Psalms 31:17 - Ohiatonhseratokénti

¹⁷ Tó꞉sa taʼkeríhon nahionkatéhate, Ó Saiá꞉ner, asèken í꞉se iekonhnátons; sehríhon ne rotirihwáʼneren nahonwanatéhate; seríhon kwáh sakʼthikénhak tsi ienhónsnente ne Sheol.

Psalms 31:17 ပူးပေါင်းရင်းမြစ်များ

Psalms 115:17

Né iakawenhéion iáh nenhné꞉e tatehonwanonwerátons ne Roiá꞉ner, khés tsi niʼiákon iehiakotsnénhton ne tsi tsohóntsaien ne kenhéion.

Psalms 31:1

Shonháke, Ó Saiá꞉ner, nón꞉we nikèsaks nakataséhthakwe; tó꞉sa nonwénhton takeríhon nahionkatéhate; í꞉se ne sarihwaʼkwahríshion Ní꞉io; tatiatanónstat.

Psalms 34:5

Né ionhtatwisátha thonwetakwénhak tánon iakotsenhnonhníhak; iáh kíʼ nonwénhton thatahonwananikonhrhiáthen.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 35:4

Saiá꞉ner, sehsénhni tánon sehkénron tsiniháti ne ronhteniént꞉tha nahionkenonwaʼrhiá꞉kon! Sahsehiáktat tánon tesehianitón꞉niaten ratikwé꞉kon ne ronhtenikonrón꞉nis nahiontkaréwate!

Psalms 4:7

Sáthen natsenhnonniátshera nakwerhiáne sénha né wé꞉so sahtèkena tsi ní꞉ioht nahiokwatstónhake ne raotinátsia tánon ne otsítsa ienekiráhtha nakanakérehke.

Psalms 6:10

Aiáwenhs Raʼtikwé꞉kon ne iónkswenhs kwáh enhontéhen tánon kwáh í꞉ken tsi enhotiʼterónhne; aiáwenhs tahonsahontkaraténi tánon tahontaiawénhstsi enhonwaʼnatéhate.

Psalms 71:24

Kwáh kíʼ kontatsésons né entʼthárakwe ne sarihwakwarihshón꞉tshera, tsioríhwa tsi nihiákon ne ionteniéntʼtha nahiontkaréwaʼte kwáh kíʼ ronwaʼnatéhaton tánon ronhwatisenhnaksáton.

Psalms 80:4

Thóh shé꞉kon nikaríhwes; Saiá꞉ner Sewenní꞉io Sashaststenhserowánen, kwáh ensenakwáhsehke ne shonkwetaʼshónhas tánon iáh tesatthóntats ne tasehriwasehráko nonkwaterenhnaʼientátsheras?

Psalms 80:8

Egypt niteskwahiaténha kwáh shí꞉ken né꞉ne waʼtenenharíhsehres nihiakwaiató꞉ten; waʼsehiatékwahte ne tihononhontsátes tánon thóh nón꞉we nonsaskwénhteron ne rahononhontsákes.

Psalms 94:17

Tó꞉ka ne Roiá꞉ner iáh tahasniénonʼke, ahonkiʼhéionhke.

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Daniel 12:2

Ronatiohkowá꞉nen ne ó꞉nen ronenhé꞉ion shé꞉kon enshontónnhete: ó꞉tiaʼke tsi nén꞉we enhonatonnhárake, ó꞉tiaʼke tsi né nén꞉we enhonatehénʼen.

1 Samuel 2:9

“Raón꞉ha enhanónsthate ne ronsitàkes ne rotirihwatókens raonkwetaʼshónʼahs, ók kiʼ ne iakonkwetahétken kwáh kiʼ nènhne ieniontathasárhiake tsi tetsió꞉karas; asèken iáh tó꞉ka kén ne tsi naʼiesháststeke neh aiontkwéniesʼte.