Psalms 3:4 - Ohiatonhseratokénti

⁴ Rahonháke ne Roiá꞉ner iatkaséntho, tánon waʼthakeriwasehrákwahse tsi nontáwe ne raʼonontatokentíke. Selah

Psalms 3:4 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Psalms 119:114

Í꞉seke nónh꞉we nikatasehtákwah tánon í꞉se nakáwenk tehioniatastákwah í꞉ken; né꞉ne sahwénhnake nónhwe nitewahketákwen.

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Psalms 18:3

Iahináhton ne Roiá꞉ner, rahónha ne ioríhonte ne tahonwanonwenhráhton, ká꞉ti tionkenonsthá꞉ton tsi nòkwah ne iónkshons.

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Psalms 27:6

Nón꞉wa ne kenontsíne kakétskwe éhʼneken í꞉ken tsi rón꞉nes né iónkswenhs kwáh tehionkatiathataséhton, tánon né iéntʼtate ne raothosehrákon enkatienkwahrón꞉niate tsi natenhwakkhénrehte nattienhnonhniátsera; Kwáh tenhkerihwakwáhnion tánon enkaterenhnotónhnion rahohénton ne Roiá꞉ner.

Psalms 28:7

Né Roiá꞉ner rahónha nakeshaststénhsera í꞉ken tánon rahónha rakatrenhóstha; kwáh akerhiasakwékon tsi thiʼiethákwen; ká꞉ti raʼtiataké꞉nas, tánon tiatakwékon waʼtiatánaʼne natsenhnonniátsera, tánon né nakerénhnake tsi waʼthinonweráton.

Psalms 34:4

Rahonháke ne Roiá꞉ner iakaterénhnaien, tánon waʼthakerihwasehrákwahse, akwé꞉kon éhʼren sahaháwite nakteronhkwáhtshera.

Psalms 34:6

Kíʼ iáh othènen teharihwástha waʼthaséntʼto, tánon ne Roiá꞉ner waʼhothóntene, tánon sahonónsthate akwé꞉kon éhʼren waʼhaháwite tsi natehonikónhrare.

Psalms 43:3

Ó tasaténiet ne saswatthétsera ó꞉ni ne sarihwaʼkwarihshión꞉tsera; ne nahón꞉ton ahiontkéntenhseʼ tánon iahonsahiontiathénhawe ne sanontatokentíke tánon ne tsi teshí꞉teron.

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Psalms 62:8

Tatsisehwethakwénhak ne Rawenni꞉io tiotkonhónwe kénhak, Ó tiónkwe; iatesehwatatʼtsáhak ne rahohénton; Rawenniʼióke séh nón꞉we nitewatasehthákwah. Selah

Psalms 84:12

Ó Saiá꞉ner Sashaststenhserowánen, tsi niʼiakoktsenhnónhni tsi niʼiákon ní꞉se tiesehtákwen.

Psalms 89:19

Waʼsathotási tánon wahsehthá꞉rahse ne rotirihwaʼtó꞉kenʼne sanhátsheras ne waʼhónhnise tkènʼne, tánon waʼshí꞉ron: “Wahiʼiénawaseh ne rasenhnowá꞉nen raterí꞉ios; waʼhiʼianitskwahrá꞉tsheron tsi nikáien nónkwe ronwaʼiatará꞉kwen.

Psalms 91:15

Nó꞉nen ienhionkenaton, kwáh kíʼ thenkherihwasehrakwahse; kwáh enhiakwakweʼkónhake tsi nathenhonhnikonhráhren, kwáh kíʼ enkheniákenhte tánon enkhekwéniensʼte.

Psalms 99:9

Tsi sewaʼsenhnó꞉wanat ne Roiá꞉ner onhkwaNí꞉io, tánon thóh nón꞉we iatsisewaʼsénhnaien ne raonontatokentíʼke; asèken ne Roiá꞉ner onhkwaNí꞉io roiatatokénti í꞉ken.

Proverbs 2:7

Ráonha thatká꞉waʼs kaiaʼtakehnháhtshera tánon enhshakonónhstate ne ronwarihwakweniénhstha tánon ne tiakorihwaié꞉ri.

Isaiah 65:24

Nohénton iahionkená꞉ton kwáh tekerihwasehrá꞉ko, tsi shé꞉kon nenhotithá꞉raʼke kwáh kí enwakathón꞉tene.

Lamentations 3:56

Tánon neh sakonhianiténten tsi tekasénthos, wesatʼthóntene.

Matthew 7:7

Seȣariȣanonton nok enhietsiion; Seȣesak nok enseȣatsenri; seȣannhontishon nok enhietsinnhotonkȣase.

Ne꞉ne Sák Rohiaton 5:13

Ónhka kén tsi nítsion ne thènen tesewanikónrahre? Tehiothonwentióʼon nahisewatherénʼnaien. Ónhka kén tsi nítsion nahisewatʼtsennonníhake? Tehiothonwentióʼon ne tahisewariwaʼkwánion.