Psalms 20:3 - Ohiatonhseratokénti

³ Aiáwenhs areiárake akwé꞉kon tsi nitisaiesthánion, tánon ahawerientí꞉io akwé꞉kon tsi nisehiatéskonte ne kattshénens. Selah

Psalms 20:3 ပူးပေါင်းရင်းမြစ်များ

Genesis 4:4

Eʼthó꞉ne ne Abel tahoiaʼténhawe ne tontié꞉renhte wahotewiraièn꞉hahse teiotinaʼkarontón꞉a owí꞉ra wahoʼwéntho tánon né꞉ne kwáh ioʼwahráreʼsen iahá꞉wen ne Roiá꞉ner. Ne Roiá꞉ner kwáh í꞉ken tsi wahawerientí꞉io tánon wahaié꞉na ne Abel tsi nahó꞉tahtshe,

1 Chronicles 21:26

Thóh nón꞉we nahahónhnien ne ietienharáhkwah ne Roiá꞉ner tánon tahá꞉ieste nahateskónhten ó꞉ni ne skaríhwa í꞉ken tsi tkaiéston. Wahaterénhnaien, tánon ne Roiá꞉ner wathoʼrihwaserákwahse tsi tahasén꞉te nótsire ne karonhiáke nahióteʼke tsi enhonteskónhten ne ietienharáhkwahke.

2 Chronicles 7:1

Nó꞉nen ne Ronhnontí꞉io Solomon shaʼhása tsi roterenhnaiénthakwe, karonhiáke nonhtontʼtsírihne tánon onhtsahate ne ronhteskontaʼkwáhneʼne ne thotiʼiestánions, tánon ne tehiokaráiat kaswatʼtétshera né tsi Roiá꞉ner thóh í꞉reskwe kwáh iononsíhon Nononsatokentiʼkówa.

Psalms 128:5

Aiáwens ne Roiá꞉ner ahiaiatatérisʼte Zion nónh꞉we nahontáwe. Aiáwenhs asatkátho nahoianeré꞉tsera ne Jerusalem kwáh tsi nishónhnes.

Psalms 134:3

Aiáwens ne Roiá꞉ner, ne róhson ne tsi karonhiáte ó꞉ni tsi ionhontsáte, ahiaʼiatatérisʼte ne Zion nónhwe nahontáwe.

Psalms 51:19

Eʼthóhʼne né enserientiʼiósten ne tkarihwaiéri enkénhake ne kariwiʼiosehokónhas; né꞉ne wateskóntes tánon ne tsekontiʼiatakwékon wattsaháton; tánon eʼthóhʼne ó꞉nen tionhnónskwaron rátsinn enwateskóntake ne sáwenk ietienhsarákwahke.

Isaiah 60:7

Kontiʼkwé꞉kon ne tionhnóns꞉kwahrons ne Kedar kwáh enkonhwatiʼiataróroʼke ní꞉se sarihwá꞉ke, né teotinakarontónhas ratítsinn ne Nebaioth nón꞉we nenhtonwatiʼiaténhaʼwe né ensehiaʼteskónten; né enhonwatiʼiéna ne tsitʼtsenharákwah, tánon kwáh thenkerénhsaron tsi niʼiotkwéniens naʼkenonsatokentikówaʼne.

Leviticus 9:24

Thonthaiaʼwénhstsi ne Roiá꞉ner ótsire tahathénieʼte, tánon onhthónhte ne watéskonte tánon ne iorèsenhs nahoténsons ne ietsienharákwahke. Nó꞉nen nonhkweshón꞉a sahontkátho, ratikwékon watotihénreʼthe tánon wathontʼtsákeʼte tsiahatiʼkonhsaiénthaʼne nonhontsáke.

Acts 10:4

Iathotʼkáneren ne raronhiakerónon katerontserákon tánon wahénron, “Nahóten, Sénʼshion?” Ne raronhiakerónon watariwaseráko, “Ne Rawení꞉io rawerentí꞉ios ne saterén꞉naient ó꞉ni tsi nisahióte ne kenténron, ónenki rotateweiennentáʼon tahiariwaserákwaʼse.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.