Psalms 35:19 - Ohiatonhseratokénti

¹⁹ Tó꞉sa sehríhon ne iónkswenhs, nètho rotinówenhs, ne ahonthatohárahkwe tsi ionhkesénhnion, khés nahionkatkarokérikse tsi tiwakstónston tsi ionkswénhon.

Psalms 35:19 ပူးပေါင်းရင်းမြစ်များ

Job Tánon ne Raoronhiakensera 15:12

Ók tsi nishonhninekén꞉en, tánon nontié꞉ren tsi natesatkakwí꞉ro?

Psalms 109:3

Iatékons karihwaʼhétkens ronhtón꞉nions tsi nòkwah ní꞉i, tánon tionkatiatón꞉tses né꞉ne kwáh iáh othènen tahontakarihónhni.

Psalms 119:161

Ne sahkotihénhtenhse tahionkatsiatónhti né꞉ne kwáh iáh othénnen tetsiorihonhníhon, ók kí kerihwakweniénstha ne saianerénhsera.

Psalms 13:4

tánon ne iónkshons enhonníron, “Roʼnahtesénhnion”; ne iónkshons kwáh enhontonhnáren tsioríhwa tsi waʼtiatisónhkwah.

Psalms 25:2

Ó akeNí꞉io, í꞉seke nón꞉we nitewakethákwen; tó꞉sa satʼthóntat nahionkatéhate; tó꞉sa sehríhon ne iónswenhs ne thahiontiéron.

Psalms 35:15

Ók nó꞉nen tewaʼkanikónhrare ratikwékon rohnatʼtsenhnónhni, tánon waʼhonnitsiokwaróhroke ne thaʼhiontsiéron; ne kénk thiʼtonéhnon waʼhonkenonhwenhserá꞉rio tánon iohotikonhthákwen ionhkenonhwarehétkons.

Psalms 38:16

Asèken waʼkaterénhnaien, “Nék khók tó꞉sa sehríhon ne iónkshons nahontatiatanerákwahte ní꞉i thóh nát꞉sa, tsi niháti tehonataterénhsaron tsi nihionkát꞉konhte nó꞉nen waʼkateraswaksénhon.”

Psalms 38:17

Asèken ó꞉nenh skanó꞉ronks atiatiénenhne, tánon iehiokonhtákwen waʼkakararénhsehrons.

Psalms 38:19

Tsi nihá꞉ti ne tsi ronhnónnhetse ne iónkswenhs kwáh í꞉ken tsi ratishástste, ronatsiokowáhnen ne iónkswenh né꞉ne kwáh iáh othènen tetsiorihonhníhon.

Psalms 38:20

Tsi ní꞉ioht ne ioiánere tsi nahionkatiérase karihwahetkénsera tionkátsenhse; hionkát꞉konte tsioríhwa tsi kateniént꞉tha ne tkarihwaiéri tsi nakátiere.

Psalms 69:4

Tsi nihiákon ne iónk꞉shons sénha ne ronatsokowánen tsi níkon waʼkenonkwiseróhte ne kenontsíne né tsi nihiákon iónkʼshons né꞉ne kwáh iáh othènen tetsiorihonhníhon; né ró꞉natsiokowanen satehatinón꞉wes nahionkatonhte, né iónkshons onó꞉wenhs tsi nihionkerihwáros. Nahóten ne iáh tewaʼkenénskwen ónen né énstsien?

Psalms 69:5

Ó Sewenní꞉io, sateriéntare tsi natewaʼkatenonhwaroríhtonhte; tsi natewaʼkaterienhtaweriéhon iáh kíʼ tesatherihwaʼsehténhni.

Proverbs 10:10

Ónhka nenieriʼwáhsehte ne karihwakwarihshiónhtshera ne tkáhas ne taionʼnikonhrhá꞉ren, nok ne ónhka ne orihwí꞉io ionthró꞉ris ne né꞉ʼe iakoióʼte ne skén꞉nen.

Proverbs 6:13

Rontkahrokeríkhons tánon tehonnisnonhsaieronnionhá꞉tonʼs naiesaʼnikonhrhá꞉ten.

Lamentations 3:52

“Éhtho ní꞉ioht tsi hionkateristaientákwen ne iónkswens tsi ní꞉ioht notsiténha ne iáh thènen thehathitsénries nahiónksʼson.

John 15:25

Neh ki tanon nehne ne iakaierine tsini kaiaton ne raotiiatonserakon: ok tiȣakstonstston tsi ionksȣenhon.