Psalms 18:28 - Ohiatonhseratokénti

²⁸ Í꞉sehse ne sahserót꞉tha natkasèhra; ne Roiá꞉ner, akeNí꞉io éhʼren waʼhahá꞉wite nakáwenk tetiókaras.

Psalms 18:28 ပူးပေါင်းရင်းမြစ်များ

2 Samuel 22:29

Kwáh oriwí꞉io í꞉se nakʼkhásera í꞉ken, Ó Saiá꞉ner, ne Roiá꞉ner tehaswatthétha nakasátakon.

1 Kings 11:36

ók kíʼ skenhtsiókwah enhitsiókon ne Solomon roiénha, né káti nahontienhthake né tiókonhte tsi ienhatwatsiríhne nakenhátsera Táwit nahonatʼkorasthónhake ne Jerusalem, né꞉ne tsi kanatowanénhke ne wakathaterakwénhni tsi nónhwe nenh hiontsenhnaienthákwahke.

1 Kings 15:4

Ók kíʼ Táwit rahorihónhniat ne Roiá꞉ner Raoní꞉io tahá꞉wenh ne Abijah roskenhrakéte ahowiraiénhtaʼne né꞉ne rahónha tahonsahonatʼthákwen nahonsahatkórasʼthe ne Jerusalem ó꞉ni nahontháhane ne Jerusalem.

Job Tánon ne Raoronhiakensera 18:6

Ne kaswathétshera tetioʼkarà꞉on ne raotohserá꞉kon, tánon ne rathasherotáhkwa iehaserotáhkwake ká꞉niote ók ioswá꞉hon.

Job Tánon ne Raoronhiakensera 29:3

Nó꞉nen ne raohá꞉sera sateioswáte ne è꞉neken kenontsí꞉ne, tánon né꞉ne raoswathétshera nón꞉we natekatekhahákwake ne tsi tetiò꞉karas.

Psalms 112:4

Kaswatʼthétshera teiakoswatʼtheʼténhnis nó꞉nenh tetsiókaras ne tionkwetaiéri; thóh tirihwaʼiéris, ronatanitenhráskon, tánon rotiʼiánere.

Psalms 132:17

Thóh nón꞉we nenhkateriwaʼthéntiaʼte tsi nenhishaststénhseron ne Táwit iatehahiati; watkwahtákwen natónnets nahonhtahí꞉hion ne rihiatará꞉kwen.

Proverbs 20:27

Roiá꞉ner tehsonkwá꞉wi noʼnikòn꞉ra naionkwaterién꞉tarake nahò꞉ten ne tkariwaié꞉ri nahò꞉ten ó꞉ni ne wahétken; iáh thaʼón꞉ton naetewáhsehte tsi nitewatiéhrha.

Isaiah 2:11

Tsi tehakánere ne ratatkowánen rónkwe kwáh kíʼ ehtsioserónhnenhte, tánon ne hionthatónhni onhkwetakwékon kwáh kíʼ entsionhnítenhte; tánon rahonhatsíwa ne Roiá꞉ner enhatʼtsenhnakaráthate nètho entewenhniseráte.

Isaiah 2:12

Asèken ne Sakoiá꞉ner ne ronterí꞉os ratironhiakerónons tsi rawenhniserahrákwen né sakokkónten ratikwékon ne iontatónhni tánon ne iakotatkowaná꞉ton ensakokkónten tsi niháti ne iakotatʼtharatáton tánon aiesenhnowanénhke;

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Isaiah 62:1

Asèken né꞉ne Zion aoriwá꞉ke tsi iáh sák thaʼkatatónhni, tánon né꞉ne Jerusalem aoriwáke tsi iáh thakatoríshen, tsi nió꞉re naoʼtesenhniéntshera thenhiostwá꞉theʼne kwáh tsi ní꞉ioht noronkéne, tánon naoʼhiatakenáhtshera kwáh tsi ní꞉ioht tsi iotékha ne iekatsiró꞉hare.

Matthew 4:16

Tohiken asatakon iakonnhetiene, kasȣathetseroȣanen ȣaontkatho; nehoni nakȣa tiakononkȣisenne ne kenheiatne, ȣatiakosȣathene.

Luke 1:79

Aontonseke taonsaiakosȣathene nasatakon oni kariȣaneraakserakon iakonnhetie nok eh nonkȣati aonsasonkȣasarine tsinonkati ne Skennen.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.