Psalms 18:43 - Ohiatonhseratokénti

⁴³ Shastsiatáko tsi nihotiritstón꞉ni nonkweshónha; Í꞉i ohnón꞉tsi waskónhni tsi nòkwah nonhkweʼókon; nónhkwe ne iáh tekheientéri í꞉i akonkwé꞉ta waʼhón꞉ton.

Psalms 18:43 ပူးပေါင်းရင်းမြစ်များ

2 Samuel 19:9

Ratikwé꞉kon nonkweʼókons tehotiriwakénen kwáh ratikwé꞉kon tsi niateotitá꞉rakes NIsraerʼronónke, rontónhnions, “Ne ronnontí꞉io shashonkwahiatotarísi tsi nòkwah ne ionkísons, tánon shashonkwanónsthate tsi nòkwah ne Philistines; tánon ó꞉nen wahatèko ne tsi ionwenhtsá꞉ien ne raoríhwa Absalom.

2 Samuel 3:1

Wateriʼioserehsonhne tsi natehón꞉terekwe raotiwátsires ne Saul tánon ne Táwit; Ne Táwit kwáh í꞉ken tsi tahashaststénhsere, ók ne raotiwátsire ne Saul tahonaseronnenhtonhátie nenhʼnéʼeh tsi nihatisháststekwe.

Psalms 108:9

Né Moab né nenhné꞉e ne katsoharethákwah akéra í꞉ken; thóh nón꞉we ne Edom nítsiens nakwáhta; tsi nòkwah ne Philistia tenhwatkénrete nenhné꞉e tsi wakatkwénion.”

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 52:15

ká꞉ti kwáh entesakotón꞉nekʼthe iakotioʼkowánen; né rontiʼnontí꞉ios kwáh enhóntskweʼke rahónha entʼtharihónhni; asèken ne tsi nahó꞉ten ne iáh tehonwatiʼró꞉ri né꞉ne kwáh ne enhontʼkátho, tánon tsi nahó꞉ten ne iáh tehonarónhken kwáh kí né꞉e tenhatiʼiatóreʼte.

Isaiah 55:5

Satʼkátho, ní꞉se kwáh iensheʼnónkʼkon ne ronhnonhontsaʼkeró꞉nons né꞉ne iáh teseienhtéris, tánon ne ronhnonhontsakeró꞉nons ne iáh teiesaientéri kwáh kí thentsesaratáte, né rahorihónhniat ne Roiá꞉ner sahʼNí꞉io íken, né꞉ne Rahonháhak khók Roʼiatatokénti íken NʼIsraerʼronónke, asèken í꞉se iahiaʼtanerakwáhton.

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Acts 5:31

Rawení꞉io tsi raweientethákwen nieshoiaténha sonsahokhétsko ne tsi rahónha Ranenrakweʼniʼio ó꞉ni Sakohiatákwas, neh nahontasakáwen nonkwesónhas ne Israeronónke natesénʼna nahonsahiontatréwaʼte tánon nahonsakanikonrén꞉en nakoriwanerahákʼtseras.

Romans 15:12

Tánon áreh, tsi niháwen ne Isaiah, “Tsi nithotwahtsirínon ne Jesse enhatotáshon, Éntʼreh nasakohentéseh ne iáh tehatiʼsitaerónons, tánon rahonháke non nenhatíʼien neh rahonaskanéktseras.”

Romans 15:18

Entewakenikonrahkontákwen ó꞉ni nek khók enkatróri tsi nihoiéren ne Kerístos nakonháke nakheiasáriʼne ne iáhʼtehatiʼsitaeronons neh꞉ne ahonwawénnaraʼkwe ne Rawenni꞉io. Neh iorihónʼni tsi nikawennhóten wakathatíhon ó꞉ni nakeweiénʼna,

Romans 16:26

Nók kíʼ neh tsi nihotihiathónnions ne rothitokenséhakwe ne iorihónni iakotiokowánen nonkwesónha aiakonikonraiéntaʼne nʼoriwíʼio; ne ronnheʼónwe Rawenni꞉io rotennáʼon kwáh ken tiokwakwékon aiakoteriéntaraʼne nʼoriwíʼio, nekáti nakwékon ahontahonwétaʼkwe ne Rawenni꞉io ó꞉ni ahonwawénnaraʼkwe.

Ephesians 1:22

Ne Rawení꞉io Kerístos rashihʼthókon nón nihokéron noriwakwékon ó꞉ni thówi nononsatokénti ne rahónha ne Roiánere ahkénhake noriwakwékons.

1 Tiér 2:10

Ieióhene iáh níse Rawenni꞉io rahonkwéta tekènne, nók ónen kíʼ rahónha rahonkwéta sewatónʼon; ieióhene iáh tesewateriéntarakwe ne Rawení꞉io raotaniténrat.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”