Psalms 33:16 - Ohiatonhseratokénti

¹⁶ Né ronnontí꞉io iáh né tehatkweniétha ne tsi kanenhrashástste ne raotsiókwa ronhterí꞉io; né raʼterí꞉ios iáh né tehatkweniétha thóh nahasháststeke.

Psalms 33:16 ပူးပေါင်းရင်းမြစ်များ

1 Kings 20:10

hionsahaterihwénieʼte ne Benhadad: “Kwáh iatekaiéri tsi nihonatsiókwah entekhehiaténhaʼwe nakerihwénhtho kí꞉ken kanatowanénhke ne í꞉se sanátha tánon ronhtshanáke énhonsthe tsi é꞉ren enhatiháwithe nononhwénhsera. Aiáwens ne niʼiohokónhas ahióntienhte nakíheʼie tó꞉ka iáh éhtho thatsére!”

1 Kings 20:15

Káti ne ronhnontí꞉io iahó꞉nonhke ne nithohiónha sóh꞉tar né꞉ne tsi kanakeraseráien ratisenhnowánens thonwaniaró꞉tharon, 232 niháti. Ethòne ónen iashakónonhke ne Israerʼró꞉nons ahosóhtar, né꞉ne tsáta niwenhniawehetserásen niháti.

2 Chronicles 13:8

Ó꞉nenh kíʼ washerihotási nahitsaterí꞉io tsi nòkwah ne kanonhtiʼiótshera ahoshastsʼténhsera nètho Roiá꞉ner theshakówi ne Táwit tsi nienhatʼwatsírihne. Roʼnatiokowánenh shonkwétaiens ne ronhterí꞉ios tánon í꞉shawe ne owistanó꞉ron tionhnóns꞉kwahron owíra rátsinn kahiatónhni nètho Jeroboam ró꞉son né꞉ne ahisaní꞉ioke í꞉ken.

2 Chronicles 20:12

Í꞉se nónhkwah Ní꞉io í꞉ken! Shé꞉rehwat kíʼ, Asèken kwáh iáh othènen tehiakwahrihwástha ne rahotihénton kí꞉ken tehionenhranón꞉hiani ronhterí꞉ios né tionkihiatsatónhties. Iáh kíʼ tehionkwahteriéntare onhnahiakwáhiere, ók í꞉seke kíʼ iatekwahkánereh naskwahiénawase.”

2 Chronicles 20:23

Né Ammonró꞉nons tánon ne Moabró꞉nons iahonwahnatiatónhti ne Edomró꞉nons ronterí꞉ios tánon kwáh thóh kénʼen tsi wahonwaná꞉tonhte, tánon ethòne ó꞉nen ronhnón꞉hak khók tionhsahatiʼkariahte tsi ní꞉ioht ne kário tsi natehóntere sahonteriʼioháton.

2 Chronicles 32:21

Né Roiá꞉ner raronhiakeró꞉non tahoténiete né waʼshakononhwariákon ne ronhterí꞉ios ó꞉ni ne ronaterihóntons né Assyriaró꞉nons rahotitsiókwah ronhterí꞉ios. Ká꞉ti ne rakóra Assyriaró꞉nonhke nionhsáre rotehénʼen. Énska kí꞉ken nenhʼné꞉e tsi nikaríhwes raononsatokentiʼkówaʼne né raoní꞉io iehenterónhthaʼkwe, thóh ká꞉rah nihátikwe ne sakohiohokónhas wahonwanonwariákon raonasharehkówa wáhonste.

Job Tánon ne Raoronhiakensera 36:7

Iáh ákte nón꞉we tiehatkátos tsi nón꞉we nihón꞉nes ne iakoiánere, sakoriwá꞉wis nahontkóraste tsi ní꞉ioht ne rontinontí꞉ios sakokskó꞉te tsi nén꞉we enkénhake, tánon wahotishenhnowá꞉nen.

Job Tánon ne Raoronhiakensera 39:11

Kwáh ken ne atieniáhese tiorì꞉wa tsi nihashátste? Tánon kwáh raónha atsiénhase ne sahiothénhseras?

Psalms 20:8

Kwáh enhatiʼiathakwenhtarane tánon enhatihiatsénenhne, ók kwáh kíʼ thentsitewátane tánon entsitewatsathakwahrísi.

Psalms 44:3

Ne shonkwetaʼshónhas iáh teonathatsiatakweniʼióston nonhóntsa nasarekówa ahonáts꞉ton, iáh teonatkwénion ne raotishaststénhsera ahonáts꞉ton; né꞉ne sahshaststénhsera tánon tsi nisehshást꞉te waʼkarihónhni, né tsi ní꞉ioh rihwíʼiokwe tsi éhʼtho í꞉seskwe, né wahakonatónhase tsi nisehnorónkwa.

Exodus 14:28

Nʼonèkanos tontònkeʼte tánon taʼkarórohke ne otsiónkwas káseres, ne sakonahtó꞉res ne koshá꞉tens, ó꞉ni ratiʼkwékon ne Egyptró꞉nons ronhterí꞉ios né sakotíseron ne lsarerʼró꞉nons ne kaniatarahʼkheʼkó꞉wa; iáh ne saiáta tsiaʼtesohtaʼténron.

Ecclesiastes 9:11

Shé꞉kon óia nahorihóten sakátʼtoʼke, né kénʼen ionhwenhtsáte né kwáh tehotíkas iáh kíʼ tiókonhte tehonatkwénion nónen tenhonréron, tánon ne rotinikonhratʼtsáni iáh tiókonhte tehontkwénies ne tsi waterí꞉ios. Ne rontenikonhratʼthó꞉khas iáh tiókonhte tatehonténhtsahas tsi nihatítkhwa, ne iontenikonhratʼthókha iáh tiókonhte tehiakokwáhses, tánon ne rahtiriwahientéris iáh tiókonhte tetsiotenáktate tsi nónhwe nahonterihónten. Akwékon niehiakoteraskwátsenhs.

Jeremiah 48:14

Ne sehwaskenrahkéte ne Moab nónhwe, nonhtiéren tsi sehwáhton sehwahnikonhratʼtsáni, ne rotiʼnikonhratʼtsáni ronterí꞉ios tsi wahterí꞉io nónhwe natehontohétstha?

Jeremiah 9:23

Ne Roiá꞉ner ráton, “Kíʼ attokháhtshera iáh tehiówenhk ne tahathirénsahron ne rahothinikonrowahnátshera, tóh꞉ka ó꞉ni tsi nikashástsʼte ne raothishastsʼténsera, tóh꞉ka ó꞉ni tsi ne iókwats ne raonatʼtsokohwátshera.

Hosea 10:13

Ne satharakaratʼthóston ne karihwahekénhsera, ne tsi saientkwákwen ne iáh tetkarihwaié꞉ri í꞉ken, ne sahiákon nonowenhtashón꞉as í꞉ken. Tiorì꞉wa tsi ne seniahesénhne ní꞉se sashatsténhsera tánon ne tsi nihonatiohkowá꞉nen shonkwè꞉taien ronterí꞉ios,

Amos 2:14

Shé꞉kon ne kwáh tehotí꞉kaʼs iáh kí thahatiʼniá꞉kenʼne, tánon ne ratiʼshátsteʼs kwáh kíʼ enhonteʼshatstenhseró꞉kten, iáh ó꞉ni ne ronterí꞉ios thahatikwé꞉ni nahontatenónhstate;

Amos 2:15

Ne ronʼennénhawe iáh kíʼ thahatí꞉take nonhontsá꞉ke, tánon tsi nihá꞉ti ne tehotí꞉kaʼs iáh kíʼ thahatikwé꞉ni nahontatenónhstate khehs tsi nihá꞉ti ne kohsá꞉tens rotihsá꞉tens iáh kíʼ thahatinónhstate tsi ronnónhnhe;

Joshua 14:12

Ó꞉nenh káti, ne táskon ne tsi iononhtharónhnion kanakerahserá꞉ien né꞉tho Roiá꞉ner rakarahratstén꞉ni ne tewenhniserá꞉teʼkwe nakonhkweʼtashón꞉as tánon ní꞉i saiakwatró꞉ri. Waʼkwahró꞉ri né꞉tho ronhnónkwes ronhwatinaʼthónkwa Anakim thóh ratiʼterónhthakwe ne kowá꞉nens watenhénrotes tekawanáktons ne tsi kanatowá꞉nens. Tó꞉ka nón꞉wa ne Roiá꞉ner enhiakeʼnikwekónhake nakhehiaʼtí꞉nekenhwe, kwáh ki tsi niháwen ne Roiá꞉ner.”

Judges 7:2

Ne Roiá꞉ner wahawénhase ne Gideon, “Ne tsi níkon sonhkwátaien shó꞉tsi ronatsokowánenh nakerihwáke nahontatʼkhéhion natesenhniénhtshera nahonwatisénhni ne Midiarró꞉nons. Nonhtiérenk né enhonnonhthónhnionwe roʼnonhatsíwa wahontkwéni, tánon iáh othènen tahontiatáhesthe.

Judges 7:4

Ethòne ne Roiá꞉ner wahawénhase ne Gideon, “Shé꞉kon sóhtsi wéso shonkwétaien. Atsatákʼta niasehiaténhaf, tánon thóh nónhwe Í꞉i tenhkonhnenrahkháshiaʼse. Tó꞉ka enkonhró꞉ri né rónhkwe nahí꞉sehne, enhsehnéki. Ók tó꞉ka ne rónhkwe enhiró꞉ri ne tó꞉sa ahí꞉sehne iáh kíʼ tahí꞉sehne.”

1 Samuel 17:4

Tánon thóh tahatiʼiákenʼne tsi niwatohserótons ne Philistines ne ne raronhonkwénhawe ne ne Goliath ronwá꞉iats, ne Gath nón꞉we, ne rahón꞉ʼa tió꞉ton niwashí꞉tahke tánon tió꞉ton nihionká꞉rahke nihanénhies.

1 Samuel 2:9

“Raón꞉ha enhanónsthate ne ronsitàkes ne rotirihwatókens raonkwetaʼshónʼahs, ók kiʼ ne iakonkwetahétken kwáh kiʼ nènhne ieniontathasárhiake tsi tetsió꞉karas; asèken iáh tó꞉ka kén ne tsi naʼiesháststeke neh aiontkwéniesʼte.