Psalms 18:14 - Ohiatonhseratokénti

¹⁴ Waʼharónh꞉thate ne raoiénkwires tánon waʼtesahkhoktékwahte ne ronhwásons; waʼthatsirahríhkhon tsi waʼtewahninekarahwá꞉nion, tánon waʼsaʼkotékwate.

Psalms 18:14 ပူးပေါင်းရင်းမြစ်များ

Job Tánon ne Raoronhiakensera 37:4

Ne enhiosérete ne raowén꞉na teniahónhare; ne enhawéraste né꞉ne raowén꞉na ne kahiatanerakwáhtshera; tánon iáh thatahatáste né꞉tho nó꞉nen ne raowén꞉na enhiakothón꞉teʼne.

Job Tánon ne Raoronhiakensera 37:5

Ne Rawenni꞉io ne rawerás꞉tha ne raowén꞉na, tánon tsi niiorihwanerákwat naiakothón꞉teʼne; iorihowá꞉nens tsi nihaieránions né꞉ne iáh tahitewakwé꞉ni nahionkwaʼnikonraién꞉taʼne.

Job Tánon ne Raoronhiakensera 38:35

Enskwé꞉ni ken niasaténiehte ne tewaninekárawas, ne káti ahónton niá꞉we tánon nahisénhase, ‘Kén꞉en í꞉kes’?

Job Tánon ne Raoronhiakensera 6:4

Asè꞉ken ne raoiènkwires ne Roshatstenhserowá꞉nen ne tewatiatawehéston, naotinonkwatseraktséntsheras ne ionekí꞉ren nakatónnhets; ne raoterón꞉tshera ne Rawenni꞉io wakanenhraserón꞉ni nahontahionkatiaʼtón꞉ti.

Psalms 144:6

Sóhnni ne tahonhninekarawáhnion tánon tesehiatʼtówat; sarónhtat ne saiénhkwires tánon sehianónhni tsi nenhontèko.

Psalms 21:12

Asèken kwáh ensehʼhiónien nahontèko; kwáh ratikonsáhke tsi ensehtakwahríshien ne saiénkweri.

Psalms 29:3

Né Roiá꞉ner raowénhna thóh í꞉wes éhʼneken ne kaniatarakekó꞉wane; ne rohiatanerákwat Rawenni꞉io roweráston, tánon ne raowénhna iatekawenhnaníharas éhʼneken ne kaniatarakhekówahne.

Psalms 29:7

Né raowénhna ne Roiá꞉ner iónhnis ne tahonhninekarahwáʼnion.

Psalms 77:17

Ne tsi iotsikerariónhnions tonhwerónhtaʼne tsi nahokénhnore; waʼkáwere ne tsi karonhiáte; tánon kwáh tsitʼnonhtaʼkaierahtánion tsi waʼtewaninerakawáʼnion.

Psalms 77:18

Né tsi iowé꞉renh kwáh né꞉ne iokakwenhtakárere thóh tsi tehioweratáse; né sáwenk tewaʼninekaráwas ohontsakwékon tsi watʼkaswátʼtheʼte; ne tsi ionhwenhtsáte waʼhówake tánon waʼtsiowísonhkwe.

Isaiah 30:30

Tánon ne Roiá꞉ner kwáh ne enkarihónni ne kwáh í꞉ken ioràse raowénna nahiakothónhtene tánon tsi nontaiawenonhátie nahiakokónhreʼke ne ranentʼtsàke nahiontkátho, thóh aterhiatitkonhtseràkon ne kanakwáhtshera tánon ne iotónhkote ne watʼtsahátha ótsire, ne entkènete tsi nentkanakwahweron tsi nenhiokénhnore tánon thenkaweratáse ó꞉ni enhiowisónhti.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Habakkuk 3:11

Tsi natewatʼtsiró꞉ke ne tehió꞉ka sáwenk kaienkwí꞉res tánon tsi natehiahó꞉ien ne tehiostaratʼte sashí꞉kwahra; ne karáhkwa tánon nasonhthenhné꞉kha karáhkwa watʼkenítane.

Numbers 24:8

Rawenni꞉io tetheshaʼkohiatinekénhen ne Egypt nónhwe, Shakoteriʼióse tsi ní꞉ioht ne karhakhónha tehonákares. Shakowénhthos ne tehontáʼtshons, Tehanénstsiake ne rahotistsiensónhas, tenhahiákhon ne rahotiʼiénkwires.

Deuteronomy 32:23

“‘Kwáh enkheiénhase ne iáh tsehiótok꞉the ne kariwaieshá꞉tsheras tánon akwé꞉kon enkhehiásthen natsienkwí꞉res.

Deuteronomy 32:42

Natsienkwéris kwáh ne enwaʼtsánon ne rahotinekwénhsa, tánon nakasharekó꞉wa kwáh enhotinonhwarià꞉kon ratikwé꞉kon nenhiontsiotà꞉tse. Kwáh iáh ónhka takhenónhstate nónhka nahiakwahterí꞉io; iekaníhare ne ronatkarewátons ó꞉ni ne rathinó꞉tons tsi enhonhníhieie.’

Joshua 10:10

Ne Roiá꞉ner wasakahónhnien ne Amorʼró꞉nons nahonateronhniénten tsi nashakotí꞉ken ne Israerʼró꞉nons ronhterí꞉ios. Ne Israerʼró꞉nons wahonwanawenhthóseron ne Gibeon nón꞉we tánon sahonwananonhtatsnenhthákwen ne tsi iehiotohétston ne Beth Horon, iehonwanatiaʼtónhties tsi nió꞉re ne entiè꞉ne nokwá꞉ti ne Azekah ó꞉ni ne Makkedah.

1 Samuel 2:10

Ne Roiá꞉ner ronwáswenhs kwáh kiʼ enhionthatá꞉tonhte; ne kwáh éhʼneken thót꞉te kwáh entʼtáwere thóh karonhiáke. Ne Roiá꞉ner kwáh enharíwente tsehionhontsakwé꞉kon; raón꞉ha enhoshaststénseron ne raonnontí꞉io, tánon enhoshastsʼtenserowaʼnénhake ne rohiatarákwen.”