Psalms 18:12 - Ohiatonhseratokénti

¹² Iowisónhtion tánon tewatʼtsirahrítkons ótsireh thóh nitewé꞉tha tsi natewaninekarahwáʼnions ne raohénton tánon thóh waʼtiótkaʼwe tsi natetiotsikeráhkeras.

Psalms 18:12 ပူးပေါင်းရင်းမြစ်များ

Psalms 104:2

ne tesatʼwahwenhétʼthon ne kaswatʼthétsera tsi ní꞉ioht natʼtserónhnia akénhake. Waʼtestakwáhrihte ne tsi karonhiátes tsi ní꞉ioht natóhsehra,

Exodus 19:9

Ne Roiá꞉ner wahawénhaʼse ne Mahís, “Iotsikeráhtens nónhwe nènhtke tsi enkonhiatóʼrenhne, ne káti nonhkweshón꞉ʼas nahionkewenhnáronhke tsi tehionkeníthare tánon entiésehtaʼkwe ne kénʼen enhiotiéthe.” Ne Mahís wahó꞉rori ne Roiá꞉ner nahó꞉ten nonhkweshónʼ꞉as tsi wathatiriwaʼsehráhko,

Isaiah 50:3

Né wakserónhniate ne tsi karonhiáte kahontsistóskon, tánon káiare wakónhni né꞉ne ahonteróhrotste.

Matthew 17:2

Nok rahotihenton etho ȣathatteni; eh nahakonsotenne tsiniiot ne karakȣa, nok ne raotseronniat eh nakenrakenne tsiniiot noniete.

Matthew 17:5

Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

Joshua 10:11

Tsi nikarì꞉wes ne Amorʼró꞉nons rathitátke sohnanonhtatsnentonhátie ne iohthohétston tsi rathì꞉teron ne Israerʼró꞉nons ronhterí꞉ios, ne Roiá꞉ner kowá꞉nens waronhniá꞉nion nahiowí꞉sonhti nahothí꞉ienthe kwáh tsi nió꞉re ne Azekah. Sénha ne wé꞉so wahakório tsi nahowí꞉sonhti tsi ní꞉ioht ne Israerʼró꞉nons ronterí꞉ios.

Revelation 16:21

tánon kawishowá꞉nens wahowí꞉sonhti, ne skát꞉tions thó꞉wa énska tewenhniá꞉we nikakontserá꞉ke nihiótstes, tonsénhne karonhiá꞉ke ne watsakohiatorá꞉rake nonkwehó꞉kons, tsi nikarì꞉wes ronwakenhrenserónhnis ne Ní꞉io ne aorihwá꞉ke ne kannratarinéhtseras tsi wahowisónhti, thóh niió꞉re tsi ioteronhtón꞉ne né꞉tho kannratarinéhtsera.