Psalms 18:42 - Ohiatonhseratokénti

⁴² Kwáh ioiánere tsi waʼkhenonwenhserário, tsi ní꞉ioht nó꞉nen iokenró꞉te ne tsi iahó꞉te; Waʼkhehiátonte tsi ní꞉ioht ne ionawatstanótes tsi tekanatokénhseron.

Psalms 18:42 ပူးပေါင်းရင်းမြစ်များ

2 Kings 13:7

Né Jehoahaz iáh kíʼ othènen tesahonkwetaʼiénthakwe ne ronterí꞉ioskwe nek khók ne wísk-niwásen niháti ne rotisátens ronterí꞉ios iateshonathaténhron, oiéri nikaserétakes otsónkwahs, tánon oiéri tewenhniawehetsherásen niháti ne také꞉sons nienhónhne tsi ní꞉ioht tsi ronhterí꞉ioskwe, tsoríhwa ne Syriaró꞉non ronontí꞉iokwe tsi ratikwékon sakotónhton ne ronátiakes, tánon tesakoskwáhseron tsi ní꞉ioht nokénhra.

Job Tánon ne Raoronhiakensera 27:9

Ne Rawenni꞉io ahothón꞉teʼne ken tsi natehaséntos nó꞉nen ne kaʼnikonraksénhtshera enhotí꞉rahne?

Psalms 50:22

“Sateniéntenst kí꞉ken, eʼthóhne, ní꞉se ne tsisewaʼhiatanikonhrénhʼen ne Rawenni꞉io, tánon kwáh enkwahiataratiónko, tánon iáh ónhka nahonsaiesaniákente.

Proverbs 1:28

Thó꞉ne ó꞉nen entehskená꞉ton attokháhtshera, iáh kiʼ thaʼtakerihwaʼserá꞉ko. Tsik nón꞉we enhstiaʼtí꞉sake iáh kiʼ thahstiaʼtatshén꞉ri.

Isaiah 10:6

Iehihiatenié꞉ton niaʼsakotsiaʼtónhti ne iáh teotiniʼioseráien ronhnonhontsakerónons, kwáh ieionkerhiaʼsarátha tsi niʼionkenakónhnis kwáh akaterhiatitkhonsherákon tsi wahirihontiéten ne Assyria niasakotsatónti, ne nahanenskwenháton tánon nahatiénawasthe ne rotierónkwen, tánon nasakoratatséshon tsi ní꞉ioht ne orashókwahke ne tsi tekanatokénseron.

Isaiah 25:10

Asèken ne ratsanàke ne Roiá꞉ner kwáh enká꞉rane kí kénhen ionónte. Ne Moabites kwáh enhonwatiʼratatsiéson tsi nón꞉we nihotinákʼte tsi ní꞉ioht ne kawá꞉he ieráthatses tsi iehiakotsetákwah.

Isaiah 41:2

Ónhka rokétskwen natesenhniénhtshera ne tsitʼkarakwínekens nokwáhti, iehonónhkon nahoterihwatsterístaʼse? Sesakoniakéntha niaʼkahontsakeró꞉nons ne rahonhàke, tánon ne tesakositakenhserákwah ne rontinontiʼióshons; tsi ní꞉ioht nokénra sakahónhnis né꞉ne raoʼsarekówa ráts꞉tha, kwáh tsi ní꞉ioht notsináhara ahiaʼkorehátie né꞉ne raoʼiénhkweri thóh nahioierenhátie.

Zechariah 10:5

Ne nonhkweshón꞉ʼa ne Judah nón꞉we kwáh enhonatʼkwénionke tsi ní꞉ioht ne ronterí꞉ios ne teshakonaskwasheronkwáhton ne ronwahthí꞉sons nonahwásthakes ne tsi tekanatokenhá꞉tons. Kwáh enhonterí꞉io tiorì꞉wa ne Roiá꞉ner tsi ratikwekonháties, kwáh ó꞉ni enshakothishén꞉ni ne tehontátʼtsions ne rohtishá꞉tens tsi ronterí꞉ios.

Malachi 4:3

Tánon enietshiratatiéhshon ne iakonkweʼtahétkenʼs, aseʼkénh waʼkenhrontákwen ronatón꞉ʼon tsi kéntskaron ne sewahsiʼtó꞉konʼs, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.