Psalms 28:9 - Ohiatonhseratokénti

⁹ Ó sehnónstat né shonkwetaʼshónha Saiá꞉ner; tánon sehiathatérist né í꞉se sonhkwetaʼshón꞉has; ʼi꞉se sehiathenhnikonhráhren, tánon sehnikonhraratiések.

Psalms 28:9 ပူးပေါင်းရင်းမြစ်များ

2 Samuel 21:3

Ne Táwit wasakawénhase ne Gibeonró꞉nons, “Ónhnakwatiérase ní꞉se? Onhní꞉iot tsi kwáh ahonsakeriwakwatá꞉ko, nètho ní꞉se tsi ashiatatériste tsi nihówenk ne Roiá꞉ner?”

2 Samuel 7:7

Tsi nonwéʼsons nahtewakatahwénhrie tsi ratiterón꞉tons ratikwé꞉kon nonkweʼó꞉kons NʼIsreronónke, nonwénhton kén nahonkewenhninekénʼen raotihén꞉ton ne sakotihenténhses ne ón꞉kak tsi nihotitsiókwas ne Israerʼronónke, tsi ronónha khená꞉on ne nasakonahtenhnikonrá꞉ren nakonkweʼtashón꞉ahs NÍsraerʼronónke, nahón꞉ken, “Ónh nontiéren tsi iáh ní꞉se teskwanonshonniénhni ne onenhthaʼkwenhtétshera nahó꞉ten akénhake?”

1 Kings 8:51

Í꞉se shonkwetaʼshónhas, ronónha ne thetesheʼhiatinekénʼen ne Egypt nón꞉we, ethohʼnónhwe ne tehiotienhanón꞉hiani karístatsi íken.

1 Kings 8:53

Ró꞉nonha khók washathonhkwetaráko iáh nènhne ne ronátsakes nonhkweshónhas né tsi nihiohóntsa né ní꞉se sonhkwetashón꞉as ahónton, tsi kíʼ niʼsehró꞉ri rahonháke ne Mahís nó꞉nen sathontasehiatínekenhwe ne Egypt nónhwe.”

Ezra 1:4

Tó꞉ka nónhka ne rahonkweʼtashón꞉as ne iakonakérakwen tehiakotonhontsó꞉ni nahionhthatié꞉nawaʼse ne tahontháien, ne ki ne tehonhnonhsanéken enshakotisnié꞉non. Ne enthonwénhnon ne kawistará꞉kens tánon nowistanó꞉rons, tsi natehonatonhontsó꞉ni tsi tenhonthahákwe tánon ne konhtitsénhnens ahontreniakéthate, tánon ki ó꞉ni nahonthahatí꞉iesthe ne Rahononhsatokenhtikó꞉wane ne Rawenni꞉io ne Jerusalem.”

Psalms 14:7

Ó nètho nahotesenhniétsera ne Israel Zion nón꞉we nénhtewe! Nó꞉nen ne Roiá꞉ner ensehsakorihwakwahthákwaʼse tsi nihononnhétie ne rahonkwetashón꞉ha, aiáwens Jacob kwáh kíʼ enhatonhnháren; aiáwens ne Israel kwáh enwatsenhnón꞉ni.

Psalms 25:22

Sasehniákent ne Israel, O Ní꞉io, tiákenf akwé꞉kon nahonikonhratsénhtsera.

Psalms 78:71

tsi nón꞉we nisakonikonhrá꞉rakwe ne ionatewíraien teiotinakaronhtónhas iahó꞉nonhke né nasakonikonhraratiésehkes ne rahonkwetaʼshón꞉a Jacob, né Israerʼró꞉nons asakonikonhraratiésehke.

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Isaiah 46:3

Takatahónsatat, Ó tsi niʼtisewatwatsiríhnon ne Jacob, ratiʼkwékon ne iaʼteonataténron nonkweshónhas ne Israerʼronónke, I꞉i konhiatíson né꞉ne kwáh sontasatón꞉ni, takonhiaténhawe ne tsi watewiraráhkwah nón꞉we;

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Jeremiah 10:16

Ne Jacob Raoní꞉io kwáh iáh thènen thateskahieróntare; rahónha séh norihwaʼkwékon rohshahánion, tánon Israel washaʼkohiataráko ne kwáh rahónha rahonkwetaʼshón꞉a ahónton. Né ne Roiá꞉ner Roshastsʼtenserowánen ne raosénna.

Jeremiah 31:7

Ne Roiá꞉ner ráton, “Tesehwahriwákʼkwas natonnahráhtshera ne Israel, ne ahonháʼa tkasennowáhnenh akahonhà꞉ke nonkweshónha. Tesehwahríhwak ne sehwahrénnas ne kanonhwerahtóntshera, ‘Ne Roiá꞉ner wahshakonónhsthaʼte ne rahonkwetahshón꞉a; wahshaʼkoniákenʼthe tsi nihiákonh ne iaʼtehiakothaténron.’

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Micah 5:4

Tánon kwáh thóh tenhá꞉tane ensakonón꞉te thóh raoshatstenhserá꞉kon ne Roiá꞉ner, ó꞉ni rasoiatanerakwahtserá꞉kon ne Roiá꞉ner Raoní꞉io. Tánon enhiorihwí꞉ioke tsi enhonhnón꞉nheke, asè꞉ken nón꞉wa kwáh í꞉ken tsi enhasennowá꞉nenke né꞉ne kwáh tsi iehiotonhontioʼtaní꞉hon nió꞉re ienkanihá꞉rane;

Micah 7:14

Sehiathenhnikónhraren ne shonkweʼtashón꞉as né꞉ne sathénhnits í꞉satst, ne teiotinakarontón꞉a í꞉se shatsenenhó꞉kons í꞉ken, tsi ohnonhatsí꞉wak khók kontinákere ne kará꞉kons thóh sahtekahentí꞉hen tsi ionwenhtsá꞉ien; Sehrí꞉hon thóh iateiontská꞉hon ne Bashan tánon ne Gilead, ne tsi nihiotón꞉ne ne wahón꞉nise tkénhne.

Matthew 2:6

Iah teionatakenrat ne Bethlehem Konȣanntonkȣa Sitaeronon rahonatenata, enhiakotoheststen ne kanatoȣanens, aseken enthaiakenne ne Raȣenniio enhonȣennakeraton rahotiokȣa Israerronon.

Ephesians 1:18

Kwahnekènʼnis sewanonthonkwenháton ne sewanikonrakésons nahisewatkátho ne rahoswatʼthétsera, nahisewateriéntaraʼne nahóten nen꞉ne neh tewetákwen tsi ietsisewanáton, thóh nihiókwas ne kahiatanerakwátsera kahiataterítseras sakorahrasténʼnis ne rahonkwetaʼsónha,

Deuteronomy 1:31

tánon ne iahonwentsathèn꞉ken nónhwe. Waʼtsisewá꞉ken tsi ní꞉ioht tsi skén꞉nonk watsisewaiaʼtí꞉we ne kénh nónhwe, kwáh ki tsi ní꞉ioht ne kanísera tsi enhoiaʼténhawe ne roiénha.’

Deuteronomy 32:9

ók ki ne Jacob tsi nitotwatsirí꞉non raónha nénhne wahathonkweʼtará꞉ko.

Deuteronomy 9:26

Tánon ki rahonhà꞉ke ne Roiá꞉ner iakaterénhnaien, ‘O Saiá꞉ner Ní꞉io, tó꞉sa sehiá꞉tont ne kwáh í꞉se shonkweʼtashón꞉a, tsi ronónha sheseniakénhton thóh sashatstenʼserá꞉kon, ronónha tethesehiaʼtinekénhen ne Egypt ne wáshatste ne kaʼshatsténhsera ó꞉ni ne sashatstenhserowaná꞉tshera.

Deuteronomy 9:29

Asè꞉ken ronónha ne kwáh í꞉se shonkweʼtashón꞉as, ronónha ne teteseiaʼtinekénhen ne shátston ne kaʼshatstenhserowá꞉nen ó꞉ni ne sashatstenhserowaná꞉tshera tánon tsi nateshatewehiakaráhwen.’