Psalms 18:8 - Ohiatonhseratokénti

⁸ Takaienhkwahrínekenʼne tsi tehanionhkáronhte, tánon nó꞉tsire ne iakothóntha tsi raʼsahkáronte takahiákenʼne; ne ioswenhthathékha rahonháke nontáwe.

Psalms 18:8 ပူးပေါင်းရင်းမြစ်များ

Genesis 19:28

tánon thóh nokwá꞉ti Iaʼthatká꞉neren tsi tkanataièn꞉tahkwe ne Sodom ó꞉ni ne Gomorrah ó꞉ni tsi nokwá꞉ti nakwé꞉kon tsi iohontsakwènhtare tánon wahatkáhthoh, tsi niioién꞉kwarote nonhwentsá꞉ke thóh níiʼioht tsi ní꞉ioht nó꞉nen kwáh ioièn꞉kwarote ne teiotsenhanón꞉iani tsi iotékha.

Job Tánon ne Raoronhiakensera 41:19

Tsi rasaká꞉ronhte tká꞉iakens nó꞉tonhkwah; tehiotsirát꞉te tká꞉iakenstakwah.

Psalms 104:32

Onhwenhtsáke entʼtatʼká꞉tho tánon waʼtsiowí꞉sonhkwe, nék tsi ienhaiéna ne tsi ionón꞉te enwaʼtsienhkwarónh꞉ni.

Psalms 11:6

Aiáwenhs né Roiá꞉ner asakokenhnóreste né ronhnonkwetahétkens né nótsire tánon iontenatentástha í꞉ken. Né꞉ne iotsiatátsahat nowé꞉ron né teonathéntion nahatiʼiéna.

Psalms 21:9

Kwáh éhʼtho ní꞉ioht tsi ensahkó꞉thonte tsi ní꞉ioht ne kwáh tehiotsienhanón꞉hiani ne nakwé꞉kon waʼtsahátha nó꞉nenh enhathotási. Né Roiá꞉ner raonakwatierákon tsi iensakotiatanékwane, tánon ótsire enhiakotsatátʼtsahate.

Psalms 50:3

NonkwahNí꞉io tá꞉re tánon iáh sák thihothatónhni, tehiotonkwahnónhiani rahohénton í꞉we, tánon iowerashástste tehioweratáse ne rahiatátʼtonhtse.

Psalms 74:1

Ó Sewenní꞉io nontséren tsi thóh kíʼ ní꞉ioht tsi waskwahkénron kwáh kén tsi nénhwe enkénhake? Kwáh kén tsi nénhwe ensehnhákwaʼse ne shonkwetaʼshónha?

Isaiah 24:18

Ónhka aiontèko nék nahiakothónteʼne katerónhtshera kwáh kí ienieiáthenhne ne tsi iosonhwakáronhte; tánon ónka ne tahontaierát꞉then nosonhkwákon kwáh kí né enhiakoiéna ne tewanikárare. Asèken ne tsi iononstonkwahʼkarónhton ne karonhiáke tekanonhontséseron, tánon ne tsitkenskwáhere ne tsi ionwenhtsáte teiowishónhkwa.

Daniel 7:10

Ó꞉ni kwáh í꞉ken tsi ioʼtónhkwes iotsirakétote tsi eʼtho nón꞉we nontá꞉we. Kwáh tóka niaʼtewenʼniáwe ehtsheráhsen niionkwè꞉take tehonwarihwahsnié꞉se, tánon meriien niionkwè꞉take raohén꞉ton rónnete. Né teieiaʼtorehtáhkwa tahontáhsawen wahatitsénhaien, tánon waʼthatikhási ne kahiatónhsera.

Leviticus 10:2

Thontaiawénstsi ne Roiá꞉ner ótsire tahathénieʼte, tánon kwáh wahakotsiatátʼtsahaʼthe tsi watʼníheie thóh rahohénton ne Roiá꞉ner.

Amos 4:11

Tohkára nihá꞉ti waʼkheiáhtonʼte, tsi kíʼ ní꞉ioht ne Rawenni꞉io tsi shakohtón꞉ton ne Sodom tánon ne Gomorrah, tánon tho nihshiaʼtó꞉ten tsi ní꞉ioht ne iotientátshon iótshon ne tsi iotékha; shé꞉kon kíʼ iáh akonhá꞉ke thaʼtetisé꞉non, rá꞉ton ne Roiá꞉ner.

Numbers 11:1

Nonhkweshón꞉ʼas tahontáshawen wahonwatrihwakatatʼtse ne Roiá꞉ner tsi niwenhtorá:tsie. Nó꞉nen ne Roiá꞉ner shaʼsakotʼthónteʼne, wahotenakwaserónhnien tánon ótsire thaʼsakoteniéten nonhkweshón꞉ʼa. Wahakotiatáʼtsahahte tsi ratinákere tánon wakarihwá꞉tonte tsi iehiótʼte ne tsi roʼnahnátaien.

Numbers 16:35

Ethòne ne Roiá꞉ner ótsire tahaténiete wakatsiróten tánon wahakotiatáʼtsahate ne 250 niháti ne iehonatkáwen ne kanetanó꞉ron.

Deuteronomy 29:20

Ne Roiá꞉ner kwáh iáh tahonsahonikónhrenhse ne nihionkwetó꞉ten. Khékok, ne Roiá꞉ner ne iotékha rahonakwáhtshera kwáh enkenhtonhkowanáthe ne raonhà꞉ke, tánon akwé꞉kon ne karihwaiesáhtsheras ne kahiatónhnion ne kén꞉en kahiatonhserá꞉kon kwáh enhosénhne tsi nió꞉re ne Roiá꞉ner kwáh thokén꞉en enhothón꞉te.

Revelation 11:5

Tánon tó꞉ka ónhka aionteʼnién꞉ten nahonwatikaʼrehwá꞉te, ótsire entewawerónhtane tsi rathisakaʼronhte tánon eniakotsatatʼtsahate ne ronwatíswenhs ó꞉nenk tsi enhonwatinonwarià꞉khon ne kíʼthóh nenhiotónhake.