Psalms 26:4 - Ohiatonhseratokénti

⁴ Iáh skát꞉ne tehiakwáhtiens ne iáh othènen tehatiriwástha, iáh ó꞉ni tekaterosehrónhnis tsi nihiákon ne karihwaʼkwahrishióntshera ronatkhonwarorók꞉ton;

Psalms 26:4 ပူးပေါင်းရင်းမြစ်များ

Job Tánon ne Raoronhiakensera 31:5

“Tó꞉ka tsi natahonkatekhá꞉hakwen ne iáh othé꞉non thakarihwástake, khéhs ne kasí꞉take watiosterí꞉hen nakaʼnikón꞉rate;

Psalms 1:1

Iakotáskat tsi nihiákon iáh né tehiésehre tsi nishakonatenikonráhwis ne ronhnonkwetahétkens, khés né꞉ne ahiontʼthaítha né rotirihwáneren raonaháha, khés ó꞉ni nahonwanahtiatárahse tsi nihiákon ne kaierónhsera ronhiónhnis ne Rawenni꞉io.

Psalms 101:4

Ne iáh tehioterhiasatʼkwéniens aí꞉non entkénhake nakonháke; iáh tatewaʼkatonhontsóni nakerihwaʼientéraʼne ne karihwaʼhetkénhsera.

Psalms 119:115

Éhʼren í꞉sewek ne tiatátʼta í꞉se ne sewarihwanerahákskon tiónkwe, kwáh ne enkatewénhnarakwe ne rahotsiawenhráhtsera nakení꞉io.

Psalms 119:63

Í꞉i ne iakwaténhros rahtikwékon ne iesahiótenhse, ó꞉ni rahtikwékon ne iesahwenhnaráhkwah.

Proverbs 12:11

Raiénthohs ne rotsteʼniá꞉ron wé꞉so kiʼ enhoién꞉take nahò꞉ten à꞉rake nok ne tehotenonhwarorí꞉tonte ratenhniserakaiónhstha iáh oʼthé꞉nen tekariʼwáhsta tsi nihatiéhrha.

Proverbs 13:20

Skátne sewé꞉shek ne ronttókha í꞉se ó꞉ni ensattókhaʼne. Tókaʼ enhsatenroʼserón꞉ni ne iáh tehonteʼnikonhrattókha eniesakarón꞉ni.

Proverbs 9:6

É꞉ren sewatatiaʼtenhá꞉wit tsi nón꞉we nihón꞉neʼs ne iáh tehonttókha tánon entsónhnheke. Né꞉ʼe sewáhsehr ne karihonnienníhtshera.”

Jeremiah 15:17

Iáh tewahkatiesáhthon ne tsi nikawistáheks nakóren ahiakwakwekhonhatiésehke, ahionkwahieshón꞉hake tánon ahionkwatenikonhróh꞉rike. Tsi wakatewénhnarahkwe tsi niskhenáhon akonhatsíwak tsi wahkatahtíteron tánon wahkatenahkwawenhráhti.

1 Corinthians 15:33

Tóhsa iesanonwahrohritónni. “Ne wahterohserákʼsen iontaʼtetkenténni ne tiakoriwahiéri.”

2 Corinthians 6:17

Roiá꞉ner ó꞉ni rá꞉ton: “Ietshiiátkawh tánon é꞉ren í꞉sewet, tóhsa ken niasewá꞉ier ne nahò꞉ten iáh teiotkwéniens. Thó꞉ne enskwaié꞉na,