Psalms 35:26 - Ohiatonhseratokénti

²⁶ Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 35:26 ပူးပေါင်းရင်းမြစ်များ

Job Tánon ne Raoronhiakensera 19:5

Tó꞉ka kwáh ní꞉se sewatatkowaná꞉ton tsi nokwáh ní꞉i, tánon ne ahitiónhniate nakatehénhsera ne tahitewariwakénaste tsi askwatkónten,

Job Tánon ne Raoronhiakensera 8:22

Tsi nihiá꞉kon ne iesatakwáhsons kwáh né꞉ne ne enhonatseronhniátonke natehénsera, tánon ne tsi ronathatóserote ne ionkweʼtahétkens enwahtónhtonke.”

Psalms 109:19

Aiáwens thóh nahiotónhake kwáh né natʼtserónhniat né tehatatwaʼnát꞉ta, kwáh né꞉ne atsatáhna ne niatewenhniseráke rotsathánen.”

Psalms 129:5

Aiáwenhs tsi niʼiákon ne konhwásons ne Zion ahonwanatéhathe tánon shonwanátʼtat.

Psalms 132:18

Né ronwásons ne khehiatonhtákwen natehénsera, ók ne rahónha, ne rahononhwaró꞉reh kwáh thenhiostarát꞉teke.”

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

Psalms 38:16

Asèken waʼkaterénhnaien, “Nék khók tó꞉sa sehríhon ne iónkshons nahontatiatanerákwahte ní꞉i thóh nát꞉sa, tsi niháti tehonataterénhsaron tsi nihionkát꞉konhte nó꞉nen waʼkateraswaksénhon.”

Psalms 55:12

Tó꞉ka shí꞉ken né꞉ne iónkswenhs thahiontserónhake— akʼkwéni nakatakáts꞉tate nètho; Iáh séh né꞉ne tehiakwahtátʼtions tehionkatatkowanathénhni nahionkenikonhrát꞉sate— Ahontʼkwénionhke nakhehiatasehthénhnike.

Psalms 71:13

Aiáwenhs tsi nihiákon ne tionkatsatón꞉tses ahonwaʼtisénhni tánon ronwanátont; aiáwenhs tsi nihiákon ne ronhteniéntʼtha nahiontkaréwaʼte né thotiróhrot natehénsehra tánon ronhwaʼtisenhnáksat.

Isaiah 41:11

Hén, ratikwé꞉kon ne iesanákwahse kwáh enhontéhen tánon enhonwanatéhaʼte; tsi niʼiákon nenhieshaʼtsatónhti thóh nenhotiʼiátawen tsi ní꞉ioht ne iáh othènon thaʼkénhake tánon kwáh enhatiʼiatáton.

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Jeremiah 48:26

“Snekáʼtast, tsioríwa tsi wahatatʼkowánasʼthe tsi nòkwah ne Roiá꞉ner; ne káti ne Moab kwáh thóh enhatesehréhson tsi nónhwe nihotstíkonh, tánon rahónʼa ó꞉ni nonhkweshón꞉a tenhonwahiéron.

Daniel 11:36

“Ne Syria ronnontí꞉io kwáh tsi nenthanón꞉weʼne eʼtho nenhá꞉iere. Tenhataterénhsaron tsi sénha raónha tehotenonhianíhton tsi ní꞉ioht ne akó꞉ren ní꞉io tánon sénha í꞉rehre raónha è꞉neken thótte tsi ní꞉ioht ne kwáh thaʼsátste Rawenni꞉io. Enhoterihwahténtiaʼse eʼtho neniohtonhátie tsi niió꞉re ienkáhewe ne Rawenni꞉io enhohréwahte. Ne Rawenni꞉io kwáh orihwiioʼón꞉we eʼtho nenhá꞉iere tsi nihoteʼnikonhrón꞉ni.

Micah 7:10

Ethò꞉ne kʼi ne ióntswens enhontká꞉to, tánon atehénsera entioró꞉roke tsi niká꞉ien ne wakén꞉ni, “Kaʼní꞉res ne Roiá꞉ner Saní꞉io í꞉ken?” Ne kahráke enwatká꞉to tsi nenkonwashén꞉ni; ó꞉nenh kiʼ thenkonwaskwáhseron kwáh tsi ní꞉ioht nonawástha ne tsi tekanatokenhá꞉tons.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”