Psalms 3:3 - Ohiatonhseratokénti

³ Ók ʼI꞉se, Saiá꞉ner, ne tehioniatasthá꞉kwa í꞉ken ne tewakénes, I꞉se nakerenhsharón꞉tshera í꞉ken tánon i꞉se takenikonranírats.

Psalms 3:3 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 40:13

nahsénhaton nenwenhniserá꞉teke ne Pharaoh enhshiahnhontón꞉ko, enhshiaʼnikóhnrhenʼse, tánon enhshiarihón꞉ten tsi nitisaioʼtenhseroʼtén꞉ne; entéhtshon ne Pharaoh ne raótshe teionthnekontáhkhwah, kwáh kiʼ tsi nihshiéhrhahkwe ne ní꞉se sihtshioʼtenhséhahkwe.

2 Kings 18:30

Tánon tó꞉sa tsi sewaríhon natsisewáreʼke ne Roiá꞉ner atsisewaterá꞉rahte. Tó꞉sa sewérek ne Roiá꞉ner entsisewanóns꞉thate onhtèken tánon ne tashakótaste nonkwentsiókwah ne Assyriaró꞉nons ronhterí꞉ios nahatiʼiéna ne sewanatowánen.

2 Kings 18:32

né꞉ne tsi nióre ne rakó꞉ra ákte nón꞉we ientsetsisewénhteron né kwáh ne sá꞉ka ne sewanakerásera, thóh nón꞉we nihiotenenharáres nakanekonhniaton notsítsas ó꞉ni nonátsias nakanatarónhnike; né iohontsionhniáton ne iakeniewátha kénʼie ó꞉ni ne ohtsinakonthakwáhne otsikhéta. Tó꞉ka thóh nenhsewáiere tsi niharihwanónhtons, iáh kíʼ taʼisewénheie, ók entiónhnheke. Tó꞉sa tsi sewaríhon ne Hezekiah natsisewatenonwarorithónhniaʼte né naisewanonhthonhniónheʼke nètho Roiá꞉ner tsi kwáh entsisewaniákenhte.

2 Kings 25:27

Né꞉ne siʼioseráteʼkwe nètho Evilmerodach rahón꞉a sahatenontí꞉ioste ne Babyloniaró꞉nonke, tahaterihwaiéritste tsi nòkwah ne Ronnontí꞉io Jehoiachin ne Judahró꞉non né tsi sahonontónhko tsi ranó꞉tonhkwe. Né kí꞉ken ne tewásen-tsáta siʼwenhniserátekwe né tekeniʼiawénre siʼwenhnítarakwe né áhsen-niwásen tsáta siʼioserakéhaton siʼtsotohétston siʼhonwanó꞉ton ne Jehoiachin.

Psalms 110:7

Kwáh thóh nón꞉we nenhanekíra ne tsi kahionhatátse nowaʼhák꞉tha; né káti enkarihónhni kwáh ensatharakétsko.

Psalms 119:114

Í꞉seke nónh꞉we nikatasehtákwah tánon í꞉se nakáwenk tehioniatastákwah í꞉ken; né꞉ne sahwénhnake nónhwe nitewahketákwen.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 27:6

Nón꞉wa ne kenontsíne kakétskwe éhʼneken í꞉ken tsi rón꞉nes né iónkswenhs kwáh tehionkatiathataséhton, tánon né iéntʼtate ne raothosehrákon enkatienkwahrón꞉niate tsi natenhwakkhénrehte nattienhnonhniátsera; Kwáh tenhkerihwakwáhnion tánon enkaterenhnotónhnion rahohénton ne Roiá꞉ner.

Psalms 28:7

Né Roiá꞉ner rahónha nakeshaststénhsera í꞉ken tánon rahónha rakatrenhóstha; kwáh akerhiasakwékon tsi thiʼiethákwen; ká꞉ti raʼtiataké꞉nas, tánon tiatakwékon waʼtiatánaʼne natsenhnonniátsera, tánon né nakerénhnake tsi waʼthinonweráton.

Psalms 4:3

Ók sewateriénhtarak nètho Roiá꞉ner tsi tesakokkháshions ne iakorihwatóken tánon sakorihwáhwase; tánon ne Roiá꞉ner teharihwaserákwas nó꞉nen ienhináton.

Psalms 62:7

Rahonháke nón꞉we nikáien nakathatewenhniʼiótshera tánon nakatkweniensthátshera; né꞉ne rashaststekówa ne tákenes, rahonháke nón꞉we nikatasehthákwa.

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Isaiah 45:25

Rahonhàke né Roiá꞉ner nón꞉we ratiʼkwé꞉kon ne sakoiohokónhas ne Jacob kwáh kí enhontkwéni tánon enhontonnháren.

Isaiah 60:19

Né kará꞉kwah iáh shé꞉kon né thaʼtaonsesahswátheʼte né tsi niwenhníseres, iáh ó꞉ni tsi nateioswát꞉the nashonthenhnékha kará꞉kwah iáh né thatahonsesahswatʼthéten ne tsi niwashóntes ók né꞉ne Roiá꞉ner kwáh tsi nénhwe enkénhake tsi theniaswatʼthéten, tánon ne Saní꞉io kwáh né sahiaʼtanerakwáhtshera enkénhake.

Luke 2:32

Ne taiakosȣathetakȣe nonkȣeokon, nok Akonentonsera akenhake ne sentiokȣa Israerronon.

Deuteronomy 33:29

Israel, tsi nisaʼtsenhnón꞉ni! Iáh nó꞉ia teká꞉ien nahonsaieshaiérenhke, ne nonhkweshón꞉as ne Roiá꞉ner shakoniakénthon. Rahonhatsí꞉wa ne Roiá꞉ner ne satrenhosthákwa ó꞉ni ne shasarekó꞉wa, ne nahonthaniáhne ó꞉ni nahontháhion natesenhniéntshera. Ne tesewatà꞉tsons kwáh enʼthónhne naieshanéken nataniténron, tánon kwáh tensenenstsiáke.

Revelation 21:11

Ne ió꞉ien ne raoiatanerakwáhtshera ne Ní꞉io tánon teioswát꞉te kwáh né꞉ne waʼkenre owistanoronsónhas, tsi ní꞉iot ne washokwí꞉io ohón꞉te, tsi ní꞉iot ne natʼthésa nikanenhióten, ió꞉kenk tsi ní꞉iot notsishé꞉ra.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.