Psalms 25:6 - Ohiatonhseratokénti

⁶ Sehiárak tsi nisatanithénhron, Ó Saiá꞉ner, tánon tsi niorihwató꞉ken ne sanoronkwáhtsera, né tsi nisehnéston ne waʼhón꞉nihse thènnen.

Psalms 25:6 ပူးပေါင်းရင်းမြစ်များ

Genesis 24:27

tánon wahén꞉ron, “Tehonwanonhwerá꞉ton ne Roiá꞉ner, ne Raoní꞉io ne riioʼténhse Abraham, tsi iáh tehorihwanorón꞉on tsi rotienawáhston ne iorihwató꞉ken kanoronhkwáhtshera ó꞉ni tsi nihorihwató꞉ken tsi nonkwá ne riioʼténhse. Ók tsi nonkwá ní꞉i, ne Roiá꞉ner kwáh wahakhén꞉teʼse tsi nieiawé꞉non ne tsi thotinónhsote ne riioʼténhse raohwá꞉tsire.”

Genesis 32:9

Eʼthó꞉ne ne Jacob wahaterén꞉naien, “O Tshewenni꞉io ne rakeʼníha Abraham tánon Tshewenní꞉io ne rakeʼníha Isaac, O Saiá꞉ner í꞉se takhró꞉ri, ‘Tho nón꞉we niaonsá꞉ke tsi nón꞉we tewakenakerahserá꞉ien tánon tsi tekwatsí꞉raien, tánon kwáh ioiánere tsi nenkoniatié꞉raʼse.’

2 Chronicles 6:42

Saiá꞉ner Ní꞉io, tó꞉sa tskénron ne ronnontí꞉io ne tiataráhkwen. Seiárak tsi nitienorónhkwahkwe ne sanhátshera Táwit.”

Nehemiah 13:22

Eʼthò꞉ne wakheién꞉hase ne Levites né꞉tho tehiotonhontsó꞉hon nahonsahontsatóhare tánon thetón꞉ne nahontenhnikónraren tsi iotenhenrakáronhtes ne nahonhniseratokéntiste ne Sabbath wenhniserá꞉te. Kwáh ó꞉ni sehiá꞉rak, á꞉ke Ní꞉io, tánon sanitenratskónhak ne tioianénhaf ne iawetowá꞉nen sanoronkwáhtsheras.

Nehemiah 9:19

Ók shé꞉kon kíʼ, thóh tsi nihiawetowá꞉nen ne sanitenhrátshera, ní꞉se iáh tesheiatewenhtéton thóh tsi iahonwenhtsathénhake. Ne iotsikeró꞉te iáh kíʼtehiakotsiatontakwén꞉ni ne tsi niwenhní꞉seres, ne nahiakohenténhse tsi niahonenonhátie. Iáh ó꞉ni ne iotsiró꞉te ne tsi niwashón꞉tes ne tahiakoswathè꞉ten ne tsi iohá꞉te tsi nón꞉we ahó꞉wenk niahón꞉ne.

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 103:4

Rahónha sahtiatákwas ne kenheiátʼne, rahónha rakanonhwaʼró꞉roks ne kanoronkwáhtshera ó꞉ni natanithénron,

Psalms 106:1

Tehonwaʼnonweráton ne Roiá꞉ner! Ó tetsisewaʼnonwerá꞉ton ne Roiá꞉ner, asèken ne tsi nithorihwaʼiéri; asèken ne iorihwaʼthó꞉ken raononronhkwáhtshera tsi nénhwe enkátake.

Psalms 106:45

Asèken rohnónha raotirihwá꞉ke tsi rehiá꞉re ne raoterihwaʼseronniátshera, tánon sahatatiéna ne tahioianénhaʼwe ne iawetatʼtsáni ne iorihwatóken raonoronkwáhtshera.

Psalms 107:1

Ó tetsisewaʼnonweráton ne Roiá꞉ner né tsi nithoriwaʼiéri; asèken né ioriwaʼtóken raonoronkwáhtshera tsi né nénhwe tsi thenkawisasteke.

Psalms 119:77

Seríhon ne sataniténrat nahontiató꞉rehne, né nahónton akónnheke asèken ne saianerénhsera ne wahkereniʼtiʼióstha.

Psalms 40:11

Tó꞉sa, Ó Saiá꞉ner, tashón꞉nek ne senhténhrat nakonhá꞉keʼ; ne iohrihwaʼtó꞉ken sanonronhkwáhtshera tánon ne sarihwatokentítshera tiotkonhónwe enwaʼtiatanonstsaʼtonhatiésehke.

Psalms 69:13

Ók né iatetsiáti, shonháke nón꞉we nikaterénhnaiens, Ó Saiá꞉ner. Né nó꞉nenh ienkáheʼwe, Ó Sewenní꞉io, né tsi nihiawetatʼtsáni ne iorihwató꞉ken sáwenk sanoronhkwáhtshera, teskerihwasehrákwas. Né꞉ne kenikwékon ne iorihwató꞉ken sahiatakenáhtsera

Psalms 69:16

Teskerihwaʼserákwas, Ó Saiá꞉ner, asèken ne sanoronhkwáhtshera ne iorihwaʼtóken tsi nihioiánere; ne tioianénhaf tsi niʼiawetowáʼnen ne senhténhrat, takwatkátho.

Psalms 98:3

Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Exodus 15:13

Sahriwaʼtóken tsi nisahrahrátʼston, washeʼhenténhse nonhkweshón꞉ʼa ne sheʼsehniaʼkénton; né꞉ne shasastsʼténshera wáʼsasthe tsi washeʼhiasárine tsi niahónʼne ne iohontsiaʼtoʼkentíke.

Exodus 34:6

Ethóne ne Roiá꞉ner rahohénton wahatohétsthe tánon iahanáton, “Í꞉i, ne Watiá꞉ner, kení꞉io titkáhere wá꞉tien ne kenténrat ó꞉ni nathaniténron, iáh tewatiésen nahonkenákwen tánon kenéstha ne kanoronkwáhtsera ó꞉ni kariwatokéntshera.

Isaiah 55:7

Ánion ne ronhnonkwetaʼtsénhkwa rontiakwahríhsi tsi nihatiʼweienhnióten, tánon ne iáh teotirihwaʼkwaríhshion tsi nihonanonhtonhnthiontseró꞉tens; Sheʼríhon rahonháke ne Roiá꞉ner nieshón꞉ne, ne ká꞉ti nahónton ashaʼkóthenre, tánon rahonháke nón꞉kwah Ní꞉io꞉ne, asèken kwáh enkananónhake tsi ensheʼsakonikónhrenhse.

Isaiah 63:15

Eʼtàke tasatʼkátho né tsi nón꞉we teshí꞉teron ne karonhiáke tánon satʼkátho, thóh nón꞉we nahontáʼwe tsi niʼiotokénti tánon né kaiatanerakwáhtshera í꞉ken né tsi teshí꞉teron. Kaʼní꞉wes ne sanoronhkwáhtshera tánon ne sashatsʼténhsera? Né naoskanéktshera ne seríhaʼne tánon ne sáwenk senhtenhrátshera? Iáh akonháke thetewé꞉tha.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Jeremiah 33:11

tsi nihiotʼtsaróhkwen nahthonnharáhtshera ó꞉ni nahtsennonhnhátshera ó꞉ni tsi nihiakotʼtsennónhni tsi nihioronkwénsthaʼre ne iakohthénnioʼthe. Ensehwahthónthene nonhkweshón꞉a tehiarorihwáhkwen tsi nenhtiéhaʼwe niaʼtekonhsónhas ne kanonhwehrahtóntshera nakenonhshaʼthokentíhke; kwáh enhonníron, ‘Thetsisehwahnonhwehráthon ne Roiá꞉ner Roshastsʼtenserowáhnen, tsioríhwa tsi nihohiánereh ó꞉ni ne rahononhronkwáhtshera tsi nénhwe tsi enkáhthake.’ Kwáh enstiánerasthe kíʼ kénʼen ionwénhtsiaien ne ne kwáh tsi nitsiothónʼne. Í꞉i, ne Watiá꞉ner wakatáti.”

Daniel 9:18

Takwatahónhsatat, O Sewenní꞉io; takwakenʼén꞉ion ó꞉ni satkáhtho tsi natekanikónrhare tsi non níiakwe tánon tsi niiotkenhrenserón꞉ni ne kanatowá꞉nen ne saná꞉ta. Iséʼke nón꞉we niionkwaterénnaien ne tsi sanitenráhtskon, iáh né té꞉ken tó꞉ka ken ne tsi ionkwatonkweʼtakwaríhshon.

Habakkuk 3:2

O Saiá꞉ner wakerihwaʼrón꞉ken tsi nisarihwanakerátston, tánon tsi niwakerihwanerakóhon, O Saiá꞉ner, ne sahiothénhsera. Nón꞉wa tsi nihionkwahtenhniseraténion shekon thononhsatser; Satanithenratskónhak, ó꞉ni nó꞉nenh kwáh sanakwénhen.

Luke 1:50

Nok ne Raotanitenrasera enȣatatie tsi nenȣe enhieȣatsiratatie ne ronȣatsanise.

Luke 1:54

Ȣahoiatanonstate Israerraonnhatsera, naonsareiarane rahotanitenrat.

Luke 1:78

Akȣa rahotanitenraserakon ne Sonkȣa-Niio, eh oni takaientakȣe tsi ȣasonkȣatkense ne Eneken tkarakȣinekensta.

2 Corinthians 1:3

Ahonwahsén꞉naien Rawenni꞉io, ne roién꞉ʼa ne Shonkwaiá꞉ner Ié꞉sos Kerístos! Ne Kaʼníhsera kwáh se rotennitenrátskon ne Rawenni꞉io, tsi niká꞉ien tió꞉konte tehshonkwá꞉wis ne kaʼnikonhraʼniráhthsera.

Philippians 1:8

Rawenni꞉io khók rotheriéntare tsi natewakathonwentióni nakwáken. Rotheriéntare tsi kwáh ehní꞉iott tsi tekwateriéntare tsi ní꞉ioht ne Kerístos Ié꞉sos.

Philippians 2:1

Kerístos ianikonketskwas, tánon ne raononronkwatsera sanikonraiewenhthota. Rawenni꞉io Rahosatsʼténsera sahwenón꞉ni, nók níse akorénson iathesehianonthón꞉nions.

Colossians 3:12

I꞉se ne Rawenni꞉io rahonkweʼtashón꞉a; wahʼhianó꞉ronkwe tánon waʼhiaiatará꞉ko ne rahonhatsí꞉wa rahonkwè꞉ta ahsáton. Kwáh káti, ó꞉nenk tsi ne ensewahiatóronke ne weriasí꞉io, ahontesewariwahié꞉rike, ataniténron, tóhsa sewahní꞉ronk, tánon sewahnikonkástet.

1 Sawátis 3:17

Tóhkaʼ ionkwakwátie tánon enhetʼthíken nakorénson rothinoronsténni, sók entewanóthon nonkweriáne ne rohnonhakéson, onh ní꞉ioht tsi aitewariwanírate tsi etʼtsitewanorónkwa ne Rawenni꞉io?