Psalms 25:3 - Ohiatonhseratokénti

³ Tsi niʼiákon ne tsesehthákwen kwáh kíʼ iáh thahionthatesénhni; né khók tsi niʼiákon ne ratihiataʼstó꞉re naiesarihwá꞉kwaʼse.

Psalms 25:3 ပူးပေါင်းရင်းမြစ်များ

Genesis 49:13

“Ne Zebulun atsaʼtákta ne kaniataraʼkehkowáhne nón꞉we nenkahonwanákereke; Ne raotsà꞉kta thóh nón꞉we skén꞉nonʼk thenkonhrahrhóhsheke ne kahoniowá꞉nenʼs, Ne tsi roteristatátie ièn꞉wawe ne Sidon.

1 Chronicles 10:13

Ne Saul né aoríhwa waʼrén꞉heie né tsi iáh teʼoríhwathóʼkenhne rahonháke ne Roiá꞉ner. Iáh tehotewenhnaráʼkwen ne Roiá꞉ner raʼorihwatát꞉tieras; né waʼhatheniénhten naré꞉saʼke né ahosárihne tsi niʼsakotenikonrátʼkenhse ne ronenheʼiónkwen

Psalms 109:3

Iatékons karihwaʼhétkens ronhtón꞉nions tsi nòkwah ní꞉i, tánon tionkatiatón꞉tses né꞉ne kwáh iáh othènen tahontakarihónhni.

Psalms 119:78

Sewenní꞉io sehiatéhat ne ronhtatónh꞉ni, ne tsi nihoti nó꞉wenhs ionketʼkenhténhnis ne kwáh iáh othènen tetkarihónhnis; ók ní꞉i wahkateweienstonhátie ne sarihonhnienhnítsheras.

Psalms 123:2

Tsi ní꞉ioht ne rannhá꞉tsera ne roniahésen ne raiataʼkwení꞉io, tsi ní꞉ioht ne kanhátsera ne ioniahésenh ne kanonsakweʼní꞉io, káti teshakwahkánere ne Roiá꞉ner onhkwahNí꞉io, kwáh tsi nió꞉re ienhshonkwénhtenhre.

Psalms 132:18

Né ronwásons ne khehiatonhtákwen natehénsera, ók ne rahónha, ne rahononhwaró꞉reh kwáh thenhiostarát꞉teke.”

Psalms 22:6

Nók I꞉i notsinonwahnéta í꞉ken, tánon iáh ónkwe thèken; iontkenrenhserónhnis notsakésons, tánon wahonkʼkénron nonkweshón꞉a.

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 31:17

Tó꞉sa taʼkeríhon nahionkatéhate, Ó Saiá꞉ner, asèken í꞉se iekonhnátons; sehríhon ne rotirihwáʼneren nahonwanatéhate; seríhon kwáh sakʼthikénhak tsi ienhónsnente ne Sheol.

Psalms 31:18

Sehiárist nètho rotinó꞉wenhs ratikwékon ne ronhthatón꞉ni ó꞉ni ne ronhtatkowánen tsi nikáien ronhtátis nasahkotinontánahke ne tionhkwetaiéris.

Psalms 33:20

Nonkwatónnhets Roiá꞉ner ró꞉rahre; rahónha nonkwahiatakenátshera í꞉ken tánon ne tewatrenhosthákwah.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 37:34

Roiá꞉ner nòkwah shariwahnirónhak tánon shatewénhnarak ne raotiawenráhtshera; enhiakwéniensthe tsi éntʼthion nonwéntsia, tánon enshé꞉ken ne rotiʼriwahneraʼákskon tsi enhonwaʼnátonhte.

Psalms 6:10

Aiáwenhs Raʼtikwé꞉kon ne iónkswenhs kwáh enhontéhen tánon kwáh í꞉ken tsi enhotiʼterónhne; aiáwenhs tahonsahontkaraténi tánon tahontaiawénhstsi enhonwaʼnatéhate.

Psalms 62:1

Kwáh sák thiwakatatón꞉ni né꞉ne Rawenni꞉io ahatiatanónsthateʼ rahonháke nón꞉we nitewètha natiatakenatiéra.

Psalms 62:5

Asèken Rawenni꞉io khók rihniahé꞉sen; asèken nakararát꞉tseras rahonháke nón꞉we nitewé꞉tha.

Psalms 69:4

Tsi nihiákon ne iónk꞉shons sénha ne ronatsokowánen tsi níkon waʼkenonkwiseróhte ne kenontsíne né tsi nihiákon iónkʼshons né꞉ne kwáh iáh othènen tetsiorihonhníhon; né ró꞉natsiokowanen satehatinón꞉wes nahionkatonhte, né iónkshons onó꞉wenhs tsi nihionkerihwáros. Nahóten ne iáh tewaʼkenénskwen ónen né énstsien?

Psalms 69:6

Tó꞉sa satthóntat tsi nihiákon ne í꞉seke nón꞉we nitsiakawethákwen nahionthatéhate ne í꞉ih akerihónhni, Ó Saiá꞉ner í꞉se ne Sashaststenhserowánen; tó꞉sa satthóntat nahiontatʼtsenhnátsate tsi nihiákon ne í꞉seke nón꞉we nihionterénhnaiens ní꞉i akerihónhni, O í꞉se Sehní꞉io Israeronónke.

Psalms 71:13

Aiáwenhs tsi nihiákon ne tionkatsatón꞉tses ahonwaʼtisénhni tánon ronwanátont; aiáwenhs tsi nihiákon ne ronhteniéntʼtha nahiontkaréwaʼte né thotiróhrot natehénsehra tánon ronhwaʼtisenhnáksat.

Isaiah 25:9

Kwáh enwahʼtsá꞉tonke ne thóh entewennhniseráte, tiaʼtkátho, né kí꞉ken nónkwah Ní꞉io í꞉ken; asèken raón꞉ha ne tsi tewarhárekwe; ne káti ne raón꞉ha ahón꞉ton ashonkwanónsthaʼte. Né kí꞉ken ne Roiá꞉ner rahónha tsi tewarhárekwe; Ánion kíʼ tewatsenhnónhni tánon tewatonhnáren thóh raoʼiatakenahtsherákon.

Isaiah 40:31

ók tsi niʼiákon ne ronhwá꞉rahre ne Roiá꞉ner kwáh kí á꞉se ensewáton ne raoʼtisatsténhsera, kwáh kí tenhhatiʼnerahhontʼtsiónhtaʼne tsi ní꞉ioht nakweksʼkówas, kwáh kí tenhhonrátaʼte tánon iáh kí thaʼtaatiwisénheʼie, kwáh kí thenhontekháʼhakwe tánon iáh kí tahontesatsʼtenhserót꞉ten.

Isaiah 49:23

Rontinontí꞉ios kwáh né thensakotísnieʼne ne kanísera enhónton, tánon né iotinonhtí꞉ios né thenkóntsniene né kanisténhsera enkónton. Onhwenhtsáke nienhontserá꞉te tsi thenhontʼtsakéte ne sewahénton, tánon eniesasitakànonte tsi enhonkenrarónhko ne sasitàke. Ethó꞉ne ensateriéntarane tsi I꞉i ne Watiá꞉ner í꞉ken; tsi niʼiákon ne ionkerá꞉re kwáh kí iah tahonwanatéhate.

Jeremiah 20:11

Ók i꞉se, Saiá꞉ner, í nokwáti íhsehte, seshástsʼte ó꞉ni Sahastsʼtenseroʼwánen, tánon tsi niháti ne iontkarewáhtha kwáh enhotiriwahnó꞉ron. Tanon kwáh tsi nénhwe tsi enhontehénsehke, tioríhwa tsi iáh tahonaterihwahténtsaʼseh. Ne rahonahtehénsehra iáh nonhwénton tahonsahkanikonhrénʼen.

Lamentations 3:25

Ne Roiá꞉ner kwáh í꞉ken tsi entesakoriwaiéritʼtse tsi nihʼiákon ne ronwaniahésen.

Micah 7:7

Ók kíʼ ní꞉i, kwáh kíʼ iatenhikanérake ne Roiá꞉ner, kwáh kíʼ enhihiateráhrate ne Roiá꞉ner, rahónha natiatakená꞉tshera í꞉ken; náhke Ní꞉io enhakaʼthón꞉tehne.

John 15:25

Neh ki tanon nehne ne iakaierine tsini kaiaton ne raotiiatonserakon: ok tiȣakstonstston tsi ionksȣenhon.

Romans 8:25

Nók tòhka neh tewaskáneks tsi nahóten neh iáh tehionkwatʼkáthon, thetewahwisʼsátsʼte kíʼ tsi ionkwárare.