Psalms 35:1 - Ohiatonhseratokénti

¹ Sehiatkónten, Ó Saiá꞉ner, tsi nihiákon ne ionkátʼkonte; sehwaʼterí꞉io tsi nihá꞉ti ne ionhkwaʼterí꞉io!

Psalms 35:1 ပူးပေါင်းရင်းမြစ်များ

Nehemiah 4:20

Skátne sewáton tsi nón꞉we nenhsewathón꞉tene ne iehonrawatstháhkwa, tánon nónkwa ní꞉io rahón꞉ha enshonkwaterí꞉iose.”

Psalms 119:154

Tásehne nakerihwahshónhas, tánon saskatatewenhniʼióseron; tatsiatanónstat, tsi kíʼni sahrahrátston.

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Exodus 14:14

Ne Roiá꞉ner rahónʼa entsiʼsewateríʼiose, tánon tót kók níkonh thatheʼsewaʼtótat.”

Exodus 14:25

Wahaʼriwahserónhni né tsi iokaʼkwentónton ne rahoʼtisehreʼsónhas ne otsiónkwas waʼkasehreʼtotárehne, né káti ne kwáh awenhtóʼrehʼke tsi tahonthawénhrie. Né Egyptró꞉nons wahonhníron, “Ne Roiá꞉ner lsraerʼró꞉nons sakoterí꞉iose tsi ahontaʼhionkihiatsaʼtónti. Á꞉nion èhren tsi tèwet ne kénʼen!”

Exodus 23:22

Ók tó꞉ka entsisewawenhnarákwen tánon oriwakwékon thóh nenhsewáhiere tsi niwáken, kwáh kíʼ rahthikwékon enhiakwateríio ne ietʼtshíshons.

Proverbs 22:23

Roiá꞉ner tenhshakoriʼwakéhnhase ne raotirihwà꞉ke tánon enhshakotetshahníhten tsi ronnónhnhe nónhka enhonwanatetshahníhten.

Proverbs 23:11

Roiá꞉ner ne roʼshatstenhserowá꞉nen tehshakóhnhes tánon tenhariʼwakéhnha ne raotirhwà꞉ke.

Isaiah 49:25

Ók ne kí aoríhwa rá꞉ton ne Roiá꞉ner: Iekaníhare ne sakonhó꞉ton ne roshatsʼtenhserowánen tsi ienhiontatsaténhaʼwe, tánon ne raorió꞉ta ne ranatakáriaks tsi entiontatewenhní꞉ione; asèken enhiʼiatʼkónthen tsi niʼiákon eniesatʼkónthen, tánon kwáh ensehkhenónstate ne sehioʼokónhas.

Jeremiah 51:36

Ne Roiá꞉ner warénhase ne Jerusalem, “Kwáh Í꞉i tenkonhriwahkénahse ne sariwahshón꞉a, tánon kwáh Í꞉i ensetʼkhárhiaʼke ne shaʼrihwáhke. Enstátʼthaʼte nahoniatharáhshona, ó꞉ni nahonehkanos.

Lamentations 3:58

“Í꞉se saskeʼniákente, Saiá꞉ner, tánon waseniákente tsi kónnhe.

Micah 7:9

Ó꞉nenk tsi enkatakátstate ne raonakwáhtshera ne Roiá꞉ner, tiorì꞉wa tsi wakerihwáneren tsi nokwáh ne rahónha, tsi nió꞉re rahónha tenhakerihwakénhase nakerihwaʼshón꞉as tánon enharihwénhte. Kwáh tsi teioswáthe nienhatiathénhawe; kwáh kʼi enkatkáto ne raorihwakwarihshióntshera.

Acts 23:9

Takaristʼstowanénsere, tánon kíʼ ótiakes ne kaianerénsera sakotirihonniénʼni nene Pharisees raotiʼtiokwákon nonnihathiʼiátare wathatítaʼne tánon kwáh íken tsi iosátsthe tsi waʼthonthiriwarénho: “Kwa iáh ne tsoríhwa tehiakwariwatʼtsénries neh thènen ahoníkon kí꞉ken rónkwe! Tóhka ó꞉ni knakasastenseroten tóhkaʼ ó꞉ni kwa thoʼkenske raronhiakeronon watʼnitharen!”

Acts 5:39

nók tókaʼ Ní꞉ioʼne nitsawénon, kwáh iáh taietʼtsisén꞉ni. Tók tesewátʼthoke Rawení꞉io sewateri꞉io!” Ne Rathitsiénhaiens wahonwatahónsathaʼte ne Gamaliel tsi nasakotenʼnikónron.

Joshua 10:42

Ne Joshua washakoshén꞉ni ratikwé꞉kon ne ronhtinonhtí꞉ios ó꞉ni ne rahotinakeráseras né꞉ne énskak khók iahontarátsthe tiorì꞉wa ne Roiá꞉ner, Israerʼró꞉non Shá꞉koní꞉io, raónha washakoterí꞉iose Nisraerʼró꞉nons.

1 Samuel 24:15

Aiá꞉wens ne Roiá꞉ner thóh nón꞉we natahaiatórehte tánon ahontahátkaʼwe ne karihwenhtáhtshera tsi natetiá꞉tere ní꞉i tánon ní꞉se. Aiá꞉wens ahakenhénhion, tánon nahontahákene, ó꞉ni nahonsahakeniákente tsi nòkwah ní꞉se.”