Psalms 28:1 - Ohiatonhseratokénti

¹ Í꞉se O Saiá꞉ner, iakonhnáton; í꞉se ne téskenes tsi nòkwah ne hiónkswenhs, asèken tó꞉ka sakʼthisahthatónhni nakonháke, kwáh kíʼ enkíheʼie.

Psalms 28:1 ပူးပေါင်းရင်းမြစ်များ

Job Tánon ne Raoronhiakensera 33:28

Raónha sahaniá꞉kente ne tsi kónhne niahiosénhen notsatónhkwakon, tánon ne tsi kónhne enwatkátho kaswatétshera.’

Psalms 142:1

Né nakewénhna tsi iatkahséntʼtho rahonháke ne Roiá꞉ner; né nakewénna tsi iakahterénhnaien rahonháke ne Roiá꞉ner.

Psalms 142:2

Iakáhweron nakerihwakathénhtshera ne rahohénton; rahohénton tsi wahiró꞉ri tsi naʼtewakahnikónhrahre.

Psalms 143:7

Teskerihwaserákwas iostóre, Ó Saiá꞉ner; katesasthenserót꞉tha. Tó꞉sa takatʼkonshaséhthen, nontsérek thóh nenhwatsátawen tsi ní꞉ioht ne osónhwakon iehatihiáthens.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 22:2

Ó akeNí꞉io, Tekahsénthos tsi niwenníseres, ók iáh thateskerihwaserakwénhnis; Tánon tsi ienhiokárahwe, iáh tewakorisénhtas.

Psalms 3:4

Rahonháke ne Roiá꞉ner iatkaséntho, tánon waʼthakeriwasehrákwahse tsi nontáwe ne raʼonontatokentíke. Selah

Psalms 30:4

Tetsisewarihwá꞉kwas natonhnaráhtshera ne Roiá꞉ner, Ó í꞉se ne sewahrihwatóken rahonkwetashón꞉ha, Sewehiárak tsi Rohiatatokénti, tánon tetsisewanonweráton!

Psalms 30:9

“Nahó꞉ten tashathéntsa tó꞉ka akíheie? Nahó꞉ten kástha aónton notsiatonhkwáhkon niáke? Né iakawehé꞉ion iekwénies kén ne taiesanonwétaton? Aiekwéni kén nahiontró꞉ri ne iáh tehiorihwanó꞉rons sarihwahkwarishión꞉tshera?

Psalms 35:22

Í꞉se satkáton, Ó Saiá꞉ner, tó꞉sa sakʼthasathatónhni! Ó Saiá꞉ner, tó꞉sa ahí꞉non nió꞉re taséhsek tsi nón꞉we níkes!

Psalms 39:12

“Satthóntek nakwahterénhnaient, Ó Saiá꞉ner, tánon satahón꞉satat tsi natekaséntʼthos; tó꞉sa ne iáh othènon karíhwa thashónhniane natkashíʼri Asèken kwáh nék khók tsi waʼkatohestonhátsie tsi waʼkenataré꞉nen, thiwaʼkonhontsiáte, tsi ní꞉ioht ne khesotʼthonkonhkénʼen.

Psalms 42:9

Rahonháke ne Rawenni꞉io, né tkákenes, enkí꞉ron, “Onhnontiéren tsi tatiatanikonhrénhʼen? Nonhtiéren tsi tiókonhte ahonkeronhiákenʼke né tsi nihionkateniakatsthénhni ne iónkswens?”

Psalms 5:2

Saʼtenhnikonhráren tsi ní꞉ioht tsi tekaséntʼthos ne nastsié꞉nawase, nakenontí꞉io tánon akeNí꞉io, asèken shonháke nón꞉we niwakaterénhnaien.

Psalms 69:15

Tó꞉sa seríhon ne tsi ionontakwahronhtónhtses nahontonhkeróhroʼke, khés tsi nihionó꞉tes nahonkeskó꞉te, khés ne tsi iotʼtsiónwaien ne kenhé꞉ion nón꞉we iatsiátenhne.

Psalms 77:1

Waʼtewatkénhrete tsi watkaséntʼto rahonháke ne Rawenni꞉io, waʼtewatkénhrete rahonháke ne Rawenni꞉io, né nahónton nahakatʼthónhtene.

Psalms 83:1

Ó Sewenní꞉io, tó꞉sa sák tasatatónhni; tó꞉sa tatesató꞉tat, tó꞉sa sák tasatatónhni, Ó Sewenní꞉io!

Proverbs 1:12

Tókaʼ ronnónhnhe tánon ronataʼkarí꞉te nó꞉nen eniethiiaʼtatshén꞉ri, akwé꞉kon enhonenhé꞉ion nó꞉nen eniethiiatstáhsi!

Isaiah 26:4

Tatsisewetakwénhak ne Roiá꞉ner né꞉ne tsi nénhwe akénhake, asèken rahonháke ne Roiá꞉ner Ní꞉io sáien ne tsi nénhwe ostʼténra í꞉ken.

Isaiah 38:18

Asèken ne kenhéion (Sheol) iáh takakwéni ne tahisanonweráton, ne kenhéion iáh takakwéni ne ahishasénhnaien; tsi nihiá꞉kon nosónhwakon nieʼiakawénon iáh tahónton ne thènen ahonsaotiráreʼke né꞉ne sarihwatokentí꞉tshera.

Revelation 20:3

tánon thóh iahohiatónhti tsi iosonwaká꞉ronhte, tánon wahasonwanhó꞉ton tánon kwáh í꞉ken tsi wahariwanirá꞉te tsi nahonhoton, ne káti ne tó꞉sa shé꞉kon ahonshasakonikonráten ne ronnonhontsakeró꞉nons, tsi nió꞉re ienwatokʼten ne enkáka tewenhniawehetseráhsen niioserá꞉ke. Eʼthó꞉ne ón꞉nen enshonwakʼkawe kenh nikariwésa.