Psalms 19:9 - Ohiatonhseratokénti

⁹ ne raoteronkwáhtsera ne Roiá꞉ner tsi aóskon í꞉ken, tsi nénhwe tsi thenkawisháststeke; Ne raorihwenhthátsera ne Roiá꞉ner tsi tó꞉kenske í꞉ken tánon kwáh tiokwét꞉ton karihwakwahrishón꞉tsera í꞉ken.

Psalms 19:9 ပူးပေါင်းရင်းမြစ်များ

Genesis 22:12

Wahén꞉ron, “Tóhsa iaʼtetshanihsnonhsà꞉ren nétho raksá꞉ʼa tóhsa ó꞉ni othé꞉nen naʼtshié꞉raʼs; asèkenh ó꞉nen onkaterièn꞉taraʼne tsi nitshetshá꞉nis ne Rawenni꞉io, tsik sénhaʼk iáh thetehtshiaʼtón꞉ʼne né tshièn꞉ʼa, nénskaʼk khók sanekenhteronʼtsherá꞉ien nakonhá꞉ke.”

Genesis 42:18

Nahsénhaton siwenhniserakéhaton ne Só꞉se wahshakawènhahse, “Kenʼ naʼsewá꞉iehr tánon kwáh entsonhnheke, aseʼkénh ritshá꞉nihs ní꞉i ne Rawenni꞉io:

1 Kings 18:12

Onh né nenhiáwenhne tó꞉ka ne Raonikónra ne Rawenni꞉io kák nónhwe ákthe nónhwe niahiaiathénhawe kwáh tsi niʼiosthóre é꞉ren énhkethe ne kénʼen? Ethòne, nónen enhiʼró꞉rihke ne Ahab tsi kénʼen í꞉h꞉ses tánon iáh thahakwéni nahiaoiatatʼtsénhri, kwáh kíʼ enhakenonhwarhiákon. Sehiárak tsi kwáh wakerihwató꞉ken tsi niʼihsénhnaiens ne Roiá꞉ner né꞉ne kwáh shiʼkekʼsáha kènhʼne.

Nehemiah 5:15

Ne thatikó꞉rakwe nohén꞉ton ní꞉i thóh rotí꞉ien ne iorieniátste rononhà꞉ke nonkweshón꞉as, tánon washakotinatarákwa ó꞉ni nonenharákeri, tséskate ne kaié꞉ri niwáhsen nikakontserá꞉kes kawistará꞉kens; ne raonhatserashón꞉as kwáh ó꞉ni rotishatstenhseraién꞉takwe tsi nokwáh nonkweʼshón꞉as, ók iáh ní꞉i thóh tewatié꞉ren tiorì꞉wa tsi ritsá꞉nis ne Rawenni꞉io.

Psalms 10:5

Tsi nihaweienó꞉ten kwáh tiókonte tsi roʼhianerasthénis; ne sarihwenhthátseras kwáh í꞉ken tsi tiótʼte, aí꞉nonh nió꞉re ítken ne rahonháke; tsi nòkwah ne tehontátʼtions, sahkonitskeró꞉seras.

Psalms 111:10

Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.

Psalms 115:13

kwáh ensakohiatatériste tsi niʼiákon ronhwaʼkweniénstha ne Roiá꞉ner, tetsarónh꞉kwen í꞉ken ken naiákasʼke khés naiekowaʼnénhke.

Psalms 119:1

Iakotáskats tsi nikákon ne tsi niʼieweienhnótens iáh othèhnen tekanitserénhawe, thóh nón꞉we nihiakothahítake raohianerenhserákon ne Roiá꞉ner.

Psalms 119:106

Kwáh iohrihwaníronh tsi wahkarahrátston tánon wakerihwaniráhton, kwáh kí enkatewénhnarahkwe ne saianerénhseras.

Psalms 119:111

Né saianerénhseras wakerihonhniénhnis tsi nahoténsons enkerihwanorónhsthake né꞉ne tsi nénhwe enkénhake; ne wakerienhtiʼióstha nakwerhiá꞉ne.

Psalms 119:142

Ne sarihwakwahrihshióntshera tsi nénhwe enkátake, tánon kwáh tsi nénhwe tsi ensharihwakwahrihshiónhake.

Psalms 119:39

Tatiatanónstat tsi nihiónke nikonrahkarewátha ne wakʼteronhkwénhnis; tsi nihiorihwaneráhkwat ne saiatorehthátseras!

Psalms 119:62

Nasontʼthénhne wahkatkétsko ne takonhnonweráhton, tsioríhwa tsi nitkarihwaiéri tsi teshatoréhtha norihwasónhas.

Psalms 119:7

Kwáh akeriasóskon tsi tenkonnonhweráton, tsi nenskerihónhnien ne iohterihwakwahríhshion sahiatorethatsera.

Psalms 119:75

Wakateriénhtare, Ó Saiá꞉ner, nètho sarihwenthátsera tsi tkaiéri, tánon thóh ne iotokenskehónwe tsi ní꞉ioht tsi wahsetréwaʼte.

Psalms 12:7

Í꞉se, O Saiá꞉ner, kwáh entéshenʼne; ensheiathenhnikonráren tionkwetátshons ienskóntakwe tsi nòkwah ne ionkwetahétkens,

Psalms 147:19

Thóh wis ne raowénhna ne Jacob, ne rahorihonhnienhnítsheras tánon ne raoianerénhseras ne Israeronónke.

Psalms 36:1

Nó꞉nen nón꞉kwe enhieriwáʼnerake, kwáh éhʼtho ní꞉ioht tsi shí꞉ken ní꞉ioht nón꞉kak ahiontattharáhnike nakawerhiáne; tsi ionhnontónhnions iáh thatehiotonhontsóhon nahitshaníhsehke ne Rawenni꞉io.

Psalms 36:6

Né sarihwaʼkwahrihshión꞉tsera thóh ní꞉ioht tsi ní꞉ioht ne kwáh tiotenonthatónhnion, né sarihwenhthátseras thóh ní꞉ioht tsi ní꞉ioht né kwáh tsionó꞉tes; Kwáh satéhiot tsi Í꞉se tesehiatkawénhnis nonkweʼshónha ó꞉ni ne kontitshénens, Ó Saiá꞉ner.

Exodus 21:1

“Taʼietʼtshí꞉ion ne lsraerʼró꞉nons ne kenhiotiéton kaianerénsheras:

Proverbs 8:13

Nó꞉nen entskwénienhsteʼ ne Roiá꞉ner, énhtswen kiʼ ne karihwáksen; íhkswens naʼkatkáhtho tsi nihatiweiennò꞉ten nónhka iontatón꞉ni, ó꞉ni ne karihwanéren tánon ne owennaʼshón꞉ʼa ne kaʼnikonhrhá꞉ton.

Isaiah 26:8

Ne tsi iohatátie ne sarihwenhtátsheras, Ó Saiá꞉ner, í꞉se kwahrá꞉re; ne shasénhna tánon thisatʼtsénhnate né natónnhets waskáneks.

Isaiah 45:19

Iáh othènon tewakatatíhon notsahonskwáhkon, thóh tsi ionhontsáien ne tetsiókaras; Iáh tekheiénhni tsi nitotʼwatsiríhnon ne Jacob, “Takwahiaʼtísak ne tsikʼtshiewátion nón꞉we.” I꞉i ne Watiá꞉ner né katróris norihwí꞉io í꞉ken, Né kenéstha tsi nahó꞉ten ne tkarihwaiéri í꞉ken.

Acts 10:22

“Ranenrakweʼní꞉io Cornelius tasonkwatóri,” watatiriwaseráko. “Tronkwetaiéri roʼsénnaiens ne Rawenni꞉io tánon ó꞉ni kwáh íken tsi éneken tsi ní꞉ioht tsi ronwariwakweniénstha ne Sitaeró꞉nons. Ne Rawenni꞉io rahoronhiakerónon wahoróri ne iahianatarénaʼse ne tsi thonónsohte, neh nahónton nahothónteʼne tsi nahóten sáien nasíron.”

Romans 11:22

Kénhen tewatkáthos tsi nithoriwaiéri tánon ó꞉ni tsi nihaniakátste ne Rawenni꞉io. Kwáh íken tsi sakoteniakastátis tsi niháti ne rhothiriwáneren, nók thoriwaiéri nisèke—tòhka iensatasónteren tsi nòkwati ne rahononronkwatserákon. Nók tòhka iáh, í꞉se ó꞉ni eniahiákse.

Romans 2:2

Ionkwatheriéntare ne Rawenni꞉io tsi taiérits nónen tensakoiatórete nonkwesónha tsi niháti neh kén nienhothiʼiéren kiʼ nahorihótens.

Deuteronomy 4:8

Iáh nó꞉ia ne thihononhontsà꞉tes, iáh tewatsterístha thóh nahatiʼshátsteke, nahotihianerenseraiéntake thóh nió꞉re tsi ahontakaié꞉rike tsi ní꞉ioht né꞉tho waʼkwarihón꞉nien nónhwa wenhniserá꞉te.

Revelation 15:3

Tánon ne wathatirihwákwe ne Mahís raorénhna, né꞉ne Ní꞉io raonhá꞉tshera, ne ó꞉ni raorénhna ne Teiotinaʼkarontónha owí꞉ra: “Teiotenonianì꞉ton tánon ionerá꞉kwat ne saioʼténhsheras, Saiá꞉ner Ní꞉io né꞉ne Sashatstenhserowá꞉nen! Kaianeren tánon orihwí꞉io í꞉ken ne sawenénhnas, Shenontí꞉ios ne ronhnonhontsakeró꞉nons!

Revelation 16:7

Tánon onkahonshón꞉kote thóh nontá꞉we ietsienharáhkwake wá꞉ton, “Hén, O Saiá꞉ner Ní꞉io, sashatstenhserowanenhkó꞉wa, ne sariwenhthá꞉tseras tsi tkariwaié꞉ri ó꞉ni ioiá꞉nere!”

Revelation 19:2

asè꞉ken ne raoriwenhtá꞉tshera orihwí꞉io í꞉ken tánon tkariwaié꞉ri; raónha rariwénhton ne kashennowá꞉nen wathokótha aónha iohetkénton tsi ionwenhtsá꞉te ne ióston naówenk kentétsera, tánon ne rarehwathákwen tsi iakokonwarhakhónhnion ne raonnhatseraó꞉kons.”

1 Samuel 12:24

Nek khók tsi tskweniénsták ne Roiá꞉ner, tánon tetieriwásnies sariwatokénhak kwáh serhiasakwékon kénhak; asèken tetiatóret tsi nahoténsons ne iorihowá꞉nens tsi niʼiatieráse.