Psalms 31:24 - Ohiatonhseratokénti

²⁴ Sewaʼnikonratshanitónhak, tánon tasewethakwénhak ne sehweriáne, sewaʼkwékon ne et tsi sehwáʼrahre ne Roiá꞉ner.

Psalms 31:24 ပူးပေါင်းရင်းမြစ်များ

2 Chronicles 34:31

Né ronnontí꞉io thóh nón꞉we nathátaʼne tsi nón꞉we nihioterihwíson ákta tsi kanawahá꞉thoʼte tánon á꞉se sarónhni naterihwasehronhniátshera. Waharáhratsʼte tsi enhowénhnarahkwe ne Roiá꞉ner tsi enharihwakwéniensʼte ne rahoianerénhseras ó꞉ni ne raotiawenhráhseras kwáh raweriasakwékon ó꞉ni raotonhnhetsheraʼkwékon, tánon nahahioténhste tsi nikarihwanón꞉tons tsi natekeníneren naʼterihwasehronniátshera, tsi kíʼ nikaiáton ne kahiatoseráhkon.

Esther 6:10

Thó꞉ne ronontí꞉io iahohtháhrhahseʼ Haman, “Tesasteríhen tánon skóha ne wahkwenní꞉ioʼs tánon iakohsá꞉tens, tánon entéhtshon Sitaeró꞉non Mordecai ne karenhsarónhtshera. Akwé꞉kon eʼthó naʼtshé꞉raʼs tsi nahò꞉ten wahskwatenʼnikón꞉ron. Eʼthó entshiaʼtatshén꞉ri tsi ieiontaweiaʼtáhkhwa tsi kí꞉teron thó théntskote.”

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Psalms 146:5

Iakotáskats tsi niʼiákon nenhsakoiénawaʼse né꞉ne Raoní꞉io Jacob, thóh nón꞉we nihonaskanektseráien rahonháke ne Roiá꞉ner raotiní꞉io í꞉ken,

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 29:11

Aiáwenhs ne Roiá꞉ner ahontasaká꞉wen ne kashaststénhsera ne rahonkwetashón꞉has! Aiáwenhs ne Roiá꞉ner asakohiathatériste ne rahonkwetashón꞉has né꞉ne skénhnon í꞉ken!

Deuteronomy 6:5

Hentsenorónhkwake ne Roiá꞉ner Rawení꞉io tsi sónnhe, akwáh seriasakwé꞉kon, satonhnetsherakwé꞉kon, ó꞉ni sasatstenhserakwé꞉kon.

Colossians 1:11

Neh ahisasasténseron tsi thóh nón꞉we akwé꞉kon nitewétha tsi nihionerákwat ne rahosasténsera, ne káti nahiotón꞉on oriwahkwé꞉kon asatakástathe tsi naisanikonrihioʼke. Tánon tetienonwerá꞉ton ne Kaʼní꞉sera, tsi raónha iaweiennentá꞉on nasatiatáren tsi nahó꞉ten ne Rawenni꞉io sakonónstati ne rahonkweʼtashón꞉a tsi tkanakerahserá꞉ien ne tsi tetioswátʼte.

1 Tiér 1:21

Rahonháke nónwe nitiawénon tsi tatsisewétakwe ne Rawenni꞉io, tsi nikáien shokétskwen ne kenheiát꞉ne tánon taháwen ne kaiatanerakwátsera; tánon káti ne sewetakwéntsera ó꞉ni ne sewaskanéktsera thóʼnon nikahkwatákwen rahonháke ne Rawenni꞉io.