Psalms 18:41 - Ohiatonhseratokénti

⁴¹ Í꞉se washeiónhnien ne iónstshons naionhkatswaténien, tsi nihiá꞉kon ne iónsshonkwe, wakheiá꞉tonhte;

Psalms 18:41 ပူးပေါင်းရင်းမြစ်များ

Job Tánon ne Raoronhiakensera 27:9

Ne Rawenni꞉io ahothón꞉teʼne ken tsi natehaséntos nó꞉nen ne kaʼnikonraksénhtshera enhotí꞉rahne?

Psalms 118:10

Rononhontsaʼkwékon tehionkatiathátonhkwe; raosénhnakon ne Roiá꞉ner tsi waʼkhehiátonhte!

Psalms 118:11

Waʼtionkehonhwaʼrónhni, kwáh tsikthontahatiʼiérate tsi waʼtionkehonwaʼrónhni; raosénhnakon ne Roiá꞉ner tsi wakehiátonhte!

Psalms 50:22

“Sateniéntenst kí꞉ken, eʼthóhne, ní꞉se ne tsisewaʼhiatanikonhrénhʼen ne Rawenni꞉io, tánon kwáh enkwahiataratiónko, tánon iáh ónhka nahonsaiesaniákente.

Proverbs 1:28

Thó꞉ne ó꞉nen entehskená꞉ton attokháhtshera, iáh kiʼ thaʼtakerihwaʼserá꞉ko. Tsik nón꞉we enhstiaʼtí꞉sake iáh kiʼ thahstiaʼtatshén꞉ri.

Isaiah 1:15

Nó꞉nen iathenshatsá꞉nate nasaterienhnáien, kwáh kí iáh takonhiatʼkátho; iáh othènnon takarihontáko tsi níkon ahsaterénhnaien, Kwáh kí iáh takatahónsathate; ne satsanáke titkanewenhsáhere.

Jeremiah 11:11

Káti nónhwa Í꞉i, ne Watiá꞉ner, wakhehiaronkáten tsi enthékaʼwe ne kahkaronniátshera ne ronhnónhake, tánon iáh thahatiniákenʼne. Tánon nónen iatenhothihénreʼte nakonháke nakhehiénahwaʼse, iáh thakhehiatahónsahthaʼte.

Jeremiah 14:12

Shé꞉kon ó꞉ni nahonnenhtóntieʼthe, Kwáh kíʼ iáh thakhehiatahónshathaʼte tsi naʼtehonséntʼthos nakheiénahwaʼseh; tánon ó꞉ni ne kwáh aterennaienthatsherákon tsi akonwahtsatatʼtsahaʼte ne katʼtshénen ó꞉ni nonátsa ahiontthátse, kwáh kíʼ iáh tahionkenikonhrí꞉iosʼthe. Khèʼkhók, ateriʼiosehráhke tsi enkhenonhwahrhiákon tánon athonkarhiákon ó꞉ni kanhrahtarihnétshera.”

Ezekiel 8:18

Kwáh enhóntʼthoke kashastsʼtenserahkwékon nakenahkwáhtshera. Kwáh iáh takhenónhsthate iáh ó꞉ni takhenahtónhase nataniténron. Kwáh tenhotihénreʼte nahterénhnaient nakonháke tsi nihiorahkaréhni tsi ahathikwéhni, ók iáh kíʼ taʼkhehiatahónshathaʼte.”

Hosea 7:14

Tsi tehonséntʼtos iáh raoneriáne nón꞉we tetewétha, tsaʼtehotihenrétha ne rahotináktake; rontatrenánions né꞉ne onátsas tánon onenharákeri tkarihónhnis; ionkewenhnón꞉tses.

Micah 3:4

Ethò꞉ne iathenhonsénhtho raonhà꞉ke ne Roiá꞉ner, ók iáh kíʼ tathasakorihwaʼserá꞉kwahse; enshakoʼkonsaséhthen né nenhkahá꞉wike, tiorì꞉wa tsi nihatiweienaksénhskwa.

Zechariah 7:13

Tiorì꞉wa tsi iáh tehonatahonshatháton nó꞉nen enkathá꞉ti, iáh thatekherihwasherahkwén꞉ni nó꞉nenh enhonterén꞉naien.

Luke 13:25

Nok nonen enshataȣeiate ne Ronȣaniha, enshannhoton oni, ok astste ienseȣenterontake, ethone entiseȣatasaȣen enȣeȣannhohaiake, enseȣatonheke, Seȣenniio! takȣannhotonkȣas, nok ne raonha enthenron iah othenon teȣakaterientare kah nitiseȣenon.

Joshua 10:26

Ethò꞉ne ne Joshua washakononhwariaʼkónhnion ne ronhtinonhtí꞉ios tánon wísk nikarónhthakes tsi washakohiaʼtí꞉haren, thóh nón꞉we nihiorenhthónhakwe ne rahothiierónhtas tsi nió꞉re iahoʼkárawe.