Psalms 32:5 - Ohiatonhseratokénti

⁵ Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Psalms 32:5 ပူးပေါင်းရင်းမြစ်များ

2 Samuel 12:13

Táwit wahawénhase ne Nathan, “Wakeriwáneren tsi nòkwah ne Roiá꞉ner.” Nathan wahawénhase ne Táwit, “Ó꞉nenh ne Roiá꞉ner shianikonrénhse ne sarihwanerahákʼtsera; ní꞉se kwáh kíʼ iáh thashí꞉heʼie.

2 Samuel 12:9

Onhniʼiotséren tsi iáh karíhwa tesón꞉ni ne raowénhna Roiá꞉ner, tsi ne thonáshere ne karihwahetkénsera ne raohén꞉ton? Í꞉se watienonwarhiákhon ne Uriah ne Hitró꞉non ne washástste ne raonasharehkówa Ammonró꞉nons.

2 Samuel 24:10

Ók onakènhke, ne Táwit wahawerhiasanónhwake tsioríhwa tsi sakoséhton nonkweʼókon. Ne Táwit wahawénhase ne Roiá꞉ner, “Wakeriwáneren kwáh teiotenonhianíton ne tsi niwakatiéren. Ók kíʼ nón꞉wa, Ó Saiá꞉ner, Wakaterénhnaien shonháke, éhren shasáwit ne nakenhí꞉tsera; asèken thóh niwatiéren ne kwáh í꞉ken teiotenonwarorítonhte.”

2 Samuel 24:17

Nó꞉nenh ne Táwit sahó꞉ken ne raronhiakeró꞉non tsi rahón꞉ha sakotontonhá꞉tsie nonkweʼókon, wahawénhase ne Roiá꞉ner, “Kwáh akonwákhok wakeriwáneren, tánon akonwákhok thóh niwatiéren ne kariwahetʼkénhsera; ók kí꞉ken teiotinakaronhtón꞉ahs, ònhne nihionatsiéren? Áhnion ne satshanáke, wakaterénnaien, í꞉i wakakkónten tánon satkónten ne rakení꞉ha raonónsa.”

1 Kings 8:50

Akwékon shasanikónhren ne rahotirihwanerahák꞉tsheras tánon tsi nihonathonkwetakʼshá꞉ton tsi nòkwah níse, tánon shéʼhiónhnien ne tehontátʼtsons kwáh kanoronhkwahtsherákon tsi nahonwanatséraʼse.

2 Chronicles 6:29

sehiatahónsatat ne rahonaterénhnaiens. Tó꞉ka ónhkak ne shonkwetaʼshón꞉as Nisraeʼró꞉nonke, kwáh í꞉ken tsi rotinikonráksens, iaʼtenhontsátaʼte tsi enhonhnentʼtsiakéstsko nahonterénhnaien tsi nòkwah kí꞉ken Ononsatokentiʼkówaʼne,

Ezra 10:11

Káti ó꞉nenh, sewarihwaní꞉rat ne sewarihwaneraháktsheras rahohén꞉ton ne Roiá꞉ner, ne sáko Ní꞉io ne ietsisoʼthonkonhkén꞉en, tánon thóh nasewá꞉ier tsi nahó꞉ten rawerientiióstha. Tesehwatetʼtkási ne thihononhontsá꞉tes ne otsonhontsá꞉ke ratinákere tánon é꞉ren saieʼtsihiatenháwit ne thihiononhontsá꞉tes sewaniakʼkons.”

Job Tánon ne Raoronhiakensera 31:33

tó꞉ka wakehró꞉ron nakerihwaneraháktshera tsi ní꞉ioht ne ronátiaʼkes tsi wakaséhton nakerihwaneraháktsheras thóh kenskwé꞉nakon,

Job Tánon ne Raoronhiakensera 33:27

Enhokenhé꞉ion ne rónkwe tánon tó꞉ka nónhkak ahiaiéron, ‘Wakerihwáneren tiorì꞉wa tsi í꞉i wakerihonhní꞉hon ne tionkweʼtaié꞉ri nahiontahontáko, ók iáh ki á꞉rehko tewatienàhon tsi natewakaténtion.

Psalms 103:12

kwáh tsi nió꞉re ne tsitkarakwínekens tánon tsi nió꞉re ne tsi iatewatʼtsénhthos, thóh kiʼ nió꞉re tsi éhʼren rohawíton nonkwarihwaʼnerahákʼtseras.

Psalms 103:3

rahónha sahkenikónhrenhse akwékon nakerihwaʼnerahák꞉tsheras, rahónha sahketsiéntha akwékon ne akekhratarihné꞉tsheras,

Psalms 25:16

Tsi khés nontasahtiérat tánon takithénhrat, asèken akonhatsíwak í꞉ken tánon hionkeronhiakéntha.

Psalms 25:18

Sathenhnikonhrá꞉ren nakenikonratsénhtshera tánon nakenikonhraronhiakénsera, tánon saskenikónhrens akwé꞉kon nakeriwaʼnerahák꞉tsheras.

Psalms 30:5

Asèken ne raonahkwáhtshera kén khók nikaríwes; tánon ne tsi nithorihwaiéri né꞉ne tsi nihiakónhnes enkénhake. Tó꞉ka tahitewaséntʼtho nék né nenhtewasonhtíhiake, ók natsenhnonniátshera oronhkéhne nènhne entkaháwite.

Psalms 38:18

Kerihwaʼnírats nakerihwaneraháktsheras; waʼkonhniénhnis nahonterónh꞉ne.

Psalms 38:19

Tsi nihá꞉ti ne tsi ronhnónnhetse ne iónkswenhs kwáh í꞉ken tsi ratishástste, ronatsiokowáhnen ne iónkswenh né꞉ne kwáh iáh othènen tetsiorihonhníhon.

Psalms 51:6

Tsi nahióntsere ne tkarihwaʼiéri nakawerhiáne nón꞉we ahontakaiénthakwe tánon ne iésehre ne iotokenskehónwe ne Rawenni꞉io raowenhnahó꞉kon né thóh ní꞉ioht tsi rarihwaʼnón꞉tons ne Rawenni꞉io; takerihón꞉nien atʼthokhátseras tsi nòkwah ne ioteriwaʼséhtons.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Proverbs 30:20

Ne ká꞉ti kí꞉ken iakón꞉kwe iakonià꞉kon ne iáh teiakorihwakwaríhshion, eniontenahkwaié꞉sahteʼ, sók eniontá꞉wen, tánon eniaʼié꞉ron, “Iáh oʼthé꞉nen tewakatié꞉ren ne iáh tetkariwaié꞉ri!”

Isaiah 65:24

Nohénton iahionkená꞉ton kwáh tekerihwasehrá꞉ko, tsi shé꞉kon nenhotithá꞉raʼke kwáh kí enwakathón꞉tene.

Jeremiah 2:23

Ónh ní꞉ioht tsi ne áshiron iáh thateshatahtsiatónston, tánon iáh nonhwénhton thetsénnahien ne Baal? Satʼkátho tsi nahsehrihwáhnerahke noronwáhkon; satʼkátho tsi nahsehriwahkanónhni. Thóh nishiató꞉ten tsi ní꞉ioht ioniakwáhere ne iohnatharínes, tie wahthatewenhní꞉io tsi nikatátʼkes,

Jeremiah 2:35

sáhton, ‘Iáh tewahkeníkonh, oriwiʼiohónwe ne Roiá꞉ner tsi iáh ónenh teshakenáhkwahse.’ Ók í꞉ih ne Watiá꞉ner, kwáh enkonhréwahte tioríhwa tsi wahshathonníʼen tsi sahriwahnerahákson.

Jeremiah 3:13

Nek khók sehrihwahnírat tsi sahníhkon tánon iáh thetiewenhnahráhkwen ne Roiá꞉ner sahNí꞉io. Sehrihwahnírat kwáh tsi niatekahrónthake ne áse nikahrontó꞉ten thisakʼkáhwenh ne sahnoronkwáhtshera tsi nòkwah ne káhnionk ní꞉ios ó꞉ni iáh tesahthewenhnahráhkwen nahkwatsiawenhrátsheras. Í꞉ih, ne Watiá꞉ner, wahkatháti.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Hosea 6:1

“Káts, ánion Roiá꞉ner nokwáh nietsí꞉tewe; asè꞉ken rahónha seh ne shonkwahiataratiónkwen, tánon rahónha kí nensehshonkwahtsénte; rahónha shonkwakarewá꞉ton, tánon rahónha kí ensheshonkwahkentó꞉ren.

Leviticus 5:5

Nónen saníkon, ónenk tsi ensehrihwaníraʼte ne karihwáneren,

Malachi 3:8

Ónhka kenh ahonwanènhsko ne Rawenni꞉io? Eʼthó sá꞉ne í꞉se takwanenhskwenhá꞉tons! Ók sewatón꞉nions, “Oh ní꞉ioht tsi kwanenhskwenhá꞉tons?” Tsi nitisewaiéhstha nohwísta tánon tsi nisewaró꞉roks natatawíhtsheraʼs!

Luke 16:15

Ȣasakaȣenhase kati: Iseȣere kinise seȣaianerese nonkȣene; nok tanon ne Niio akȣekon raienteri tsini seȣeriasotens; Aseken tsinikon ioriȣanoronsta nonkȣe okon akȣekon roriȣaston ne Niio.

Luke 7:47

Neh ȣaonni ȣakonrori, tsi akȣekon sonterakeȣe saeto sane eso ioriȣaneren: Aseken eso ki tsi ȣakanonȣene: aseken ne kenhniioriȣaha ronȣentenron kenh ki niioriȣaha tsi ensakononȣene.

Ephesians 4:32

Kék, tasariwaiérik ó꞉ni seriasihióhak tsi naʼtesewátere, tánon ó꞉ni tonsasewatatenikónrens, tsi ní꞉ioht ne Rawenni꞉io tsi sianikónrense thóh rahonháke ne Kerístos.

Joshua 7:19

Ne Joshua wahawénhase, “Koniénha, orihwí꞉io satró꞉ri kén꞉en rahohénton ne Roiá꞉ner, ne Sakoní꞉io Nisraerʼró꞉nonke, tánon serihwaní꞉rat. Takró꞉ri ó꞉nenh tsi nishatié꞉ren. Tó꞉sa shatheʼniénten naskerihwasénhten.”