Psalms 20:5 - Ohiatonhseratokénti

⁵ Aiáwenhs tahionkwahénrete nattsenhnonhniátsera tsi sahtesénhnion, tánon raosénhnakon nonhkwaNí꞉io tewaʼniatarakétsko. Aiáwenhs ne Roiá꞉ner akwé꞉kon ahontáhion tsi niseriwaʼnón꞉tons.

Psalms 20:5 ပူးပေါင်းရင်းမြစ်များ

Psalms 118:15

Kwáh í꞉ken tsi karenhní꞉ios rotirénhnaiens ne natesenhniétshera í꞉ken ne raonatosehrákons ne thonhnonkwetaiéris: “Né saweienhtethákwen nahanentʼtsáti ne Roiá꞉ner né iakosénhnies;

Psalms 13:5

Ók né keniahésenh ne sáwenk iorihwató꞉ken kanoronkwáhtsera; nakwéri kwáh kíʼ enwatonhnáren tsi enseskeniákente.

Psalms 19:4

Kíʼ ó꞉ni naotiwénhna ohontsakwékon nitewé꞉tha, ó꞉ni nahotiwenhnaókon iehionhontióktha ne tsi ionwenhtsáte. Né tsi karonhiáte rothosehró꞉te ne kará꞉kwah aoriwáke,

Psalms 21:1

Sashaststenserákon ne ronhnontí꞉io nón꞉we nihatsenhnonniatákwah, Ó Saiá꞉ner, tánon sahienawasehtsherákon nón꞉we nihatatsenhnakarátats!

Psalms 21:3

ʼI꞉se Ní꞉io waʼtionkáron ne ronnontí꞉io tánon waʼtsiawíhon ne ioiáneres; waʼtsianonwaróhroke ne kwáh kawistanoronhtserí꞉io.

Psalms 35:9

Eʼthóhʼne nakwatón꞉nhets kwáh enwaʼtonnháren rahonháke ne Roiá꞉ner, tánon kowáʼnen enkatonhnháren tsi sahakeniákenhte.

Psalms 60:4

Sehiá꞉ro naiakorihónhnien katénhni tsi nihiákon ne iesasénhnaiens, ne nahónton nahontèko ne tó꞉sa ahonwaʼtisénhni. Selah

Psalms 9:14

Ne ká꞉ti nahónton nakatró꞉ri akwékon ne sanonweratónhsera, tánon, thóh tsi tiotenhenrakáronhte nakoiénha Zion, kwáh enkatonhnáren tsioríhwa tsi í꞉se sestiatákwen.

Exodus 17:15

Ne Mahís warónhni ientsienharáhkwa tánon ne wahanáhtonkwe “Roiá꞉ner sehʼnakeniataʼroharátsera.”

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

Isaiah 25:9

Kwáh enwahʼtsá꞉tonke ne thóh entewennhniseráte, tiaʼtkátho, né kí꞉ken nónkwah Ní꞉io í꞉ken; asèken raón꞉ha ne tsi tewarhárekwe; ne káti ne raón꞉ha ahón꞉ton ashonkwanónsthaʼte. Né kí꞉ken ne Roiá꞉ner rahónha tsi tewarhárekwe; Ánion kíʼ tewatsenhnónhni tánon tewatonhnáren thóh raoʼiatakenahtsherákon.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Micah 4:5

Asè꞉ken onkweʼtakwé꞉kon tsi tehiontekhaháhkwa, satihiatátions thóh raotisenhnákon ne raotinihioʼó꞉kons, ók kíʼ nonkwahtsákes thóh nón꞉we nenhtewahténhti thóh raosenhnákon ne Roiá꞉ner ónhkwah Ní꞉io né꞉ne tsi nénhwe enkénhake.

Habakkuk 3:18

Nek kik sáka enwakatonhnárake tánon enwakaʼtsenhnonhní꞉hake rahonhà꞉ke ne Roiá꞉ner; tiorì꞉wa ne Rawenni꞉io tsi thá꞉kenes.

Luke 1:47

Nok raonhake ok ȣakatonnhahere tsinonkati ne Niio neh oni sakeskontakohe.

1 Samuel 1:17

Eʼthóhʼne ne Eli watharihwaseráko, “Wáhs skénnonk sashaʼténhti; ne Sakoní꞉io NʼIsraerʼró꞉non ahontáhion tsi nahó꞉ten watserihwanóntonhse.”

1 Samuel 17:45

Ók ne Táwit wahawénhase ne Philistiaró꞉non, “Ní꞉se akonhá꞉ke nontáhse sasharenháwi tánon kaiénkwireh ó꞉ni ne iesahniontsethákwa; ók kiʼ ní꞉i shonháke nontáhke thóh raosenhná꞉kon ne Sakoiá꞉ner ne ratironhiakeró꞉nons, ne ne sakoNí꞉io í꞉ken ne ronterí꞉ios NʼIsraerʼronónke, tsi nikáien ní꞉se entsenhnaksáton.