Psalms 24:1 - Ohiatonhseratokénti

¹ Né tsi ionwenhtsáte Roiá꞉ner sèh raówenk tánon akwé꞉kon tsi nahoténhsons né thóh í꞉wa, tsi ionwenhtsáte, tánon tsi niʼiákon né nón꞉we niʼienákere;

Psalms 24:1 ပူးပေါင်းရင်းမြစ်များ

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

1 Chronicles 29:16

O Saiá꞉ner, onhkwaNí꞉io, taiakwáhaʼwe akwé꞉kon skát꞉ke kí꞉ken ahtsokowátshera né naiakwahtenonsón꞉ni nononsatokentiʼkówa naiakwahkwéʼnienste ne sasennaʼtokénti, ók akwé꞉kon í꞉seke nitsawé꞉non tánon akwé꞉kon í꞉se sáwenk.

2 Chronicles 25:9

Né Amaziah wahorihwanónhtonhse ne rotokénhse, “Ók onh né ní꞉ioht thí꞉ken kawistaráhken ónenk watkariákon tsi khenáhon?” Né rothó꞉kense watharihwaseráko, “Né Roiá꞉ner enhakwéni ne sénha wé꞉so tént꞉hion tsi ní꞉ioht nètho!”

Job Tánon ne Raoronhiakensera 34:13

Ónhka ronwashatstenhserá꞉wi tsi nokwáh nohontsakwé꞉kon tánon ónhka ronwaién꞉ni nohontsakwé꞉kon?

Job Tánon ne Raoronhiakensera 41:11

Onʼka ahié꞉kweni natkenton nahontaièn nètho nahonsahikariakse? Akwé꞉kon ne tá꞉ke nakaronhiati í꞉ih akawenk!

Job Tánon ne Raoronhiakensera 41:3

Ahiá꞉nhitentaʼse onʼtéken nahonshatsiát꞉kawe? Kwáh onhtèken sak aronhni tsi ahatá꞉ti?

Psalms 50:10

Asèken kwáh tsi niateháti ne kontírios ne kará꞉kon rónhnes Í꞉i kíʼ aketsenenhókons í꞉ken, ó꞉ni ne tionhnónskwarons ne tewenhniawehetserásens nikónti kónhnes tsi ionhniarón꞉nions.

Psalms 50:12

“Asèken tó꞉ka akatonhkarhiákseke, iáh kí thakonró꞉ri, asèken ne tsi ionwenhtsáte tánon tsi níkon ne thokáien tsi Í꞉i akáwenk.

Psalms 89:11

Né tsi karonhiáte í꞉se sáwenk, tsi ionhontsáte ó꞉ni; í꞉se shá꞉shon ne tsi ionwenhtsáte tánon akwékon tsi nahó꞉ten né thoʼíwa.

Psalms 89:12

Í꞉se sarihwaʼkanonhníhon tsi nihioterihwaʼtséren notoré꞉ke tánon nenhtié꞉neʼ né Tabor tánon ne Hermon atʼtsenhnonhniaʼtsherákon tsi tetsiatenonhweráton ne sasénhna.

Psalms 98:7

Ánion iorakareníhak tsi ní꞉ioht tsi aionontakwahronhtatséson ne kaniatarakhekówaʼne, tánon ronhtsaró꞉kwak ratikwékon né nón꞉we nihonʼnónnhe; ne tsi ionhontsáte tánon tsi niʼiákon né thóh nón꞉we niʼiakónnhe.

Exodus 19:5

Ónenh kíʼ, tó꞉ka enskewénhnarahʼkwe ó꞉ni enshaʼteweiénton nakateriwaseronhniáʼtshera, kwáh í꞉se nakonhkwéta enkénhake. Ohontsakwékon Í꞉i ahʼkáwenk, ók íse kíʼ nekwahiaʼtaráhkwen nonhkweshón꞉ʼa,

Exodus 9:29

Ne Mahís wahawénhase, “Kwáh tsi niʼiosthóre tsi iatenkatenahtó꞉hetsʼte, enkanenhtsakétsko niakaterénhnaien rahonhàke ne Roiá꞉ner. Enwátʼkahʼwe tsi iowèren, tánon iáh shé꞉kon tahonsahiowisónhti, né káti nahónton nahisateriénʼtarahʼne ne tsi ionwenhtsàte tsi Roiá꞉ner seh rahoʼhóntsa.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Micah 4:13

Téstan tánon tesasakwaserón꞉kwat, O akoién꞉ha ne Zion, asè꞉ken ne enkonhniá꞉te ne tsi tesanakáronhte karístatsi nahiotónhake; tánon ne tsi tesatsinenrentónte kwé꞉nis nenhné꞉e nenhiotónhake; tánon kwáh iakotiohkowá꞉nen ensenonwenhserá꞉rio nonkweshón꞉as ken nenknenshónnaske, tánon kwáh enteshá꞉we akwé꞉kon kí꞉ken nahorihoténhsons rahonhà꞉ke ne Roiá꞉ner tánon ensethátse ne raotikwahséhtsheras rahonhà꞉ke ne Roiá꞉ner ohontsakwé꞉kon í꞉ken.

Nahum 1:5

Watsionontishonkwánion ne raohénton, tánon ne tsi ionhniarónhnions wakawistanawénhseron; watsiahontsíshonkwe ne raohén꞉ton, ne tsi ionwenhtsá꞉te ó꞉ni ratikwé꞉kon ne thóh nón꞉we niiená꞉kere.

1 Corinthians 10:26

Asèhken tsi niwáhton noriwahtokénti, “Ne tsi ionwenhtsiáte tánon kwáh tsewahkwékon Roiá꞉ner rahówenk.”

Deuteronomy 10:14

Raónha ne Roiá꞉ner rahó꞉wenk shé꞉kon ne kwáh è꞉neken ítken ne karonhià꞉ke; tsi ionhontsáte ó꞉ni raónha rahó꞉wenk, tánon tsi nahó꞉ten ne kahawánion.