Psalms 31:20 - Ohiatonhseratokénti

²⁰ Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

Psalms 31:20 ပူးပေါင်းရင်းမြစ်များ

Job Tánon ne Raoronhiakensera 5:21

Kwáh ki eniesahiataséhtonhke tsi nokwáh ne ronhnenhná꞉satʼsens, tánon iáh kí tahisaterónhsehke atkaronhniátshera nó꞉nen enwá꞉we.

Psalms 10:2

Tsi rontatkowaʼnáhtha ne ionhkwetahétʼkens sakotironhiakéntha ne iakóktsien— né ronwatironhiakéntha ne rotiʼiénas tsi nihonaterístaien ne ionkwetahétkens tsi nionatenikonrónhni.

Psalms 103:11

Tsi nitiótʼte ne tsi karonhiáte tsi eʼneken iotohestákwen ne tsi ionwenhtsáte, thóh kí natehiotenonianíton tsi nisakonorónhkwah tsi nihiákon ne ronhwaʼrihwaʼkweniénstha;

Psalms 103:8

Né Roiá꞉ner rotanithenráts꞉kon tánon torihwaʼiéri, iáh tehanakwahstóre tánon né raiáti ne iorihwaʼtóken kanoronkwáhtshera.

Psalms 119:124

Taskateweienhtónhas ne tsiosèhret ne iorihwatóken sanoronhkwátsera, tánon takerihónhnien ne satsiawenhráhtsheras.

Psalms 124:5

eʼthóhʼne ahonkwahnontsistawenhráton tsi nihionekashástste.

Psalms 140:3

Né ronhnenhnasákes thóh nihioiotí꞉ies tsi ní꞉ioht nóniare, tánon ne ratiskwenhtókons thóh iáwere ne kaniarákʼtsens ahononhkwahtsheraksénskwah. Selah

Psalms 140:5

Ne ratinikonhrahétʼkens ionkateristaiénhni, asheríhie nahóten ronataharonhniáton ne tehotitakwaríhton tsi ronateristaientákwen, tsi hiohatátses nónhwe nihotikwahtákwens tsi ionkaterístaien ne nahiontséna. Selah

Psalms 2:12

Tsisewawénhnarak ne Rawenni꞉io roiénha, tó꞉ka iáh kwáh enhianákwahse tanon ne tsi sathahítake atkaronhniátshera ne í꞉ken asèken ne raonakwáhtshera kwáh thenwatʼtsiró꞉ko. Iakotaskáts tsi nihiákon rahonháke nón꞉we nihiontekwáhsens.

Psalms 27:5

Asèken kwáh enhatiatásehte ne tsi rohtaskwáhere né tewenhniserónh꞉te ne tehionikonhráhrat; kwáh enhatiatásehte ná꞉kon tsi ioteró꞉ron ne raothó꞉sehra; kwáh thóh nón꞉we ienhakíteron tsi nón꞉we ne kwáh tionitsténhrate.

Psalms 32:7

Í꞉seʼke nónwe nikatasehtákwah; í꞉seh teskénes nó꞉nen thén꞉nen tekanikónrahʼre. Ioʼwènhthe tsi kerénʼnothe tsi nó꞉kwa ne sahiatakenátsera, tsoʼríhwah tsi í꞉seh teskénes. Selah

Psalms 36:11

Tó꞉sa sehríhon ne rontatkowaʼnátha nahontahionkatsatónhti, khés ne ronhnonkwetaʼhétkens nahionkón꞉nien akatèko.

Psalms 36:6

Né sarihwaʼkwahrihshión꞉tsera thóh ní꞉ioht tsi ní꞉ioht ne kwáh tiotenonthatónhnion, né sarihwenhthátseras thóh ní꞉ioht tsi ní꞉ioht né kwáh tsionó꞉tes; Kwáh satéhiot tsi Í꞉se tesehiatkawénhnis nonkweʼshónha ó꞉ni ne kontitshénens, Ó Saiá꞉ner.

Psalms 36:8

Né rónhneks tsi niʼiawetowáhne ká꞉khwa tesakʼkáwas ne Sanonsatokentikó꞉wane, tánon ne senekanóntens tsi kaniataratátsie ne serientiʼiósta.

Psalms 40:4

Iakotáskats tsi nihiákon thonwetákwen ne Roiá꞉ner, iáh kahiatonhnishónhas tekonwaʼtihniahé꞉sen, khés niahonwaʼnatsatárahse tsi nihiákon ne kahiatónhni konwaʼtisénhnaiens.

Psalms 57:11

Iesasenhnakarátat, Ó Sewenní꞉io, éhʼneken ne tsi karonhiáte, tánon sehríhon ne sahiatanerakwáhtshera tewaʼréni ohontsakwé꞉kon.

Psalms 86:14

Ó Sewenní꞉io, ne rontatónhni waʼthatítaʼne nahontahionkatiatónh꞉ti; ne raotitsiókwah ne ratiniakáts꞉te ronteniéntʼtha nahionkenonhwariá꞉khon, né꞉ne ronónkwe ne iáh othènen karíhwa teieshón꞉nis.

Exodus 18:11

Ónenh kíʼ onhkateriéntarahʼne nètho Roiá꞉ner tsi sénha roshaststenseroʼwá꞉nen tsi ní꞉ioht nakwékon ne ratiní꞉ios, tsoríwa tsi thóh kí ken nahá꞉iere nónenh ne Egyptró꞉nons wahonwanaʼtewenienʼnakʼsá꞉ten ne lsarerʼró꞉nons tsi nióre tsi ronahʼtenontsisʼtaniráhton.”

Romans 13:13

Ánion tkariwaiérik tsi tiónʼnhek, tsi teioswátʼthe nonnitionʼnhétie iáh neh tsi tetiókaras: iáh ó꞉ni neh thiʼiohriwatesónha tsiʼni ienekirátha, iáh neh kanhakwaiesátsera tòhka ó꞉ni ne iáh tehioteriwatʼtkwéniens, kaserohénsera, kanaiésera.

2 Corinthians 12:20

Thiwákterons nó꞉nen téntke tóka iáh shaʼonkwaʼnikòn꞉ra thakénhake. Thiwakteronʼón꞉we sewatiaʼkéhshon tensewarihwatirón꞉take, tensewatateʼnósha, tóka ó꞉ni tensewatatenahkhwá꞉se, tóka ó꞉ni ensewatehtshén꞉hake, tóka ó꞉ni taisewatatenowenhtaniónhahse, tóka ó꞉ni aisewatshokentonníhake tánon taisewatateʼnikonhrakaré꞉wahte. Kwáh ó꞉ni thiwákterons nontié꞉renk aisewanaiéhake sók eh naitsonhnhoténhake tsi ní꞉ioht ne tehatinenhrahrí꞉tha.

Galatians 5:20

konwatisénnaiens kaiatonnisónhas ó꞉ni iontenénnaras. Nonkwesónhas tenhotiriwaráseron ó꞉ni enhonterihioháton; tánon enhatinosháseke, enhotinakwenhénhake, ó꞉ni enhonatetʼtséntake. Enhonnitiokonniánion;

1 Timothy 6:4

neh rothateweraʼten kanaiésera tánon kwáh iáh thènen tehotheriéntareh. Kwáh nek raskanéktha ne tahariwahkéna ó꞉ni tahariwahwénron tsi nókwa ne owennasónhas, tánon neh kí꞉ken tkáhas ne kanosástsera, aterihotarótʼtseras, ahiontatenikonráksaʼte, karihwáksen tsi tetsiakonikónrake,

Ne꞉ne Sák Rohiaton 4:6

Nók nataniténron tsi nitatkáwas ne Rawenni꞉io sénha neh kasátsʼte. Tsi niwáton noʼiatonseratokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”