Psalms 17:15 - Ohiatonhseratokénti

¹⁵ Ók ní꞉i, sewaká꞉teriwakwahtakwèn꞉ni kwáh enkòn꞉konhsá꞉ken; nó꞉nen enhstie, kwáh enwakerientí꞉io ne tsi kén꞉ʼen í꞉ses.

Psalms 17:15 ပူးပေါင်းရင်းမြစ်များ

Job Tánon ne Raoronhiakensera 14:12

Káti kwáh ne rónkwe enhá꞉rahte tánon iáh shé꞉kon taonsahatkétsko tsi nió꞉re iáh tahonsakaronhiá꞉teke; kwáh ki iáh tahonsahá꞉hie khés nahonsahonwakétsko tsi nihó꞉tas.

Psalms 11:7

Asèken ne Roiá꞉ner roiánere nenhné꞉e; né tesakorihwaserakwénhnis ne kaiáneren kahioténhseras; tsi tionkwetaiéri enhierihwaiénterane tsi niotenorónston.

Psalms 119:111

Né saianerénhseras wakerihonhniénhnis tsi nahoténsons enkerihwanorónhsthake né꞉ne tsi nénhwe enkénhake; ne wakerienhtiʼióstha nakwerhiá꞉ne.

Psalms 16:11

Enskerihónhnien tsi niehiokthahí꞉non ne iónnhe. Né tsiatákta kwáh titkáhere natonnarátsera; ne sesheweientethákwen ne nonwenhsénhtseras í꞉ken.

Psalms 49:14

Kenhé꞉ion ienhiakosárihne; tsi ní꞉ioht ne teiotinakarontónha sakohentenhseháties ne sakó꞉nonhne; né iakoianere enhonwaʼnaterihwát꞉kweni, né raotiierón꞉ta iostó꞉re tsi enhiotken; thóh nón꞉we tsi tsohontsáien ne kenhé꞉ion ahí꞉non nió꞉re iéken ne tsi ratíteron.

Psalms 5:7

Ók Ní꞉i ne tsi nikanánon ne kwáh iorihwató꞉ken sanoronhkwáhtshera, ienkatáwehiate ne sanonshatokentikówane, kwáh tenkatiákete ohénton ne iotokénti sanonsatokentiʼkówa tsi nenkonsénhnaien ne tsi kontsánis.

Psalms 65:4

Iakotáskats tsi nihiákon ne sehiatará꞉kwen tánon tesehiaténha ákta né niahontáwehiaʼte ne sanonsatokentiʼkówaʼne ne taiesanonweráton tánon naiesahsénhnaien, ne kahiathateríhtseras nonkweshón꞉ha iehiénas ne sanonsatokentiʼkówaʼne nónwe nitewètha, né꞉ne kaiatateríhtseras teskwáwis thóh kanónskon ne Sanonsatokentiʼkówaʼne.

Isaiah 26:19

Ne iesenhé꞉iaseh kwáh kíʼ entionhthonʼnhete, ne raoʼnonheióntas kwáh kíʼ tentewatʼkétsko. Ó nokenhràke sewaná꞉kere, sewá꞉ie tánon tesewarí꞉wak natsenhnonhniátshera! Asèken ne sahaweiásera kwáh teiostarát꞉te tsi iohá꞉weien, tánon ne tsi ionwenhtsá꞉te kwáh entsaʼkahónnhete ne wahónhnise tsi ná꞉he thonenʼhéion.

Jeremiah 31:26

Éhtho káti, nonhkweshón꞉a enhiaiéron, ‘Iahonkíthaʼwe tánon tsi sahteskeʼshátsʼte.’

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

Matthew 5:6

Iakotaskat ne tkariȣaieri iontonkariakta oni iakoniatathata: aseken enhiontatatahten.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

Philippians 3:21

Ákwe niesakosastenserakénʼnion, Tánon ó꞉ni éhtho ní꞉ioht tsi ensakwatáko kíʼ tewaiéronke ne neh tahonsakaieróntarake tsi niʼioriwanerákwat ne rahónha raierónke.

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.