Psalms 34:3 - Ohiatonhseratokénti

³ Takatsiátaras tsi ahitiatáti tatsitinirénhsaron ne Roiá꞉ner, tánon á꞉nion skát꞉ne tsi etʼtsitinisenhnakarátat.

Psalms 34:3 ပူးပေါင်းရင်းမြစ်များ

1 Chronicles 16:10

Ionkwatʼtsenhnonhníhak tsi raónha ní꞉i rahonkwé꞉tas í꞉ken; kwáh tsi niʼiákon ne tenhonwanonweráhton iakotonnárak!

1 Chronicles 29:20

Ethó꞉ne ne Táwit washakothárahse nonkweʼshón꞉as, “Tetsisewanonweráton ne Roiá꞉ner Sewaní꞉io í꞉ken!” Tánon kíʼ kwáh kanenhrahkwé꞉kon ne iakotsataró꞉ron watonhwanonweráhton ne Roiá꞉ner, né Sakoní꞉ioʼkwe ne sakotisotʼtonhkonhkénʼen, tánon kwáh ehtáke tsi wathontʼtsákete tánon tahónhion ne kakwenienstátshera ne Roiá꞉ner ó꞉ni ne ronnontí꞉io.

2 Chronicles 29:30

Né ronnontí꞉io tánon ne sakotihéntenhse nonhkweʼshón꞉as wahonwatiró꞉ri ne Leviró꞉nons tahonwarihwákwahse ne Roiá꞉ner né karenhnasónhas ne tehiontenonwerathonthákwas né tsi nihorenhnarasthánions ne Táwit ó꞉ni ne Asaph ne rotokenhséhaʼkwe. Ká꞉ti onhkweʼtaʼkwé꞉kon watieríhwakwe né kowánen atonhnaráhtshera tsi nathontentʼtsóten tánon wahonwasénhnaien ne Rawenni꞉io.

Psalms 35:27

Aiáwenhs tsi nihá꞉ti ne tehonatonhontsóni nahonsakathatewenhní꞉ione tehotihénrenk natonnaráhtshera tánon rontsenhnónhni, tánon tsi nénhwe ahontón꞉heke, “Tsi natehotenonhianíton ne Roiá꞉ner, rawerienhtí꞉ios tsi nihotiʼianerasthénhnis ne raonhatserashónha.”

Psalms 40:16

Ók aiáwenhs tsi nihiákon ne iesahiatísaks ahontonnárenh tánon ahonatʼtsenhnonhníhake shonháke; aiáwenhs tsi nihiákon ne ienorón꞉kwah ne senténhrat iaʼhiakokonhtakwénhak ahonhníron, “Tsi natehotenonhianíton ne Roiá꞉ner!”

Psalms 66:8

Thetsisewaʼnonweráton nonkwahʼNí꞉io, Ó tiónkwe, né tiónhniat ne sewaʼnonweratónhtshera nahonatʼthónhtene nó꞉nen tetsisewaʼnonhwerátons ne Rawenni꞉io,

Psalms 69:30

Kwáh karenhnáke tsi tenkatenonweráton ne Rawenni꞉io raosénhna; kwáh enhisenhnakarátaʼte tsi tenhkatenonweráton.

Psalms 69:33

Asèken ne Roiá꞉ner sakokʼthón꞉te ne iakonoronsthénhnis, tánon iáh kíʼ tesakohiatanikónrens ne rahonkwetaʼshónhas ne ratinhó꞉tons.

Jeremiah 9:23

Ne Roiá꞉ner ráton, “Kíʼ attokháhtshera iáh tehiówenhk ne tahathirénsahron ne rahothinikonrowahnátshera, tóh꞉ka ó꞉ni tsi nikashástsʼte ne raothishastsʼténsera, tóh꞉ka ó꞉ni tsi ne iókwats ne raonatʼtsokohwátshera.

Jeremiah 9:24

Tóh꞉ka ónhka í꞉ienreh tahiontaʼterénsahron, ne ahówenk tahierénsahron tsi hiontsentéri tánon hionkenikonrahiéntas, tioríhwa nakenoronkwátshera tsi ioriwató꞉ken, tánon ethóh nitiérah nahó꞉ten ne kaiáneren tánon tkariwaiéri. Ne kí꞉ken nahorihoténsons ne wakerientiʼióstha. Í꞉i, ne Watiá꞉ner, wakatáti.”

Luke 1:46

Ethone onen nʼOnȣari ȣakenron: Rosennaien ne Raȣenniio nakenikonra;

Acts 19:17

Rathikwékon ne Sitaeró꞉nons ó꞉ni ne iáh tehatiʼsitaeʼró꞉nons tsi niháti ne Ephesus nónwe nihathinákere wahathiriwáronke kí꞉ken; kwáh rathikwékon wahonateroniénten, tánon ne raosénna ne Roia꞉ner Ié꞉sos ónen sénha wakarihowàhnha tsi ní꞉ioht tsi watʼkonwarénsaron.

Philippians 1:20

Kwá éhtho ní꞉ioht tsi kanontónʼnions ó꞉ni kaskáneks tóhsa nonwénton neh thènen nakátiere nahonkatéhate. Neh thokàken akónnheke khés nakíheie, Netewakathonwentióni tiókonte ehnahonkenikonrhatsaníton tsi nónwa ní꞉ioht tánon Kerístos nokwáh niáwe ne kakweniensthátsera.

Revelation 14:7

Tsi wahén꞉ron kwáh í꞉ken tsi rowénhte, “Tetserenhsá꞉ron ne Ní꞉io tánon tátion ne kaiatanerakwáhtsera, asè꞉ken ne kawistáhets ne raoriwenhthá꞉tsera ón꞉we aseken rahonha tensakohiatorente nonkweshonha. Senhnaien tsi rahonha roson tsi karonhiate oni tsi ionwenhsate, kaniatarakekowa, tanon ne tsi ionekotons nonekanos!”