Psalms 33:11 - Ohiatonhseratokénti

¹¹ Ók tsi nihotenikonhrónhni ne Roiá꞉ner enkátake tsi nènhwe, í꞉si ó꞉ni nón꞉we, tsi nihanón꞉tonhnions ne rawerhiane tsi nénhwe enkenhake.

Psalms 33:11 ပူးပေါင်းရင်းမြစ်များ

2 Kings 19:25

“Iáh kén nonwénton tesatʼthonté꞉on tsi thóh kíʼ ní꞉ioht tsi tewakatenikonronhníhon ne wahónhnise tkènhne? Tánon kíʼ ó꞉nen éhthoh nátiere. Khonhiáwi ne kashastsʼténsera né꞉ne asónhniaʼte ne tsi tekensthorótatse ne tekanathanátʼtons ne kanatowanénhke né ashanitonhiónhniaʼte nononhwénhsera iotónhon.

Job Tánon ne Raoronhiakensera 23:13

Ók raonhatsí꞉wa khók thí꞉ken tánon ónhka aiekwé꞉ni ne tahonsahoterihwaténien? Tsi nenʼtaská꞉neke, thóh nenhá꞉iere.

Psalms 92:5

Tsi naʼtehiotenonhianítons tsi niseweienhnótens, Saiá꞉ner! Tsi naʼteionótens ne sanontonhnióntsheras!

Proverbs 19:21

Nón꞉kwe niaʼté꞉kon tsi ni tsi ahonteʼnikonhrísa, nok ki Roiá꞉ner tsi nihoʼnikonhró꞉ten eʼthó ki neniá꞉wenʼne.

Ecclesiastes 3:14

Wahkateriéntare kwáh tsi nahoténshons ne Rawenni꞉io kén nienháiere tsi nénwe tsi enʼioianeréhake. Iáh taskwéni ne iáshesʼthe tóka niʼó꞉ni nahontashatókʼthaʼkwe. Tánon tioríhwa tsi nihaiérha ne Rawenni꞉io né tsi ashontiónnien tatsitewarensahrónhsehke.

Isaiah 14:24

Né Sakoiá꞉ner ne ronterí꞉ios ratironhiakeró꞉nons kwáh roʼrihwaniráton: Kwáh tsi niʼwahtieronhnítsʼton, kwáh kí thóh nenhiáwenhne; tánon tsi niwahkanonhtonʼniónhon, káti kwáh kí enwahtóhetste:

Isaiah 14:27

Asèken ne Sakoiá꞉ner ne ronterí꞉ios ratironhiakeró꞉nons roʼtenikonrí꞉son, tánon ónka nènhneʼe tahontaʼieríhshi? Iatehótsaʼte, tánon ónhka nenhné꞉e nahonshaʼhióntʼthate?

Isaiah 46:10

Wakerihowanatonhátie ne tsi iohiotókʼte kwáh ó꞉ni tsi nitsiotásawe tánon ne wahónhnise tkènhne norihwasónhas né꞉ne arèko ehteiawénhonh, ratónhnions, “Tsi niwakatenikonrónhni kwáh kí enkátake, tánon kwáh entiérihte tsi niwakatenikonrí꞉shon,”

Jeremiah 29:11

Asèken oriwiʼiohónwe wahkateriénthaʼre tsi nikwahriwahsehronniénni norihwahsónhas, rá꞉ton ne Roiá꞉ner, ne noriwasónhas nahisehwahianerásten tánon iáh ne tèh ken ne kakaronniátshera, ne nahontakwáion tsi niaʼhawenonhátse ne ne kahrahrhátshera.

Lamentations 3:37

Tsi nihononthonniontseróten ne Roiá꞉ner tiotkonʼónwe thóh nienʼiáwen:ne. Kwáh iáh ónkha thaiekwéni neh thènen nahiéʼiere tsít ne Roiá꞉ner éhʼtho nithonikonrhóten.

Daniel 4:37

“Ó꞉nen káti, í꞉i, Nebuchadnezzar, enhihsénnaien, tenhirénhsaron, ó꞉ni enhiiatanehrákwahte né Ronnontí꞉io né Karonhià꞉ke Thèn꞉teron. Kwáh tsik nenhá꞉iere akwé꞉kon tkarihwaié꞉ri ó꞉ni thoriwaié꞉ri, tánon ó꞉ni enhakwé꞉ni ne tahshakawentshó꞉ten ónhka ne iontatón꞉ni.”

Micah 4:12

Ók iáh kíʼ tehonaterièn꞉tare tsi nihonikonró꞉then ne Roiá꞉ner; iáh teotinikonraiéntas tsi nishakoteʼnikonrá꞉wis; ne tiorì꞉wa tsi sakohiataró꞉ron nonkweshón꞉as tsi ní꞉ioht ne kaʼthokwahnerénkʼkons ne tsi iewahektákwa kenská꞉ron.

Acts 15:18

Tsi niháton ne Roiá꞉ner, tsi nihawenéston ne wahónnise tsi náhe tkènne.’

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.