Psalms 19:12 - Ohiatonhseratokénti

¹² Ók ónka naieriwattsénhri ne raonaterientawenhriétsera? Sastiatorahrísi tsi nòkwah ne kariwaséhton ahiakonhíkon.

Psalms 19:12 ပူးပေါင်းရင်းမြစ်များ

Job Tánon ne Raoronhiakensera 6:24

“Takerihón꞉nien, tánon kwáh sák thenkatatónh꞉ni; takehnikonraientá꞉then kaʼnón꞉we natewakaterienʼtawénrie.

Psalms 139:2

Sateriéntare nó꞉nen enkátien tánon nó꞉nen ténkʼtaʼne; ahí꞉non nió꞉re tsi tientéri nakanontonhniónhtsera.

Psalms 139:6

Nètho atʼthokhátshera shó꞉tsi iorihwanerákwat nakeriwáke; sóhtsi tiótʼte iáh tatʼkwéni nakatsénawasʼte.

Psalms 40:12

Né karihwahetkénsera waʼtewakatiatháton kwáh í꞉ken tsi iawetowáʼnenh í꞉ken; Nakerihwaʼnerahák꞉tsheras onknónterane, tánon iáh tetkwénies nahonsatkénhake; sénha né iawetowánenh tsi níkon waʼkenonkwiseró꞉te, tánon kanikonhróktha.

Psalms 51:2

Kwáh toʼkénʼen sastiató꞉hare tsi nòkwah nakerihwanerahákʼtshera, tánon kwáh sewaʼkatkwenienstónhat né꞉ne tó꞉sa ahonsakerihwáʼnerake.

Psalms 65:3

Eʼthohʼsáne nonkweriaʼnéshon titkáhere ne rarihwáʼneren, Í꞉se tsiʼsahrá꞉kewe nonhkwaʼrihwanerahák꞉tsheras.

Psalms 90:8

Sahénton wáʼshien nonkwahrihwanerahák꞉tshera, Iáh nék khók tsi takwáhkens nó꞉nen enhiakwarihwánerake, kwáh kíʼ ó꞉ni takwáhkens nó꞉nen ne ioterihwaʼsétonʼke nón꞉we nenhiakwarihwáʼnerake.

Exodus 24:12

Ne Roiá꞉ner wahawénhase ne Mahís, “Thasehʼnontárahk akonháke nonhtáse, tánon tsi iotiesáonʼk kènʼen íhses, kwáh entkónhion tèkeni tekenstenrakwente, né kaháwe ne kaianerénseras tsi niwakʼkhetonhnion tsi nahiakorihónhnien nonhkweshón꞉á.”

Proverbs 13:13

Tókaʼ iáh thahshié꞉na ne kaʼnikonhrí꞉io, seriʼwanóntha kiʼ né꞉ʼe kaʼnikonhrharáhtshera; íhtshehr kaʼnikonhrí꞉io ne ensaʼniá꞉kenhte.

Isaiah 64:6

Iakwahkwé꞉kon thóh nahonkwahiátawen tsi ní꞉ioht nón꞉kak iáh teiakotʼkwéniens, tánon akwé꞉kon nonkwahrihwaʼkwahrihshión꞉tsheras ne kahioténhseras kwáh né꞉ne tehioniaʼtarátshon. Iakwahkwé꞉kon teiakwahthosokwahténies tsi ní꞉ioht né ónerahte, tánon nonkwahrihwaneraháktsheras, kwáh né꞉ne tsi iaóhte, iehionkwahiaténhas.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

1 Corinthians 4:4

Kwáh tewahkenikonraʼswátʼthe, nók iáh kíʼ né tehkariwahnírats ne iáh thènen tahonkeníkon. Roiá꞉ner seh rahónha tehatiatorétha.

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 5:32

“Israerʼró꞉nons, kwáh orihwí꞉io kénhak tsi akwé꞉kon thóh nenhsewá꞉iere tsi niháwen ne Roiá꞉ner sewaNí꞉io tsiʼnítsi sewahró꞉ri. Tó꞉sa othé꞉nen sewatewenhnónti ne raoianerénhseras.

Hebrews 9:7

ónk nék khók ne kwáh rahtsihenstowáhnen iehatawehiátha ne tekeníhaton ionáktaien natohsherákon, tánon énskat khók ne tsóshera thóh kíʼ nihaiérah. Tánon onekwénhsa ieháhas tsi tenhononwehráhton ne Rawenni꞉io ne raónha rahorihwáhke tánon tsi nihiákon ne iáh tehiakotheriéntare tsi nihiakorihwáhneren.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.