Psalms 18:9 - Ohiatonhseratokénti

⁹ Waʼthasáhkete ne tsi karonhiáte, tánon tahátsnenhte; né rasitókon katénskwe tsi natetsiókaras.

Psalms 18:9 ပူးပေါင်းရင်းမြစ်များ

2 Samuel 22:10

Wathasákete ne tsi karonhiá꞉te, tánon tahátsnenhte; tetsiokaraskówa í꞉ken ne rashitókon.

Psalms 50:3

NonkwahNí꞉io tá꞉re tánon iáh sák thihothatónhni, tehiotonkwahnónhiani rahohénton í꞉we, tánon iowerashástste tehioweratáse ne rahiatátʼtonhtse.

Psalms 68:4

Tetsisewarihwá꞉kwas ne Rawenni꞉io, tesehwaríhwak ne kanonwerahtónhtshera ne raosénhnakon; tsi sewahasehrónhnien tsi nikáien ne tsi iohtsikerarónhnion nón꞉we nihathonhwisehréhtha né raosénhna né꞉ne Roiá꞉ner sewatsenhnonníhat ne raohénton.

Psalms 97:3

Ótsire rahohénton í꞉wes, tánon ne iakotsatatʼtsáhatas ne ronhwáʼshons ne kwáh tsík nahontahiotserátonhke.

Exodus 19:18

Ohnonhthakwékon ne Sinai tehioienkwaráien, tsioríwa ne Roiá꞉ner tsi thóh nónhwe nathatásenhthe òtsire nikwekonhátie. Noʼiénkwahra thóh ní꞉ioht tsi onhtharátate tsi ní꞉ioht ne karístakon iohienkwarahkéthothe, tánon onhkwetakwékon tehiotenonhianíton tsi ní꞉ioht tsi wahakohiatísonʼkwe.

Isaiah 51:6

Satarakétsko tsi karonhiáte niashatiérat, tánon iasatʼkátho nákon ne tsi ionwenhtsáte; asèken ne tsi karonhiáte enwatóhetste tsi ní꞉ioht noienkwáhra, ne tsi ionwenhtsáte enwakáhionhne tsi ní꞉ioht natserón꞉nia, tánon tsi niʼiá꞉kon né nón꞉we niʼienákere kwáh kí enhiaʼiéheie tsi ní꞉ioht ne kén nikatsinonwásas; ók naʼkatanithenrá꞉tshera kwáh kí nenhnéʼe tsi nénhwe enkénhake, tánon naʼkatesenhniéntshera kwáh iáh nonwénton tsiahontókten.

Isaiah 66:15

Asèken né Roiá꞉ner kwáh otsirá꞉ke nón꞉we néntre, tánon né raósere notsiónkwah kwáh né꞉ne iotsiskahionhnihátie teioweratáse, né nahonsahaʼkárhiakʼte né raonhakwáhtshera tsi nihonhakwénhen, tánon né raoʼtewenhnaienhtónhtshera taiotonkótatse ótsire.

Joel 3:16

Tánon ne Roiá꞉ner kwáh enhatonrá꞉ien ne Zion nón꞉we, tánon thethawenhnákare Jerusalem nitewé꞉tha, tánon ne tsi karonhiá꞉te ó꞉ni ne tsi ionhontsá꞉te enhioʼwá꞉ke. Ók kiʼ ne Roiá꞉ner rahónha teshakó꞉nes neʼ rahonkweʼtashón꞉as, rohiataní꞉ron tsi nokwáh nonkweshón꞉as Nisraeró꞉nonke.

Matthew 24:29

Akȣa neok enȣatenniserohestste neh niȣenniserotens, onȣaterakȣaton, iah oni tataonsnkasȣathete nasonrekha, entkaniserenne ne karonhiake tiotsistokȣaronnion nok tenhiotihentonȣe nahosastensera tsi Tkaronhiate.

St. Mark 15:33

Iaiakhaton siioȣistahehatie onȣentsiakȣekon taiokaraȣe, tsiniiore ne tioton-haton.

John 13:7

Tontahoȣennaȣeron ne Iesos, nok ȣahenron; iah nonȣa tesaterientare tsini ȣakierenhatie, onakenke ki ensatokense.

Deuteronomy 33:26

Tsónhkwe ne Israerʼró꞉nonhke sewanákere, iáh nó꞉ia ne ní꞉io teká꞉ien ne thóh nahahiatoténhake tsi ní꞉ioht ne sewaNí꞉io, kwáh iorá꞉se tsi ní꞉ioht tsi rohonwí꞉seres ne tsi karonhiá꞉te, tsi iotsikerarón꞉nions nón꞉we nenhthonhonwí꞉sere nahonthahiaiathakenásera.

Hebrews 12:26

Ne raowénhna né watiahonʼontsíʼshonkwe né shiʼkaháwis, onk ónen rorahrátsʼton, “Shékon énska iesewáhteratsʼthe enskáwahke iáh khók kíʼ onwéntsia thaʼkénhake onk tsi karonhiáte ó꞉ni,”

2 Tiér 3:10

Nók nentewenniseráteke ne Roiá꞉ner thóh ní꞉ioht tsi tètre tsi ní꞉ioht ne ranénskwas. Ne thóh entewenniseráteke ne tsi karonhiáte enwáton tsi nenwatáti ne iowennothí꞉ie, tsi nahoténsons ne tsi karonhiáte enwákʼtsa ó꞉ni enkariwatónthon, tanon ne tsi ionwenhtsate oni nahoiotenhsera ne thóh nonwe nikaiotenhen, tsi enwenene.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.