Psalms 34:16 - Ohiatonhseratokénti

¹⁶ Né Roiá꞉ner kwáh í꞉ken tsi sakoteniakatsténhnis ne waʼhét꞉ken tsi nihiontiéra, ensahkó꞉iatse ne ronhnonwenhtsakeró꞉nons ne tó꞉sa ahonsahonwenhnehiárake.

Psalms 34:16 ပူးပေါင်းရင်းမြစ်များ

Job Tánon ne Raoronhiakensera 18:17

Nahonweiá꞉rake ónhton ne tsi ionwenhtsá꞉te, tánon iáh othé꞉non thahasenhná꞉rake ne tsi tekanatokénhseron.

Job Tánon ne Raoronhiakensera 36:7

Iáh ákte nón꞉we tiehatkátos tsi nón꞉we nihón꞉nes ne iakoiánere, sakoriwá꞉wis nahontkóraste tsi ní꞉ioht ne rontinontí꞉ios sakokskó꞉te tsi nén꞉we enkénhake, tánon wahotishenhnowá꞉nen.

Psalms 10:16

Né Roiá꞉ner né꞉se Nonkwahnontí꞉io í꞉ken né꞉ne tsi nénhwe tánon iáh tsahontótʼten. Nonkweʼshónhas kwáh kíʼ éʼrenh enhiontatsatenháwite ne rahohontsáke.

Psalms 18:7

Ehʼthóhʼne waʼtsahonhontsíshonkwe tánon waʼhó꞉wake; ne tsitkenskwáʼhere ne tsi iohnonténion waʼtsowí꞉sonhkwe tánon waʼtiaonwentsíshonkwe, tsioríhwa tsi nihonakwénhen.

Psalms 33:18

Orihwiʼiohónwe ne Roiá꞉ner ne sakonikónhrahre tsi nihiákon ne ronhwakweniénstha, né꞉ne tsi nihiákon thóh nón꞉we nihiakorahratseráien ne iorihwató꞉ken raonoronhkwáhtshera,

Psalms 94:9

Rawenni꞉io róhʼson nontionhontaʼshónhas, iáh kén tehó꞉thonʼte? Rahónha róhʼson nonkwahkarasónhas iáh kén tehatkáthos?

Proverbs 10:7

Enhonwenehiá꞉rake ne thotirihwaié꞉ri tsi né꞉ʼe ní꞉ioht ne kaiaʼtateríhtshera, nok ne iáh tetionkweʼtaié꞉ri iohsnó꞉re enhshonwatiiaʼtaʼnikónhrhen.

Proverbs 15:29

Nó꞉nen nón꞉kwe tiakorihwaié꞉ri enionterén꞉naien, Roiá꞉ner rotahónhsate, nónhka iáh tetiakorihwaié꞉ri iáh thahshakotahónhsatate.

Ecclesiastes 8:10

Hén, khèken ne rohtiriwanerahákskons ronwatihiatáten tsi nónhwe nihonthatsatathahástha. Tánon Ononsatokentiʼkówahne nontahónʼne tánon wahonwatihiatátha, tanon ne tsi kanatowánen nonhkweshón꞉ʼa wathonwatirénsaron tsi nónhwe ne rahothiriwahetkénsehra nikahioténʼen.

Jeremiah 17:13

Saiá꞉ner, í꞉se ne Israerʼró꞉nons raonarahrátʼtshera; rahtikwékon ne ieshaʼtewenhtéton tsi enhonwanatéhaʼthe. Éhtho ní꞉ioht tsi enhatiʼhiatáthon tsi ní꞉ioht ne okenráhke kahiáton, tioríwah tsi waheshaʼtewénhtheʼte, ne Saiá꞉ner, né꞉ne ionékoʼte ne kanekí꞉io.

Jeremiah 44:11

“Ne káti, Í꞉i, ne Watiá꞉ner Keshastsʼtenseroʼwáhnen, ne kheʼNí꞉io ne Israerʼró꞉nons, kwáh kíʼ enkonhiatʼkónhten tánon enkenahkerahsehráhthonʼthe ne Judah.

Leviticus 17:10

Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen.

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Amos 9:4

Tánon ethosà꞉ne niahontatenó꞉ton raotihénton ne tehontat꞉tions, thóh kí nón꞉we nenhkénane nasareʼkó꞉wa ahiakowent꞉to; tánon kí kwáh thenkhehiatkáneren ne nahotikaréwate tánon iáh ne naotihianerásthen.