Psalms 34:14 - Ohiatonhseratokénti

¹⁴ Éhʼren í꞉set tsi nòkwah ne kariwahetkénsera, tánon ne sahióten tsi nahó꞉ten ne ioiánere; né séhsak ne skénnon í꞉ken, tánon sasteniáronk.

Psalms 34:14 ပူးပေါင်းရင်းမြစ်များ

Job Tánon ne Raoronhiakensera 28:28

Tánon wasakawénhase nonkweshón꞉as, ‘Orihwiiohón꞉we, ne raoteronhkwátshera ne Roiá꞉ner tsi né nathokhátsera í꞉ken; tánon né꞉ren ahiénte ne karihwahetkénhsera né꞉ne kaʼnikonhraientátshera í꞉ken.’”

Psalms 120:7

Nó꞉nen ne entʼthárakwe ne skénnonk í꞉ken, ateriʼióserah ne enhonhnónhniaʼte.

Psalms 37:27

Éhʼren í꞉set tsi nòkwa ne kariwahhetkén꞉ke, tánon ioianeréhak tsi natsátser; tánon ne tsi nienshatʼwahtsiríne kwáh tiotʼkonhónwe tsi onwentsiáke enhatinákerehke;

Psalms 39:2

Sák tiwaʼkathatónhni ó꞉ni tatewaʼkátote; kwáh iáh othènon tekáton ók iáh kíʼ othènon tehiorihontákwen; Ók nakeronhiakénsera sénha waʼhosehráheste,

Proverbs 13:14

Tsi nahò꞉ten eniesarihónnien ne rotiʼnikonhrowá꞉nenʼs tsi shí꞉ken ní꞉ioht ne iohnáwerote ne tsi sónhnhe entkáhawe natónhnhets. Eniesaiaʼtakéhnha nahseʼniá꞉kenʼne nó꞉nen iótteron tá꞉we tsi sónhnhe.

Proverbs 3:7

Tóhsa nonwén꞉ton sanonhtonniónhak í꞉se kenh sénha sattókha. Kwáh nek ne tahtshéhtak ne Roiá꞉ner, tánon tóhsa sathón꞉tat kenʼniáhshiere nahò꞉ten iáh tetkariwaié꞉ri.

Proverbs 4:24

Tóhsa nonwén꞉ton tsì꞉ron nahò꞉ten iáh tó꞉kenhske té꞉ken, tóhsa thé꞉nen satsté꞉rihst nahò꞉ten ne onó꞉wen tánon ne owennaʼshón꞉ʼa naiesathaharákwahte.

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Matthew 5:9

Iakotaskat nʼiakoianerenseriio: aseken Niio sakoienhokonha enhiontatenatonkȣake.

Acts 10:38

Sewateriéntare tsi nókwa ne Ié꞉sos Kerístos ne Nazarethro꞉non, tánon ó꞉ni ne Rawenni꞉io tsi nihohiatanorónston nikwékon ne Ronikonrarokén꞉ti ó꞉ni ne kaʼsatsténsera. Kwák tsikʼnonwéson niehawénon, ioʼiánere tsi nihotieránion ó꞉ni akwékon sesakotsientonhátie tsi nihiákon nehne iakotsenawáston nonesonrónon rahosatsténsera, Asèken nikwekón꞉ne ne Rawenni꞉io.

Romans 12:18

Kwáh oriwakwékon iathesháti satheniénten neh skén꞉nen ahkénhake tsi natesewáterhe.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

Romans 14:17

Ne Rawenni꞉io rahoianerénsera iáh ne tatekeníneren noriwasónhas tsi tethewatskáons ó꞉ni tewanekíra, nók nehʼne kariwakwarisióntseras, skénnen, tánon natonnharátsera tsi nitatkáwas ne Ronikonriʼióston.

Romans 14:19

Nekáti, tiókonte ne taiontsióien, tsi nahoténson tkáhas ne skénnen, tánon tsi nahóten ne ionkwasatsʼtenseráwis tsi naʼtehtewáhtere.

2 Corinthians 13:11

Nón꞉wa, tewataté꞉ken, ó꞉nen kiʼ wáhi! Sewatshennonníhak, tesewatá꞉ton tsi nisewaweiennò꞉tens. Tesewatateʼnikonhraní꞉rat. Shaʼkarì꞉wa kénhak, skén꞉nen tsi tsónhnhek. Tánon ne Rawenni꞉io, tsi niká꞉ien thatká꞉was ne kanoronhkhwáhtshera tánon ne skén꞉nen, ensewakwekónhake.

Galatians 6:10

Ne káti, tsi niʼioriwáke enhionkwatesennaiéntane, kwáh ioianeréhak tsi naietʼthihiatiérase nakorénson, kwáh ó꞉ni sénha tsi niháti neh nón nihatiʼiátare non kwentiókwakon ne tewetákwen.

1 Thessalonians 4:11

Sewahkwísron ne kwáh sakʼtakénhake tsi aitiónnheke, nek khók sewahstérist ne sewahriwasónhas, tánon sewahióten tsi sewahtanonʼnhakénen, kwáh tsiʼnitkwahróhri ne tiotserénton.

2 Timothy 2:19

Nók ne ioníron thekenstenrotákwen nètho ne Rawenni꞉io rohkéron iáh tahónton ne tahiowéntonwe; tánon thóh ken nikawennótens kahiáton: “Ne Roiá꞉ner rohtheriéntare ónhka ne rahonkwetaʼsónhas” tánon “tsi nihiákon ne iónton Roiá꞉ner rahonkwéta íken ónenk tsi tentionkʼkarathéni tsi nihiontiéra ne iáh tetkaiéri.”

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 12:14

Shateniénten kwáh skén꞉nen akénhake kwáh tsík ónhka akénhake, tánon shatheʼniénten iotokéntik tsi ní꞉ioht tsi sónnhek, tsoríwah tsi iáh ónhka tahonwáhken ne Roiá꞉ner tóha iáh tóh tahiotónhake.

Hebrews 13:16

Tóhsa sewahnikónren nahontesewahriwaʼiérike tsi nahtesewáhteʼre, tioríhwa ne kí꞉ken ne kariwiʼiosehokónhas rawerientiʼiosténnis ne Rawenni꞉io.

1 Tiér 3:11

Sateriwaiénni ne tahonsasatkaraténi tsi nòkwa ne kariwáksen tánon ne sahióten ne ioiánere; níse ónenk tsi enshésake ne skénnon ó꞉ni ne kaioténhsera ne nashatsénawaste.

3 Sawátis 1:11

Tekanó꞉ron ontiaténro, tóhsa senakéren nahóten ne wahétken, nok neh sehnakéren ne ioiánere. Ónhka ne ioiánere tsi neniéhiere neh tsi Rawenni꞉io rahonkwéta íken; ónhka ne ken nieniehiére ne wahétken neh kih tsi iáh tehonwáken ne Rawenni꞉io.