Psalms 24:7 - Ohiatonhseratokénti

⁷ Sewaʼthenhenrakétsko, Ó iotenhenrenhtón꞉hnions! Tánon sewaʼharahthatónhak, Ó ionohakahiónsons! Nètho ronhnontí꞉io ne roiataneráhkwat ahónton ahontahatáwehiaʼte.

Psalms 24:7 ပူးပေါင်းရင်းမြစ်များ

2 Samuel 6:17

Tahatiʼiónte ne raoneró꞉kwah nateriwasehronniátshera ne Roiá꞉ner, tánon thóh wahá꞉tien tsi nón꞉we niionát꞉te, atohsehrákon nètho Táwit rotohsehró꞉te ne ne aorihwáke; tánon ne Táwit wateskónten tánon neh washakotátʼtse ne otsiokwahtokénti raohén꞉ton ne Roiá꞉ner.

1 Kings 8:11

né tehioswatʼthéton ne tehiokará꞉iak kaswatʼthétsera né tsi thóh í꞉res ne Roiá꞉ner, tánon iáh tehiothónhon né thóh niahonsahonénonhke nahotihióten ne rahotihioténhsehras.

1 Kings 8:6

Ethòne ónenh ne ratiʼtsihénstatsis Ononhsatokentiʼkówaʼne niahatíhaʼwe naʼterihwaseronhniátshera nonerókwahkon í꞉wa tánon thohnónhwe nahatí꞉ien tsi nónhwe ne kwáh tsiotokénti íken, né꞉ne nàkon ne tsi tenihnerahontiónhtons ne thiʼnirhios.

Psalms 132:8

Téstat, Ó Saiá꞉ner, tánon thóh niaháse tsi nón꞉we nishatorihsenhtákwah, í꞉se tánon noneró꞉kwah né꞉ne shaststénhsera í꞉ken.

Psalms 21:1

Sashaststenserákon ne ronhnontí꞉io nón꞉we nihatsenhnonniatákwah, Ó Saiá꞉ner, tánon sahienawasehtsherákon nón꞉we nihatatsenhnakarátats!

Psalms 21:5

Né raohiatanerahkwáhtshera tsi natehiotenonhianíton né tsi tsenawáhse; thetsáwi nahasenhnowána tánon nahasháststeke.

Psalms 97:6

Né tsi karonhiáte wenéstha ne Rawenni꞉io raorihwaʼkwarihshión꞉tsheras; tánon akahontsaʼkwékon nónkwe iontkáthos ne raoiatanerakwáhtshera.

Isaiah 26:2

Sewaʼthenhenraʼnontonkwenhátons, né káti nahónton ne tionkwetaiéris ne ratíhawe tewetákwen ahónton iahontáwehiaʼte.

Isaiah 62:10

Satóhets, iasatóhetst ne tsi iothenhenrakárontes, sheʼrihwasehrónh꞉nien nonkweʼshón꞉has; sewaʼkwahthaʼkwenháton, sewahahasehronhniánion ne iohahowánen, sehwanenhiaróhrok, sheʼniatarakétskwas nonkweʼshón꞉has.

Micah 4:8

Tánon í꞉se, O ohniká꞉ta í꞉ken tsi kentióhkwaien, tsi ionontá꞉here ne nakoién꞉ha í꞉ken ne Zion, shonháke kwáh nón꞉we enté꞉we, nohén꞉ton tkanakerahseraién꞉takwe kwáh éntewe, ne ahoiatakwenihiósera nakoién꞉ha Jerusalem.

Haggai 2:7

tánon kwáh enkheiáwake ratikwé꞉kon ne ronhnonhontsakeró꞉nons, ne káti nakotiohkowátsheras onhkweʼtakwé꞉kon ne ronhnonhontsakeró꞉nons nahontakahióntonhke, tánon Kwáh kí ne thentetrá꞉te kí kén꞉en kanónshote ne kaiatanerakwáhtshera, rá꞉ton ne Sakoiá꞉ner ne ratironhiakeró꞉nons.

Haggai 2:9

Iáh thahión꞉nise tsi nihiononsanerákwat kí꞉ken Ononsatokentikó꞉wa kwáh sénha ne entionhnonsanerakwátonhke tsi ní꞉ioht nononsakahiónhkwe, rá꞉ton ne Sakoiá꞉ner ne ratironhiakeró꞉nons; tánon ken kí nón꞉we nentkát꞉kawe ne skén꞉nonk thí꞉ken, rá꞉ton ne Sakoiá꞉ner ne ratironhiakeró꞉nons.

Malachi 3:1

Satkáhtho, ienhiiaténniehte ne rakerihwakarenièn꞉nis nahakkhahahserónnien nakhén꞉ton, tánon ne Roiá꞉ner ne tsi sewahrhá꞉re thentiawènhstsi ènrawe ne raononhsatokenhtiʼkowáhne. Ne ne rarihwakarénieʼs naterihwahseronniáhtshera raonhá꞉ke nón꞉we niiontionʼwesáhtha—orihwiioʼón꞉we, tsi tá꞉re, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

St. Mark 16:19

Nonen saharihokten ne Roianer, ȣahattaratate Karonhiake niionsare nok tsi thaȣeientetakon ne Niio ionsahatien.

1 Corinthians 2:8

Iáh ónka ne ratikoráhshonsʼkwe ne tsi ionwenhtsiáte teonateriéntarakwe kí꞉ken kariwahkwahrishióntshera. Tóhka aonatheriéntaraʼke, iáh tathahonwahhiasontáke ne Roiá꞉ner né꞉ne rohiataneréhkwat.

Ne꞉ne Sák Rohiaton 2:1

Tewatenroshónhas, neh tsi theʼtsitewetákwen ne Sonkwaiáner Ié꞉sos Kerístos, rahónha Roianere ne kahiataterítsera, tóhsa nonwénton takontʼthihánionke tsi níʼioht tsi ahsekwénienste nónkwe ne taʼskatʼkáneren tsi nahiontʼkathotseróten.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.

2 Tiér 3:18

Nók iasewatasónteren sewatehiáron thóh nónwe ne rahotenretserákon ó꞉ni ne rahotʼthokhatserákon ne Sonkwaiáner ó꞉ni Sonkwaiatákwen Ié꞉sos Kerístos. Rahónha ne kahiatanerakwátsera, nónwa ó꞉ni tsi nénwe! Éhʼtho naiáwenʼne.

Revelation 4:11

“Í꞉se ne kakwenienstháhtshera í꞉ken, Onkwaiá꞉ner ó꞉ni Ónkwa Ní꞉io, nashé꞉na ne kaiatanerakwáhtshera ó꞉ni ne tekarénhsaron ó꞉ni kaʼshatsténhsera, asè꞉ken í꞉se norihwakwé꞉kon shasahánion, tánon né꞉ne tsi nitisanikonhrí꞉ioʼon kwáh wakaién꞉taʼne ó꞉ni ontón꞉nhete.”