Psalms 22:28 - Ohiatonhseratokénti

²⁸ Asèken ne kanontiʼiótsera Roiá꞉ner né꞉e raówenk, tánon sakokʼkoráston tsi ietarakéron.

Psalms 22:28 ပူးပေါင်းရင်းမြစ်များ

Psalms 86:9

Í꞉se ratikwékon sehiatíshon nonkweshón꞉has, ká꞉ti kwáh shonháke nòkwah nentʼtón꞉ne tánon sahénton thenhontʼtsákeʼte, Ó Saiá꞉ner, tánon kwáh eniesasenhnatokéntisʼte.

Isaiah 2:2

Tsi niwenhniseraténions tsi nienkáheʼwe ne tsi rotenonhtáhere ne Roiá꞉ner tsi nón꞉we nikanónshote ne raoʼnonsatokentiʼkówa ne ahonhá꞉ʼa entsotenontáteske tsi níkon ionontarónhnions. Akahontsakwékon thóh nón꞉we iatonhonskénhni nienhonhnéthaʼke.

Isaiah 45:22

Akonhàke nontashátserat tánon enshaʼtatenónsthate, tsewakwé꞉kon ne tsi iehiotonhontsioktaníhon! Asèken I꞉i ne Ní꞉io í꞉ken, tánon iáh tekáien nakó꞉ren akénhake.

Isaiah 66:23

Tsi nenskarakwahrá꞉seke, tánon tsi nientsahontatokéntis, niaʼtehionkwétake éntien nahionterénhnaien nakʼkhénhton, rá꞉ton né Roiá꞉ner.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Obadiah 1:21

Tánon tsi niiá꞉kon ne sehshakoʼniakénhton kwáh kiʼ ienhatinontá꞉raʼne tsi Ionón꞉te ne Zion ne ne tahatiiaʼtoréhthake tsi ionón꞉te ne Esau; tánon ne tsi kanakerahserá꞉ien kwáh Roiá꞉ner enhowenkhón꞉weke.

Zephaniah 2:11

Ne Roiá꞉ner kwáh tenhiotenonhianí꞉tonke tsi nensakokʼkónhten; kwáh ensakahonkárhiakte ratikwé꞉kon ne nihioʼokón꞉as ne tsi ionhwenhtsá꞉te; tánon nonkweshón꞉as kwáh tenhionhtsákete ne raohénton, tsehiatátions tsi nón꞉we niienákere, ratikwé꞉kon nonkweshón꞉as ne kawenokwakʼtóntie ienakerénion.

Zechariah 14:9

Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”