Psalms 27:4 - Ohiatonhseratokénti

⁴ Tioríhwa riʼrihwanonhtónhni ne Roiá꞉ner, nètho kwáh enkésahke: né꞉ne raonónskon ne Roiá꞉nerakiterón꞉take kwáh tsi niaʼtewenhniseráke tsi nikónnhes, né nakatkátho ne é ne Roiá꞉ner, ne nahirihwaʼnón꞉tonhse ne Rawenni꞉io nahakerihwakwahríshiaʼse akwé꞉kon tsi nihiotónhase.

Psalms 27:4 ပူးပေါင်းရင်းမြစ်များ

2 Samuel 21:1

Nón꞉wa neh nón꞉we wahontonhkárhiake tsi nihotenhniseraténionkwe ne Táwit ne náhsen niʼioseráke nikarí꞉weskwe, kwáh iateioseráke; ó꞉ni ne Táwit tsi enhoriwanónhtonhse ne Roiá꞉ner. Ne Roiá꞉ner enhénron, “Kwáh ronekwensarónhnion ne Saul tsi nihoníkon ó꞉ni ne raowátsire, tsioríwa tsi sakononwarhiakhónhnion ne Gibeonró꞉nons.”

Psalms 23:6

Orihwiʼiohónwe ó꞉ni ne ioianerehónwe ó꞉ni ne kénteron kwáh ne enwaknonterátie enhniserakwékons ne tsi nikonnhétie, tánon kwáh thóh enkí꞉teronhtake raononskon ne Roiá꞉ner né꞉ne tsi nénhwe enkénhake tsi enkónnheke.

Psalms 26:6

Saiá꞉ner sakatsióhare né nakéneste tsi iáh tewaʼkeníkon, tánon watkhakwahtaséhnion ne tsi kanióte ne sáwenk ietienhará꞉kwah, O Saiá꞉ner,

Psalms 26:8

Ó Saiá꞉ner, tsi nikenorónhkwa nètho Ononsatokentiʼkówa tsi nón꞉we nisí꞉teron, tánon tsi nón꞉we ne saiatanerakwáhtshera nikáien.

Psalms 27:8

“Káts,” wáʼton nakwé꞉ri, “séhsak ne tsi rakonsón꞉te.” Tsis konhsón꞉te, O Saiá꞉ner, né késaks.

Psalms 50:2

Zion nón꞉we nitewétha, né꞉ne iekaiataiéri ioràse, Né Rawenni꞉io thóh natehoswát꞉te tsi ní꞉ioht ne karákwah.

Psalms 65:4

Iakotáskats tsi nihiákon ne sehiatará꞉kwen tánon tesehiaténha ákta né niahontáwehiaʼte ne sanonsatokentiʼkówaʼne ne taiesanonweráton tánon naiesahsénhnaien, ne kahiathateríhtseras nonkweshón꞉ha iehiénas ne sanonsatokentiʼkówaʼne nónwe nitewètha, né꞉ne kaiatateríhtseras teskwáwis thóh kanónskon ne Sanonsatokentiʼkówaʼne.

Psalms 84:10

Asèken sewenní꞉sera sanonsatokentiʼkówaʼne iakerihórhiaʼte sénha ne tsioiánere tsi ní꞉ioht ne énska niwenhnawehetserásen niwenhniseráke nakteʼnónhwe iakerihórhiaʼte. Sénha ne tkerákwas thóh aktáke tsi iehiontawehiatákwah ne raononsatokentikówaʼne nakeNí꞉io tsi ní꞉ioht thóh akiterónh꞉take tsi rotinón꞉shote ne ionhkwetahét꞉kens.

Psalms 84:4

Iakotaskáts tsi nihiákon ne iohriwaʼtóken sanonsatokentiʼkówaʼne nón꞉we niʼionhterénhnaiens, tsi naʼteiakorihwákwen ne sanonweratón꞉tsera. Selah

Psalms 90:17

Saiá꞉ner, í꞉se ne Sewenní꞉io í꞉ken í꞉se kwahsénhnaiens, tasarihwaʼiérik nontionháke, né shónhniat tsi nitsionkwaʼnikonhrásahaton takawisátsteke.

Jeremiah 29:13

Enskwahiathishá꞉ke, tánon enskwahiatatʼtsénri tioríhwah tsi sehwahrhiashaʼkwékon thisehwethákwen tsi thakwahiatíshaks.

Daniel 9:3

Onkentóntiehte, ká꞉iare waʼkatsheronniáʼton, tánon ne waʼkenhrontákwen wahkatathakenráh꞉ko. Tánon iaʼtewakonniá꞉ton wakaterénnaien riianitenhtá꞉se ne Roiá꞉ner Rawenni꞉io.

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

Matthew 6:33

Neh tanon taseȣatierent seȣesak ne Niio rahonakerasera, nok ne kenh iohaȣiton aksekon nehne ok tentkonne.

Luke 10:42

Tsioriȣat ok sane ne kariȣakȣeniio: Onȣari iotaterakȣenni ne ioiataterit, nese ȣaonni iahki taonsakonȣakkȣa.

Luke 13:24

Tontahenron: seȣaskennha ne tsinonkati nikannhohaha aheseȣataȣeiatakȣe, aseken kȣarori, kentiokoȣanen enhionteniente nʼiaiontaȣeiate nok iah taiekȣeni.

Luke 18:1

Sekon, are oia tonsasakoriȣakentonkȣen, ȣasakonatonnihtakȣe tsi teiotonȣentsiohon ne tiotkon aiakoterennaientake, tosa taieȣishenheie;

Luke 2:37

Onen neh nahoten satekon niioserasen nok kaieri tsinahe siiotereons; Ononsatokentike titkanakerekȣe, aȣentakon aterennaientatserakon oni tsi rosennaiens ne Niio.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Philippians 3:13

Tewatenrohsónhas, Iáh ehthotèiot tsi tekhatʼtókas ne ónenk tahonkathéntsion. Nók wakenikónrens neh tiotohesthánion, ó꞉ni tewakniotátie ne nahóten nohénton ièken.

1 Timothy 5:5

Neh ioteréʼons nahónhak khók íken, iáh ónhka tehióʼien nakonwaterihwatsʼterísthaʼse, Rawenniʼióke nónwe nakáien nahorahrátʼtsera ó꞉ni tiókonthe ioterénnaien tsi nihʼwahsontathénions tsi niwenniserésons ronekénnis ne rahoienawahsétsera.

Hebrews 11:6

Kwáh iáh ónhka taiekwéni nahontahonwahnikonrahiérithe ne Rawenni꞉io tokà꞉iah tekáien ne tewetákwenh, asèken ónhka Rawenní꞉ioʼke nienhén꞉ien ónenk tsi enhiakoiéntake ne tewehtákwenh ne Rawenni꞉io tsi rónnhe ó꞉ni teshakorihwahserahkwénhnis nónka ronhiaiathí꞉shaks.

1 Samuel 1:11

Nakaónha kén ní꞉iot tsi wahonráhratsʼte: “Ó Sheiá꞉ner ne ronterí꞉ios ratironhiakerónons, tó꞉ka ní꞉se kwáh asheiatkátho tsi niʼiakonhnátsen ne sanhá꞉tshera, tánon aonshaskeiá꞉rahne, tánon tó꞉sa sheʼiatanikónren ne sanhá꞉tshera, ók enteshé꞉ion ne sanhá꞉tshera roskerakéte owirá꞉a, eʼthóhʼne kiʼ enhí꞉teron sahén꞉ton kwáh ne ne nazirite kwáh tsenshatonhnók꞉ten. Iáh thahanekiráke notsítsa khés niakononwahratóntha, eʼthóhʼne kwáh kíʼenthí꞉ion Roiá꞉ner kwáh tsi nikarí꞉wes enrón꞉nheke tánon iáh tsaʼkaiéna ne ionthatenonkarhiákstha ne ranontsíne.”

1 Samuel 22:10

ne Ahimelech wahoriwanóntonhse ne Roiá꞉ner ne Táwit raorihwáke, wahokwáhnonte, tánon tahá꞉wenh ne raosarekówah ne Goliath ne Philistiaró꞉non.”

1 Samuel 30:8

Ne Táwit wahorihwaʼnóntonhse ne Roiá꞉ner, “Kwáh kén akhésehre kí꞉ken ratinenhrakárias? Kwáh kén iakhenontérane tánon kwáh kén oriwihiohónwe tsi ahonsakheniá꞉kente.”