Psalms 34:17 - Ohiatonhseratokénti

¹⁷ Nó꞉nen ne tionkwetaiéri tenhionʼsén꞉tho nasakoiénawase ne Roiá꞉ner, roʼthóntes, tánon sehsakohiatotaríhshions akwékon tsi natehonanikónhrahre.

Psalms 34:17 ပူးပေါင်းရင်းမြစ်များ

2 Chronicles 32:24

Kwáh kí thóh shiʼkaháwikwe ne Ronnontí꞉io Hezekiah wahononhwák꞉ten tánon sheréhka ahawenhéhionhke. Wahaterénhnaien, tánon kí ne Roiá꞉ner wahawenésten tsi ensatkwahtháko.

Job Tánon ne Raoronhiakensera 8:20

“Satká꞉tho, Rawenni꞉io iáh nonhwén꞉ton teshesakokʼtátha ne iáh othé꞉non teiakonhí꞉kon nónkwe, iáh ó꞉ni thahashatsténhseron ne rontsá꞉nakes nón꞉ka ne ne rotiiò꞉tens ne karihwahetkénhsera.

Psalms 109:15

Thóh kaiéntat raohénton ne Roiá꞉ner iaiotʼkontakwénhake, tánon aiáwens tsi nahóten arehiáraʼke kwáh kíʼ akanikonhrénhʼen ne tsi iohontsate.

Psalms 34:15

Ne Roiá꞉ner né sahkonikonhrahráties ne tionkwetaiéris, tánon rotahónsate tsi natehonséntʼthos.

Psalms 34:19

Wé꞉so ne karihwaʼhét꞉kens tsi nihiakohiátawenhs ne tionkwetaiéris, ók Roiá꞉ner kíʼ sehsakohiathákwas akwékon tsi nihioterihwaʼtsiéren.

Psalms 34:6

Kíʼ iáh othènen teharihwástha waʼthaséntʼto, tánon ne Roiá꞉ner waʼhothóntene, tánon sahonónsthate akwé꞉kon éhʼren waʼhaháwite tsi natehonikónhrare.

Psalms 5:7

Ók Ní꞉i ne tsi nikanánon ne kwáh iorihwató꞉ken sanoronhkwáhtshera, ienkatáwehiate ne sanonshatokentikówane, kwáh tenkatiákete ohénton ne iotokénti sanonsatokentiʼkówa tsi nenkonsénhnaien ne tsi kontsánis.

Psalms 9:6

Ne ionkhíshons kwáh iahonatót꞉tase tsi niotirihwaiesháhon kwáh ienhiokontákwen enkénhake: sarihwatónhton né raotinatowánens; nahonwehnehiarasthákwahke ioʼtónhon.

Psalms 91:15

Nó꞉nen ienhionkenaton, kwáh kíʼ thenkherihwasehrakwahse; kwáh enhiakwakweʼkónhake tsi nathenhonhnikonhráhren, kwáh kíʼ enkheniákenhte tánon enkhekwéniensʼte.

Proverbs 10:7

Enhonwenehiá꞉rake ne thotirihwaié꞉ri tsi né꞉ʼe ní꞉ioht ne kaiaʼtateríhtshera, nok ne iáh tetionkweʼtaié꞉ri iohsnó꞉re enhshonwatiiaʼtaʼnikónhrhen.

Isaiah 65:24

Nohénton iahionkená꞉ton kwáh tekerihwasehrá꞉ko, tsi shé꞉kon nenhotithá꞉raʼke kwáh kí enwakathón꞉tene.

Ezekiel 14:8

Kwáh Í꞉i tenkwáhtasthe. Kwáh tentkwahtenienténsthe. Kwáh éhreh enskwahiatenháwithe tsi natináhkere nakonhkwetashón꞉ʼa, sewakwekon onsewateientarane tsi i꞉i ne Watiá꞉ner.

Amos 9:4

Tánon ethosà꞉ne niahontatenó꞉ton raotihénton ne tehontat꞉tions, thóh kí nón꞉we nenhkénane nasareʼkó꞉wa ahiakowent꞉to; tánon kí kwáh thenkhehiatkáneren ne nahotikaréwate tánon iáh ne naotihianerásthen.

Deuteronomy 32:26

Ne Rawenni꞉io wahèn꞉ron, “Kwáh ratikwé꞉kon akhehiatónhtonke, ne káti ne kwáh iáh ónhka tahonsahonwenehiá꞉rake.”