Psalms 31:22 - Ohiatonhseratokénti

²² Wátʼteronskwe tánon waʼnanonhtón꞉hnionwe, “Waʼhakónhnien nahí꞉nonh nió꞉re niáke tsi nón꞉we níres.” Ók wesatʼthónhtene nakaterénhnaien nó꞉nen shonháke iathenkaséntʼtho nastiénawase.

Psalms 31:22 ပူးပေါင်းရင်းမြစ်များ

Job Tánon ne Raoronhiakensera 35:14

Ethosà꞉ne ní꞉se sáton iáh othé꞉nen tetionhniátha, ne karihwenhthá꞉tshera raohénton káien tánon ó꞉nenk tsi raónha entsateráhrate.

Psalms 116:11

Waʼkíron ne satehionkonhnaríkʼkons, “Onhkwetaʼkwékon iakonówens.”

Psalms 17:7

Shó꞉tashion ne iorihwató꞉ken sanorón꞉kwahtsera, í꞉se ne Sehiá꞉thakwas ne seseweientetakwen nasenentʼtsá꞉ti tsi nihiakon iakesaks nahiontasethakwe tsi nòkwah ne tehontát꞉tions.

Psalms 31:17

Tó꞉sa taʼkeríhon nahionkatéhate, Ó Saiá꞉ner, asèken í꞉se iekonhnátons; sehríhon ne rotirihwáʼneren nahonwanatéhate; seríhon kwáh sakʼthikénhak tsi ienhónsnente ne Sheol.

Psalms 6:9

Ne Roiá꞉ner waʼhotón꞉tene tsi nikerihwanékʼkha; ne Roiá꞉ner waʼhaiéhna nakaterénhnaien.

Psalms 66:20

Tehinonhwerátons ne Rawenni꞉io, tsioríhwa tsi iáh tehotharónhtion nakwahterénhnaien khés éhʼren ahonsahohawíton ne iorihwaʼtóken raononronhkwáhtshera nakonháke.

Psalms 88:16

Ne sanhakwáhtshera tewaʼtiatoráhrats; tsi natehiotenonniaʼníton teskatsiatón꞉tses tewaʼtiataríhtha.

Isaiah 49:14

Ók Zion wakénron, “Né Roiá꞉ner rakatewentéton, natiá꞉ner ratiaʼtanikonrénhʼen.”

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Ezekiel 37:11

Ne Rawenni꞉io wahakénhase, “Rónhkwe iaiénha, nonhkweshón꞉has nIsraeró꞉nonhke né teshontiérens tsi ní꞉ioht kí꞉ken ostsiensónhas. Rónhton kwáh ratikwékon rotihiatatʼténhen, kwáh iáh othènenh teshonahrahratʼtsheráien iáh ó꞉ni tsi niahonenonhátie.

Jonah 2:4

Eʼthoʼne waʼkí꞉ron, Ó Saiá꞉ner, takwateʼkwáhton ne tsaʼtà꞉kta, oh ní꞉ioht tsi shé꞉kon aonsakatkátho ne Sanonhsatokénhti?

Luke 11:10

Aseken, tiontataȣis ne ieriȣanontons, ietsenries ne iakesaks; nok enhonȣannhotonkȣase ne rannhohaiaks.

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.

1 Samuel 23:26

Ne Saul tsionontahkaráti neh nokwáhti niahá꞉re, tánon ne Táwit tánon ne raonkwetashón꞉ʼahs í꞉seh neh nahonontáhti nokwáhti niahónhne. Ne Táwit tehosteríhens nahotèkwahse ne Saul, thóh neh ná꞉he ne Saul tánon ne raonkwetashón꞉ʼahs ákta ronetonhátsie tsi nón꞉we ní꞉res ne Táwit tánon ne raonkwetashón꞉ʼahs neh nahonwahiéna.

1 Samuel 25:32

Ne Táwit warénhaʼse ne Abigail, “Tehonwanonweráton ne Roiá꞉ner ne sakoʼNí꞉io Nisraerʼronónke, tsi raón꞉ha se taiató꞉ri ne tahitsatátʼken nón꞉wa wenhniseráte!

1 Samuel 27:1

Ne Táwit thá꞉hataneʼnontónhnionhse, “Ní꞉i kwáh ó꞉nen enkatiatháton kát꞉kek entewenhniseráteke thóh ratshanáke ne Saul; iáh kiʼ sén꞉ha teioiá꞉nere nakerihwá꞉ke ne thóh iakatekwásen tsi thóh nonhóntsaien ne Philistines; ehʼthóhʼne kiʼ ne Saul watanikonrón꞉ko tsi ratiatísaks thóh nón꞉we ne tsi karisthatáhtie NʼIsraerʼronónke, tánon thóh enshiʼniákenhse ne ratshanáke.”