Psalms 25:19 - Ohiatonhseratokénti

¹⁹ Sathenhnikonhrá꞉ren tsi nihonatiókwah ne iónkswenhs; thóh nió꞉re tsi iónkswenhs enhatikwéni nahionkenonwaʼrhiákhon.

Psalms 25:19 ပူးပေါင်းရင်းမြစ်များ

2 Samuel 16:11

Ne Táwit wahawénhase ne Abishai ó꞉ni ratikwé꞉kon ne raʼonhatseraókons, “Neh kwáh í꞉i riʼiénha teotonhontsóni nahakenonwarhiákon; Tó꞉sa othènon tsiatstérists, tánon tserí꞉on nahatewenhnát꞉sathanion; asèken Roiá꞉ner roʼrihwáhwi.

Psalms 11:5

Ne Roiá꞉ner sakorihwaniráti ne tionkwetaiéri, ók sakósons ne ronhnonkwetahétkens né꞉ne ratinóronhkwe ne iáh kaiáneren te꞉ken.

Psalms 138:7

Nó꞉nen ne tewakatiatáton ne takanikonhráhren, í꞉se tatiatanónstats tsi nihotinakwénhen ne iónksons; iateshá꞉nentʼtseste, tánon ne sehseweienhtethákwen sonhkeniákenhte.

Psalms 140:1

Saskeniákenk, Ó Saiá꞉ner, tsi nónhwe nihónhnes ne ronhnonkwetahétʼkens: táskene tsi nónhwe nihónnes ne ratiʼnikonhrahhétkenʼs,

Psalms 140:11

Tó꞉sa satónhtat ne iakenhnasát꞉sen naʼiakoianerenhseraiénhtake tsi ionhwenhtsáte; sathón꞉tat ne karihwahét꞉ken iostorekéha tsi ahiakotórahte ne ratinikonrahét꞉kens!

Psalms 140:4

Táskene, Ó Saiá꞉ner, tsi nòkwah ne ratitsanákes ne ionhkwetahét꞉kens; táskene tsi nónhwe nihónhnes ne ratinikonrahét꞉kens né tsi nahó꞉ten rohnatenikonhrónhni nahonkeshastsʼtenhserónhti.

Psalms 143:3

Asèken ne iónkshons ionkahtó꞉rats ohontsáke tehionkaskwahseronhkwáhtha, ionkonhniénhnis nakáhtsien ne tsi tetsiókaras nón꞉we kwáh tsi ní꞉ioht ne wahónhnise ahontonhkenhéionhke.

Psalms 18:48

rahónha sahtiatákwen tsi nòkwah ne iónswenhs; kwáh í꞉ken, ní꞉se tsi wasetsenhnakaráhthate tsi nòkwah ne iónswenhs; í꞉se shastiatáko tsi nòkwah ne sakonaséhtha.

Psalms 27:12

Tó꞉sa iatakatsakwahríhsi rononháke ne iónkswenhs asèken ronathétien, asèken ne rothinó꞉wenhs tehothitáhon nahontahionkatsatónhti, tánon né ronthonriétha ne iáh othènen takahianerenhseraiénthake.

Psalms 27:2

Nó꞉nen ne ratinikonráksen entionkatiatón꞉ti ne tahionkinárihte— né hionkenikonráswenhs ó꞉ni ne hiónkswens— ronhnón꞉ha enthonasítsiake tánon enhatihiatsénenhne.

Psalms 38:19

Tsi nihá꞉ti ne tsi ronhnónnhetse ne iónkswenhs kwáh í꞉ken tsi ratishástste, ronatsiokowáhnen ne iónkswenh né꞉ne kwáh iáh othènen tetsiorihonhníhon.

Psalms 38:20

Tsi ní꞉ioht ne ioiánere tsi nahionkatiérase karihwahetkénsera tionkátsenhse; hionkát꞉konte tsioríhwa tsi kateniént꞉tha ne tkarihwaiéri tsi nakátiere.

Psalms 52:2

né satenikonronnihátse ne kakaronniátshera. Né senhnasáke kwáh né꞉ne kwáh iosarotíie iontkonsthonriát꞉tha í꞉ken, Tiotkonhónwe sahtsokentonhnihátses.

Psalms 56:2

né iónkswenhs tehionkaskwasehrónhkwas kontatséshons, asèken roʼnatsiokowánen hionkwaterí꞉io. Ó Shaststenhserowánen Ní꞉io,

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

Psalms 86:14

Ó Sewenní꞉io, ne rontatónhni waʼthatítaʼne nahontahionkatiatónh꞉ti; ne raotitsiókwah ne ratiniakáts꞉te ronteniéntʼtha nahionkenonhwariá꞉khon, né꞉ne ronónkwe ne iáh othènen karíhwa teieshón꞉nis.

Luke 22:2

Kenh kaien ne ratitsihenstakȣeniios oni ne ratiiatons ratiriȣisakskȣe oh onte akȣa nahatiiere naonton ahonȣario; aseken sakotistsaniskȣe nonkȣeokon.

Luke 23:5

Ok eken senha tahonkȣisron, tsi ronton: tesakonikonrharanis nonkȣeokon roteriȣanotaties kanakeraserakȣekon ne Jude Galile thotasaȣe tsiniiore ne kentho.