞉ner! Tsi naʼteionótens ne sanontonhnióntsheras!

Psalms 97:2

Otsátas tánon ne kwáh tetiokaraskówa kwáh ne tehotsatátons; karihwakwarihshón꞉tsheras tánon kaiáneren né kenskwará꞉kwen ne raonitskwáhra.

Exodus 9:28

Iasaterénhnaien rahonhàke ne Roiá꞉ner! Kwáh iationkwaiérise kí꞉ken iowè꞉ren ó꞉ni tsi iowisónhtion! Wakaráhratsthe nahonsakonhiátʼkaʼwe; iáh thaʼtehioʼtonhontsóhon ne kénʼen ahonsahshitherónhthake.”

Isaiah 40:28

Iáh kén tesateriéntaraʼkwe? Iáh kén tesarihwarónh꞉ken? Né Roiá꞉ner tsi nénhwe enkénhake tsi Rawenni꞉io í꞉ken, Rahónha Roshaʼáhnion kwáh tsitʼtsehiotonhóntsiókʼte. Iáh thehatesasthenserót꞉tha khés ne tahawisénheʼie, né raoʼnikonraientátshera iáh thaʼónton nawésakon.

Isaiah 45:19

Iáh othènon tewakatatíhon notsahonskwáhkon, thóh tsi ionhontsáien ne tetsiókaras; Iáh tekheiénhni tsi nitotʼwatsiríhnon ne Jacob, “Takwahiaʼtísak ne tsikʼtshiewátion nón꞉we.” I꞉i ne Watiá꞉ner né katróris norihwí꞉io í꞉ken, Né kenéstha tsi nahó꞉ten ne tkarihwaiéri í꞉ken.

Jeremiah 12:1

“Saiá꞉ner, tó꞉ka tahithiniriwakéna nakeriwahsón꞉a, ensehriwanírathe tsi khaiéri. Shé꞉kon kíʼ ónenhk tsi enkeriwahnónhton tsi nòkwah ne ateriwakwarishióntshera ahoriwahshón꞉a. Nonhtiéren ne rononhkwetaʼhétkens tsi nihotiʼhianerasténnis? Nohtiéren ne rathinikonhrátha tsi ronateriwahthentsiénnis?

Lamentations 3:23

Ehniwáse tsi ní꞉ioht noronkéne, ehnihioriwí꞉io tsi ní꞉ioht tsi tkarakwínekens.

Jonah 4:11

Thó shé꞉kon niiorí꞉wake, akheténhrake ne Nineveh, ne eʼtho kanatowá꞉nen. Eʼtho kí nen né꞉e, í꞉si nón꞉we ne énska tewenʼniá꞉we niwenniaweʼetserá꞉sen niionkwé꞉take ne eʼtho ratinákere ne iáh tehonaterién꞉tare ne tkarihwaié꞉ri tánon ne karihwàksen, ó꞉ni ionatiohkowá꞉nen ne kontitshé꞉nen.”

Romans 11:33

Tsi nikowánen ne Rawenni꞉io rahotsiokowátseras! Tsi natehionhótes ne rahonikonraienthátsera ó꞉ni neh rahothokhátsera! Ónhka ahiekwéni naienikonraiénthaʼte tsi natehohiatoretánions? Ónhka ahiekwéni naiakonikonraiéntaʼne ne rahoweiénʼnas?

Romans 3:25

Rawenni꞉io wahatenikonrísa neh tsi rawenheión꞉ne thoʼnahontáwe tsi niʼiawénhon nètho nonkwesónha ahonsaionthatenikónrense nakoriwaneraháktsera, neh tsi rahonháke non nithonethákwen. Rawenni꞉io thoʼnihóson thoʼnahontáwe nahariwanírate ne rahoriwakwarisióntsera. Tsi nitsawénon, rothakastáton tánon iáh tehokenhenʼiónʼon nakoriwaneraháktsera nonkwesónhas.

Deuteronomy 32:4

“Ne Roiá꞉ner se ne roshatstenhserowá꞉nen thiá꞉nes, toriwaié꞉ri tánon rohiá꞉nere akwé꞉kon tsi nihaweienhnó꞉tens; Ne sewaNí꞉io roriwató꞉ken tánon orihwí꞉io í꞉ken; eʼnihaié꞉ra nahó꞉ten ne tkariwaié꞉ri ó꞉ni ioiánere.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

1 Timothy 4:10

Tehionkwaniotátie ó꞉ni hionkwatátre tsi hionkwáhiothe, tsioríhwa tsi thóh nón nihionkwáien nonkwarahrátʼtshera rahonháke ne ronnheʼónwe Ní꞉io, tsi rahónha ne sakohiatákwas nonkwetaʼkwékon tánon sénha tsi nihiákon ne tiakawetákwen.

1 Samuel 14:15

Wathonʼnonhnaríkkon ne tsi ronatenataiéntakwe, thóh nón꞉we kehentáke, tánon ratikwé꞉kon nonkweʼshón꞉ahs; ne ronterí꞉ios tánon iekaníhare ne ratinataká꞉rhias wahotiʼiatíshonʼkwe; watsaʼhonhontsisónkwe; tánon ne iahón꞉ton kwáh í꞉ken tsi watsakahonhnarikʼkhon.