Psalms 18:20 - Ohiatonhseratokénti

²⁰ Né Roiá꞉ner waʼthakeriwaserákwase ne tahiohianénhawe tsi niwakerihwakwahríshion; ne tahiohianénhawe tsi nihiotkwéniens ne kahtiákahke sahatiéritʼtse.

Psalms 18:20 ပူးပေါင်းရင်းမြစ်များ

Job Tánon ne Raoronhiakensera 22:30

Kwáh ó꞉ni enshesakohiatá꞉ko iekaní꞉hare tsi niiá꞉kon ne iakoní꞉kon; kwáh ki enshontonhnakanón꞉ni thóh shatsá꞉nake.”

Job Tánon ne Raoronhiakensera 36:16

Kwáh ó꞉ni é꞉ren enhiahawí꞉then ne kaʼnikonranonwáktshera, tánon thóh nón꞉we nienhiahaʼténhawe tsi nón꞉we ne tsiatehiotskará꞉wen kenhentá꞉ien ne kwáh iáh othé꞉non tekaristhí꞉seron, tánon tsi nahó꞉ten kará꞉kwe ne satekwará꞉ne titkáhere ioré꞉sens.

Psalms 118:5

Ne tsi niwaʼkenikonraronhiákenhkwe iahináton ne Roiá꞉ner; ne Roiá꞉ner waʼthakerihwaʼserákwahse tánon thóh nón꞉we nahakíteron tsi nón꞉we niwaʼtenatowáʼnen.

Psalms 18:24

Né꞉se wá꞉oni ne Roiá꞉ner sahatkárhiakʼse ne tahioianénhawe tsi niwakerihwakwaríshion, ne tahioianénhawe tsi niwakatkwéniens ne raohén꞉ton.

Psalms 24:4

Né꞉ne tsi nihiákon ne ieweʼienhní꞉io tánon ienikonhrí꞉hio, tsi nihiákon ne iáh kahiatónhni tekonwaʼthisénhnaiens khés ne noʼnhówenhs í꞉ken tsi nihionrahrátstha.

Psalms 26:6

Saiá꞉ner sakatsióhare né nakéneste tsi iáh tewaʼkeníkon, tánon watkhakwahtaséhnion ne tsi kanióte ne sáwenk ietienhará꞉kwah, O Saiá꞉ner,

Psalms 31:9

Tasarihwaʼiérik nakonháke, Ó Saiá꞉ner, asèken tewaʼkanikónrahre; waʼkatkáro tsi niwé꞉so wakkhaséntʼtho, kwáh kíʼ waʼtiathenhtáhon.

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 7:3

Ó Saiá꞉ner akeNí꞉io, tó꞉ka kí꞉ken thóh nahonkatiérenhke; khés tó꞉ka thènenh nahiotón꞉hake ne kanatshaná꞉kes,

Psalms 7:8

Ne Roiá꞉ner tesakohiatorèhtha nonkweshónha; testsiatóret, Ó Saiá꞉ner, né tiohianénhaf tsi iáh tewakeníkon tsioríhwa tsi kwáh iaothènon tewastónhton. Í꞉se né éhʼneken satohesthakʼwen.

Proverbs 11:18

Nónhka ne iáh tetiakorihwaié꞉ri iáh oʼthé꞉nen kwáh thaʼtaiontèn꞉tsha. Nok tókaʼ tho nénhshiere tsi nahò꞉ten tkariwaié꞉ri kwáh ki iorihwí꞉io tsi tensaterihwaʼserákwahse.

Isaiah 49:4

Ók wakí꞉ron, “Tsi watioténʼén wakathaʼteronhiakénton, Wakatieshá꞉ton naʼkeshatsʼténhsera né iáh othènon tekarihwástha tánon iáh thènen teioríhonte; eʼthohʼsàne orihwiʼiohónwe naʼkerihwashón꞉has tsi Roiá꞉ner nón꞉we nikáien, tánon tsi nahiontiéritʼtse Rawenní꞉ioke né nón꞉we nikáien.”

Isaiah 62:11

Né Roiá꞉ner teoteriwareniáton né tsi iehiotonhontiotʼtaníhon nió꞉re: Sewènhas nakoiénha Zion, “Satʼkátho, né sahiaʼtakenhátshera taiawenonhátie; né raoʼrihwasehrakwáhsera nikweʼkonhátie né rahónha, tánon né raóʼwenk kakaʼrihátshera raohénton ká꞉ien.”

Matthew 6:4

Tosa senestonhak tsi satanitenron; nok ne ianiha nʼiah othenon tehotrenhostenni, ȣene enhronni tsi tenshiariȣaserakȣase.

1 Corinthians 3:8

Kwáh iáh thènen thahʼtetiatʼtíhen tsi nikáien ne raiéntʼthos tánon tsi nikáien ne shahkonekanóntens; Rawenni꞉io tiehiatát꞉tion tenshahkoriwahserákwahse né entiohianénhawe ne tiehiatát꞉tion tsi nihiakohiotén꞉en.

Hebrews 7:26

Ié꞉sos, káti, ne ratsihenstowáhnen né teshonkwáhwis tsi naʼteionkwahtonwenhtió꞉ni. Rohiatatokénti; iáh tahóten tatehaterientawénhries iáh ó꞉ni tekénteron ne kariwáhneren ne rahonháke; tehonwahkháshion tsi nòkwah ne rotiriwáhnerens tánon ronwahiatakaratáton è꞉neken tsi karonhiátes.

1 Samuel 24:17

Wahawénhase ne Táwit, “Í꞉se sénha saiá꞉neren tsi ní꞉ioht ní꞉i; asèken ní꞉se ne shasetkarhiátʼten ne ioiá꞉nere, ók ní꞉i ne konkarhiatʼténhni ne karihwahétken.