Psalms 33:9 - Ohiatonhseratokénti

⁹ Nó꞉nen sahatáti, onhtonhontiónhni; tsi nenhénron orihwaʼkwékon onhtotáshion.

Psalms 33:9 ပူးပေါင်းရင်းမြစ်များ

Genesis 1:1

Tsi tiotáhsawe Rawenni꞉io wahá꞉ronhionhni tánon waronhontionhni,

Genesis 1:3

Eʼthó꞉ne ne Rawenni꞉io wahén꞉ron, “Teioswátheʼn” tánon watiohswátheʼne.

Psalms 33:6

Né Roiá꞉ner kwáh nek khók tsi taʼhatá꞉ti onhtónh꞉ni ne tsi karonhiáte, tánon nenhtiekhenékha karáhkwa, nasonthenʼné꞉kha karáhkwa, tánon ne tsi iotsistokwahrón꞉nion onhtónhi tsi nontahatónhrie ne tsi rasakáronte.

Psalms 93:5

Né saianerénhseras kwáh í꞉ken tsi iorihwí꞉io í꞉ken; né iotokéntis ne karasestákwah ne tsi sanónshote, Ó Saiá꞉ner, í꞉se ne tsi nénhwe enkénhake.

Lamentations 3:37

Tsi nihononthonniontseróten ne Roiá꞉ner tiotkonʼónwe thóh nienʼiáwen:ne. Kwáh iáh ónkha thaiekwéni neh thènen nahiéʼiere tsít ne Roiá꞉ner éhʼtho nithonikonrhóten.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Hebrews 11:3

Tewehtákwenh seh nón nitewéhtha tsi ionkwahnikonrahiéntas ne tsi ionwenhtsiáte ó꞉ni ne tsi karonhiáte tsi Rawenni꞉io raowenhnasónhas ioshahánion, nekáti tsi nahóten iotón꞉on naiontʼkátho ne kashaháton tsi nahóten ne iáh táhton naiontkátho.

Revelation 4:11

“Í꞉se ne kakwenienstháhtshera í꞉ken, Onkwaiá꞉ner ó꞉ni Ónkwa Ní꞉io, nashé꞉na ne kaiatanerakwáhtshera ó꞉ni ne tekarénhsaron ó꞉ni kaʼshatsténhsera, asè꞉ken í꞉se norihwakwé꞉kon shasahánion, tánon né꞉ne tsi nitisanikonhrí꞉ioʼon kwáh wakaién꞉taʼne ó꞉ni ontón꞉nhete.”