Psalms 29:3 - Ohiatonhseratokénti

³ Né Roiá꞉ner raowénhna thóh í꞉wes éhʼneken ne kaniatarakekó꞉wane; ne rohiatanerákwat Rawenni꞉io roweráston, tánon ne raowénhna iatekawenhnaníharas éhʼneken ne kaniatarakhekówahne.

Psalms 29:3 ပူးပေါင်းရင်းမြစ်များ

Job Tánon ne Raoronhiakensera 36:33

Tsi nihiowé꞉ren neh enhorihowanáthen; iekaní꞉hare ne kontiʼtshé꞉nens tsi ionateréntare tsi nontahawenonhátie.

Job Tánon ne Raoronhiakensera 40:9

Thó꞉ken nisenentsó꞉ten tsi ní꞉ioht ne Rawenni꞉io, tánon enskwé꞉ni ken asewé꞉raste ne sawénhna tsi ne ní꞉ioht ne raowén꞉na?

Psalms 104:3

waʼtesehrontawenhrahnion ne tsi sanón꞉shote tsi nón꞉we nihiokenhnó꞉res ne tsi iotsikeraʼrónhnions, ne tsi iotsatarónh꞉nions otsiónkwah waʼsatesehretónhniaʼte, ne tsi iahóte né wesahiathénhaʼwe,

Exodus 19:16

Noʼronhkené꞉ha ne asenháton niwenhniserakéhaton iowéren ó꞉ni tewanineʼkarahwánions, katsiʼkeráhtens wahoʼkètoʼthe ne tsi iononhtáhere, tánon kwáh íken tsi iorahkaréni ne iehonrawátstha onhteʼwenhnóten. Kanenhrakwékon ne ronahthatoʼsehrótons wahoʼtihiatísonhʼkwe tsi nahonateronhiénten.

Exodus 9:28

Iasaterénhnaien rahonhàke ne Roiá꞉ner! Kwáh iationkwaiérise kí꞉ken iowè꞉ren ó꞉ni tsi iowisónhtion! Wakaráhratsthe nahonsakonhiátʼkaʼwe; iáh thaʼtehioʼtonhontsóhon ne kénʼen ahonsahshitherónhthake.”

Exodus 9:33

Ne Mahís thonsahiaʼtetkhási ne ronhnonhtí꞉io, iathanatót꞉kaʼwe, tánon wahaʼnentʼtsiakétsko niahaterénhʼna꞉ien rahonhàke ne Roiá꞉ner. Ne tsi iòweren ó꞉ni tsi ionenhóntson ó꞉ni tsi iokenhnóron kwáh iahontká꞉wahte.

John 12:29

Nok tsiniiakon netho iienskȣe, oni ne ȣaonronkanion neh nikaȣennoten, iontonhakȣe ȣakaȣere onte ȣahi; nok notiake iontonhakȣe neneh: Raronhiakeronon ȣahi ȣatnitharen.

Acts 7:2

Stephen watariwaseráko, “Tawatatékens ó꞉ni kaníseras, takwatahónsatat! Nohénton ne tsi tewasotkén꞉en NʼAbraham ne Haran nónwe iatahonsahaná꞉taʼkwe, ne Rawenni꞉io Rahohiatanerakwátsera wahothotáshase neh nónwe Mesopotamia

Revelation 11:19

Ethò꞉ne ne Ní꞉io raononsatokentikó꞉wa ne karonhiá꞉ke ontehnhotónhko, tánon ne raoneró꞉kwa nateriwaseronhniá꞉tshera wahontkáto thóh káien kanónskon nononsatokentikó꞉wane; tánon tsi natewaninekarakwáhnion, iowé꞉ren, tentsawénhstsi enkawé꞉re, teniahontsí꞉sonkwe, tánon wé꞉so tsi enhiowisónti.

Revelation 16:18

Tánon thóh ón꞉we tewaninekarawánions, ioritstáre, iorakaré꞉ni tsi niiowé꞉ren, tánon teiotenonhianì꞉ton tsi watsahontsishónkwe, thóh niió꞉re tsi nateiotenonhianì꞉ton tsi watsahontsí꞉shonkwe.

Revelation 19:6

Eʼthò꞉ne tsi nonkathón꞉teʼne kwáh né꞉ne iakotsarokwá꞉ton iakotiohkowá꞉nen, kwáh thóh niiót tsi iorá꞉kare kwáh né꞉ne wé꞉so tewasénhtha tánon tsi niiorahkaré꞉ni tsi nateʼiotenonhianíhton iowerenhá꞉ties, tsiateotihenrétha, “Teonwanonwerá꞉ton Ní꞉io! Asè꞉ken ne Roiá꞉ner onkwáh Ní꞉io í꞉ken ne Roshatstenhserohwanenhkó꞉wa ronhnontí꞉io.

Revelation 4:5

Thóh nontaiawenonhátie tsi wanitskwahratsérote tewaktsiraríhkons tewaninekarawánions, tánon iowerenhá꞉ties tánon iorakaré꞉ni tsi iowéren, tánon thóh ohén꞉ton tsi wanitskwaratseró꞉te iotékha tsá꞉ta ní꞉kons ne iotón꞉kote wathaserothákwas, né꞉tho né꞉ne tsá꞉ta niwatonhnhatserá꞉ke ronwaiò꞉tenhse ne Ní꞉io;

Revelation 8:5

Ethò꞉ne ne raronhiakeró꞉non wátrakwe ne iontsienkwaronhiatáhkwa kát꞉tse tánon thonthahatsirá꞉rate tsi nathatsí꞉rakwe ne ietsienharáhkwake tánon ohontsá꞉ke iahó꞉ti; tánon tsi niiorakaré꞉ni wakawé꞉re, iowerenháties, tewaninekarawá꞉nions, tánon teiahontsisónkwa.

1 Samuel 7:10

Ne Samuel tsi nioteriwaʼthentiáton tsi rotenaskwaʼtsahʼáhton ne thoiéston, ne Philistines ákta waʼhón꞉nete niaʼsakonatsatónhti NʼIsraerʼró꞉nons; nok ne Roiá꞉ner wathohénrehte karonhiáke nontáwe kwáh ne ne waʼká꞉wereh nètho shiʼwenhniseráteʼkwe tsi iashakotiatónhti ne Philistines tánon neh watonnahniʼtonhniáten; tánon sahontèko raotiʼhén꞉ton NʼIsraerʼró꞉nons.